Wuj Richin ri Rutikeribel 27:40 - Kaqchiquel Bible

⁴⁰ Rik'in k'a ri a-espada xtato-awi' y xtawilij k'a ri achaq' y xtibanatej k'a chi toq xtik'oje' awuchuq'a' xtawelesaj-awi' chuxe' ri ruchuq'a' ri achaq', xcha'.

Wuj Richin ri Rutikeribel 27:40 ပူးပေါင်းရင်းမြစ်များ

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

2 Crón 21:10

Jak'a ri aj-Edom kan xetikir xkelesaj kan ki' chuxe' ri ruq'atbal-tzij ri Judá k'a re q'ij re'. Keri' chuqa' xkiben ri winaqi' richin ri tinamit rubini'an Libná. Kan xetikir xkelesaj kan ki' chuxe' ri q'atbel-tzij richin ri Judá. Ronojel re' xbanatej roma ri Joram man xutzeqelibej ta ri Jehová ri ki-Dios kan ri kati't-kimama'.

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

Wuj Richin Bix Chire ri Dios 60:8

Ri Moab xa kan achi'el k'a jun ruk'ojelibal-ya' richin ninch'ej waqen. Ri Edom kan pa ruwi' rija' xtinya-wi ri nuxajab, y kan xkikikot k'a chirij ri ruwach'ulew Filistea toq xtich'akatej, xcha' ri Dios.

2 Crón 21:8

Y toq niq'aton-tzij rija', jari' toq ri aj-Edom xeyakatej richin nikelesaj-ki' chuxe' ri q'atbel-tzij richin ri Joram, y roma ri' xkikanoj-qa jun ki-rey kiyon rije'.

2 Crón 28:17

roma ri aj-Edom xepe richin nikiben oyowal kik'in ri aj-Judá y kan ek'o winaqi' xekik'uaj-el.

2 Rey 14:10

Kan qitzij na wi chi rat Amasías xe'ach'ek yan ri aj-Edom, y ri awánima kan animirisan y ayon rat aya'on-q'anej aq'ij. Xaxe kak'oje' k'a chiri' pan awachoch. ¿Achike roma naju-awi' pa jun ruk'ayewal, xaxe richin chi yabetzaq rat y ri aj-Judá chuqa'?, xcha' ri Joás rey richin Israel.

2 Rey 14:7

Chuqa' ri Amasías xerukamisaj e 10,000 aj-Edom chiri' kojol juyu' rubini'an Atz'an, y xuch'ek ri tinamit Selá. Y rija' xubij Jocteel chire ri tinamit ri', k'a re wakami.

Wuj Richin ri Rutikeribel 32:6

Y toq ri e uk'uey rutzijol ri e rutaqon-el ri Jacob xetzolin-pe, xokibij chire: Xojpe rik'in ri awach'alal Esaú. Y rija' chuqa' peteneq richin yatoruk'ulu' y e rachibilan-pe e 400 achi'a', xcha'.

San Mateo 10:34

Man k'a tich'ob chi yin xipe chuwech re ruwach'ulew richin nonchupu' ri oyowal. Man keri' ta; pa ruk'exel ri', xa oyowalen nonya' chikikojol ri winaqi'.

Wuj Richin ri Rutikeribel 27:29

Y xkatkisamajij k'a konojel ri tinamit. y ri tzobaj winaqi' richin nima'q taq ruwach'ulew xkexuke' k'a chawech; Jak'a rat ri xkak'oje' pa kiwi' ri awach'alal, y kan xtikiqasaj k'a ki' chawech konojel ri e ral ri ate'. Xtiqaqa etzelanik pa kiwi' ri xke'etzelan awichin; y jebel ruwa-kiq'ij ri xke'ajowan awichin, xcha'.

Wuj Richin ri Rutikeribel 33:9

Y ri Esaú xubij: Ni, wach'alal yin. Yin k'iy k'o wik'in. Tik'oje' kan awik'in rat, la' kan e awichin wi rat, xcha'.