Wuj Richin ri Rutikeribel 27:43 - Kaqchiquel Bible
43 Wakami k'a wal, tawak'axaj ri nuch'abel y tanimaj nutzij. Katanimej k'a el, y kabiyin pa rachoch ri nuxibal Labán chiri' pan Harán, y tawewaj-awi' chiri'.
Ri Taré xel-el chiri' pan Ur kichin ri winaqi' caldeo richin xbe pa ruwach'ulew Canaán y xeruk'uaj-el ri Abram ri ruk'ajol, ri Sarai ri rali' y chuqa' xuk'uaj-el ri Lot ri ruk'ajol kan ri Harán, ri ruk'ajol rija'; y toq xe'apon chupan ri tinamit rubini'an Harán, chiri' xek'oje-wi-qa.
Y ri rute' xubij chire: Wal, ri etzelanik pa nuwi' ta k'a yin xtiqaqa-wi. Rat xaxe tanimaj nutzij; kabiyin, ke'abek'ama-pe ri taq chikopi', xcha' chire.
Jak'a ri Pedro y ri ch'aqa' chik e taqon roma ri Cristo xkibij k'a apo chike: Nik'atzin chi ja ri nubij ri Dios ri niqanimaj, y man ja ta ri nikajo' ri winaqi'.
Ri rubin kan ri Jonadab ruk'ajol ri Recab, chike ri e rijatzul chi man tikiqum vino, rije' kan kitaqen y roma ri' kan man kiqumun ta vino k'a re wakami, roma kan kiniman ri pixa' richin ri kimama'. Jak'a yin kan beneq k'a ruwech nubin-pe chiwe rix y man rik'in ri', man in iwak'axan ta.
Ri wineq ri kan nuk'ut rik'in ri runaq' taq ruwech, chi xa nretzelaj ri rutata' y xa man niqa' ta chuwech nunimaj rutzij ri rute'; xa tuk'uex ri pa taq siwan, ri kojol juyu'; ke'elesex ri runaq' taq ruwech koma ri qo'ch y titij ri ruch'akul koma ri alaji' taq kot.
Y ri Rebeca k'o k'a jun ruxibal rubini'an Labán y re ruxibal re' toq xrak'axaj, kan jari' xuben-el richin nibe k'a rik'in ri rusamajel ri Abraham ri k'o kan chuchi' ri pozo.
Xbetzijox k'a chire ri Rebeca ri ruch'abel ri nimalaxel ral; k'ari' rija' xuteq royoxik ri chaq'laxel y xubij chire: Ri animal xukuquba-qa ruk'u'x roma xubij-qa chi yaberukamisaj.
Keri' xuben ri Isaac richin xuteq-el ri ruk'ajol k'a pa Padán-aram pa rachoch ri Labán ruk'ajol ri Betuel arameo, ruxibal ri Rebeca, ri kite' ri Jacob y ri Esaú.
K'o k'a jun q'ij ri Dios xubij chire ri Jacob: Kayakatej y kabiyin-el pa Betel. Chiri' kak'oje-wi, y tabana-q'anej jun porobel richin kamelabel chuwe yin toq xink'ut-wi' chawech toq at animajineq chuwech ri awach'alal Esaú, xcha' ri Dios chire ri Jacob.