Wuj Richin ri Rutikeribel 28:16 - Kaqchiquel Bible

¹⁶ K'ari' xuna' ruwech ri Jacob y xubij: Kan qitzij na wi chi ri Jehová k'o ri akuchi ri xik'oje-wi kan y yin kan man wetaman ta k'a, xcha'.

Wuj Richin ri Rutikeribel 28:16 ပူးပေါင်းရင်းမြစ်များ

Wuj Richin ri Josúe 5:15

Y ri tata'al kichin ri e richin ri Jehová ri' xubij chire: Tawelesaj ri axajab roma re akuchi atk'o-wi kan loq'olej-wi roma wawe' ink'o-wi yin, xcha'. Y ri Josué kan keri' xuben.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Ex 3:5

Y ri Jehová xubij: Man kajel-pe, tawelesaj la axajab chi'awaqen, roma la akuchi at pa'el-wi wakami, kan wichin yin, xcha' chire.

Wuj Richin ri Achin Job 33:14

Ri Elihú kan xubij chik k'a chire ri Job: Ri Dios kan k'iy k'a rubanik richin nich'on qik'in; xa jak'a roj winaqi' niqaben chi achi'el man chiqe ta roj nich'on-wi.

Wuj Richin ri Achin Job 9:11

Stape' rija' xtiq'ax-el chinuxikin, ri runaq' nuwech man tikirel ta chi xtutz'et el; xtiq'ax-el y yin kan man xtinnabej ta.

Wuj Richin ri Isaías 8:13

Kan xaxe yin Jehová ri k'iytisanel richin ronojel, tabana' chuwe chi yin in loq'olej. Kan xaxe yin ri k'o nuq'ij y wejqalen, y kan chinuwech k'a yin taxibij-awi'.

Wuj Richin Bix Chire ri Dios 68:35

Roj kan yojk'ark'ot roma xibinri'il toq ri Dios nel-pe chupan ri rachoch. Jak'a rija' kan nuya' quchuq'a'. Tiqaya' k'a ruq'ij ri nimalej qa-Dios.

Ex 3:4

Toq ri Dios xutz'et chi ri Moisés tzalan-apo richin niberutz'eta', jari' toq xroyoj-pe pa runik'ajal ri q'ayis ri nijinon pa q'aq' y xubij: ¡Moisés, Moisés!, xcha-pe chire. Y ri Moisés xubij: Jare' ink'o wawe', xcha'.

Wuj Richin ri Josúe 5:13

Y ri Josué k'o k'a ke taq ri' chunaqaj ri tinamit Jericó, toq xutz'et jun achin pa'el chuwech y ruk'uan jun espada pa ruq'a' ri eleneq pa ruk'ojelibal. Y ri Josué xjel-apo rik'in y xubij chire: ¿At achike k'a rat? ¿At qachibil o xa at etzelanel qichin?, xcha' chire.

1 Rey 3:15

Toq xuna' ruwech ri Salomón, jari' toq xunabej chi jun achik' ri xuben. Y toq xtzolej pa Jerusalem xapon akuchi k'o-wi ri káxa richin ri rujikibel-tzij ri Jehová, y xusuj k'iy kamelabel ri yeporox jumul, y chuqa' xusuj sipanik richin nuq'alajirisaj chi junan ruwech rik'in ri Dios. Y xuben k'a jun nima-wa'in kik'in konojel ri e tata'al chupan ri rajawaren.

Wuj Richin Bix Chire ri Dios 139:7

Jehová, ¿akuchi ta k'a xkibe-wi nej chire ri a-espíritu? ¿Akuchi ta k'a xtinwewaj-el-wi' chawech?

Wuj Richin ri Jeremías 31:26

K'ari' yin Jeremías xik'astej y xinjeq ri runaq' taq nuwech y xina' chi ri xiwer kan utz xuben chuwe.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.