Wuj Richin ri Rutikeribel 28:18 - Kaqchiquel Bible

¹⁸ Nimaq'a' yan xyakatej y xuchop ri abej ri xuch'akatbej-qa, xupaba-q'anej y xuq'ej kan aceite chirij richin jun retal.

Wuj Richin ri Rutikeribel 28:18 ပူးပေါင်းရင်းမြစ်များ

Wuj Richin ri Rutikeribel 35:14

jari' toq ri Jacob xupaba-q'anej jun abej richin retal akuchi xch'on-wi ri Dios rik'in y xuya' aceite y vino pa ruwi',

Wuj Richin ri Rutikeribel 31:45

K'ari' ri Jacob xberuk'ama-pe jun yuquyik abej y xutik ri chiri' richin xok jun retal.

Wuj Richin ri Rutikeribel 35:20

Y ri Jacob xupaba' kan jun abej retal akuchi xmuq-wi ri Raquel, y kan jari' k'o chiri' richin retal k'a re wakami.

Wuj Richin ri Rutikeribel 31:13

Ja yin ri in Dios richin Betel akuchi xaya-wi kan aceite pa ruwi' ri abej y akuchi xajikiba-wi ri ach'abel chinuwech, wakami kayakatej k'a y katel-el chupan re ruwach'ulew re'. Katzolin akuchi xatalex-wi, xcha' chuwe, xcha'.

Wuj Richin ri Isaías 19:19

Chupan ri q'ij ri' xtik'oje' porobel richin ri Jehová pa runik'ajal ri Egipto. Chuqa' pa ruk'ulba't ri ruwach'ulew xtiban-el jun tz'aq richin niya'ox ruq'ij ri Jehová.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Wuj Richin Bix Chire ri Dios 119:60

Yin kan ninwajo' k'a ninnimaj atzij, y man ninwoyobej ta na richin ninben.

2 Sam 18:18

Toq ri Absalón k'a k'es na xuben k'a q'anej jun paban-abej pa taq'aj richin ri rey ri chiri' pa Jerusalem, y xutz'ibaj ri rubi' chuwech, roma maneq ralk'ual richin nik'ase' ta kan ri rubi'. Y ri abej ri' xk'oje' kan chiri'.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Wuj Richin ri Q'axanri'il 7:1

Toq ri Moisés xtane' chubanik ri rachoch ri Dios ri xban rik'in tzieq, xuchikaj juba' aceite chirij richin xujech pa ruq'a' ri Dios. Keri' chuqa' xuya' aceite pa ruwi' ri porobel y chuqa' pa ruwi' ronojel ri samajibel richin ri jay ri'.

Wuj Richin ri Rutikeribel 22:3

Y pa ruka'n q'ij ri Abraham xyakatej nimaq'a' yan, xuchojmirisaj ri rubur, y xuch'er-el ri si' richin nuporoj ri kamelabel. Y xberuk'ama-pe ri Isaac, ri ruk'ajol y chuqa' e ka'i' chike ri rusamajela' ri e yuqul pa samaj rik'in. K'ari' xkichop-el bey akuchi xbix-wi-el chire roma ri Dios.

Wuj Richin ri Rutikeribel 28:11

Y xapon k'a chupan jun tinamit y chiri' xk'oje-wi kan roma xokoq'a' yan qa. Xeri' xuchop jun abej ri k'o chiri' y xuch'akatbej richin xwer-qa.

Wuj Richin ri Josúe 4:9

Y chuqa' ri Josué xunuk' chik kan kablajuj abej chiri', akuchi e pa'el-wi ri e sacerdote ri e uk'uayon ri káxa richin ri jikibel-tzij, y ri abej ri' k'a ek'o na chiri' re wakami.

Wuj Richin ri Rutikeribel 21:14

Y nimaq'a' yan ri ruka'n q'ij ri Abraham xyakatej, xberuk'ama-pe kaxlan-wey, y jun tz'um nojineq rik'in ya' y xuya-el chuwi-rutele'n ri Agar, y chuqa' xujech-el ri ala' chire richin tel-el. K'ari' rije' xkichop-el bey y xebe-kela' xebe-kela' xkiben chupan ri tz'iran ruwach'ulew richin Beerseba.