Wuj Richin ri Rutikeribel 27:7 - Kaqchiquel Bible

⁷ Tabek'ama' jun ti chikop pa juyu', y tabana-pe jun utzilej q'utun chire richin nintej, y kan chuwech ri Jehová xtinya' urtisanik pan awi' rokik k'a in k'es na, xcha' ri atata' chire ri animal.

Wuj Richin ri Rutikeribel 27:7 ပူးပေါင်းရင်းမြစ်များ

Wuj Richin ri Josúe 6:26

Chupan k'a ri q'ij ri' ri Josué xuben k'a jun ya'on-tzij y xubij: Wi k'o ta jun achin ri xtuyek chik q'anej re tinamit Jericó, kan itzel k'a ruwa-ruq'ij, roma toq xtuya-qa ri ruxe' ri tz'aq, jari' toq xtiken ri nabey ruk'ajol; y toq xtuya' ri ruchi' ri tz'aq, jari' toq xtiken ri ruk'isibel ruk'ajol, xcha' ri Josué.

1 Sam 24:19

¿Achike ta k'a xtibanon keri', chi toq nuk'ul ri etzelanel richin nuya-el q'ij chire chi nibe y man jun nuben el chire? Roma ri' kan ja ri Jehová xtutzolij rajel ruk'exel chawe re xaben wik'in chupan re q'ij re'.

Deut 33:1

Toq k'a man jani tijote-el ri Moisés pa ruwi' ri juyu', jari' toq xrurtisaj kan ri tinamit Israel. Y jare' k'a ri urtisanik ri xuya' kan pa kiwi':

Wuj Richin ri Rutikeribel 27:4

y tabana-pe jun utzilej nuq'utun achi'el ri niqa' chinuwech yin, tak'ama-pe y xtintej. Chirij k'a re' xtinya' kan urtisanik pan awi' rokik k'a in k'es na, xcha' ri Isaac chire.

Wuj Richin ri Rutikeribel 27:6

Y ri Rebeca kan xaxe xrak'axaj-el ri', jari' xbech'on rik'in ri Jacob ri ral, y xubij chire: Yin xinwak'axaj toq ri atata' nitzijon rik'in ri animal y xubij chire:

Wuj Richin ri Rutikeribel 27:8

Wakami k'a wal, tawak'axaj y tanimaj ri nutzij.

Wuj Richin ri Rutikeribel 27:14

K'ari' xbe rija' richin xeberuk'ama-pe y xuya' chire ri rute'. Ri Rebeca xuben ri q'utun achi'el ri niqa' chuwech ri Isaac.