Wuj Richin ri Rutikeribel 27:29 - Kaqchiquel Bible

²⁹ Y xkatkisamajij k'a konojel ri tinamit. y ri tzobaj winaqi' richin nima'q taq ruwach'ulew xkexuke' k'a chawech; Jak'a rat ri xkak'oje' pa kiwi' ri awach'alal, y kan xtikiqasaj k'a ki' chawech konojel ri e ral ri ate'. Xtiqaqa etzelanik pa kiwi' ri xke'etzelan awichin; y jebel ruwa-kiq'ij ri xke'ajowan awichin, xcha'.

Wuj Richin ri Rutikeribel 27:29 ပူးပေါင်းရင်းမြစ်များ

Wuj Richin ri Q'axanri'il 24:9

Rix kan yixuxlan achi'el jun koj; y man jun nik'ason richin. ¡Kan xtiqaqa k'a urtisanik pa kiwi' ri ye'urtisan iwichin: Kan xtiqaqa k'a etzelanik pa kiwi' ri yerayin itzel pan iwi'!

Wuj Richin ri Rutikeribel 12:3

Y xkenwurtisaj ri xke'urtisan awichin rat. Y ri xtikoyoj itzel pan awi', chuqa' yin xtinya' itzel pa kiwi'. Y awoma k'a rat xkenwurtisaj konojel jay winaqi' richin chijun ruwach'ulew, xcha'.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 45:14

Yin Jehová kere' ninbij chiwe rix israelita: Ronojel ri kitiko'n ri aj-Egipto y ri kich'akoj ri aj-Etiopía, xtok iwichin rix. Chuqa' ri winaqi' aj-Sebá xkeq'ax pan iq'a' rix. Stape' rije' janila nima'q kipalen, konojel xke'ok iwichin. Rije' kan xketzeqe' k'a el eqal chiwij, roma e ximon-el rik'in cadena. Chuqa' kan xkexuke' k'a chiwech, y kan xtikik'utuj utzil chiwe roma ja rix ri ix kajaw rije'. Y k'ari' xtikibij chi ja yin ri in qitzij Dios, ri ink'o iwik'in rix, y kan man jun chik achi'el yin, ncha' ri Dios.

Wuj Richin ri Isaías 49:7

Yin Jehová ja yin ri in ikolonel, y xaxe yin ri in i-Dios. Ri ch'aqa' chik tinamit kan janila ix ketzelan, y kan man yixqa' ta chikiwech. Y rix kan xixime' pa samaj kik'in ri ch'aqa' chik q'atoy taq tzij. Jak'a xtapon jun q'ij toq xkixkitz'et ri rey, y xkepa'e' chiwech richin nikiya' iq'ij, y ri e tata'al xtikilukuba-ki' chiwech, roma ja yin Jehová ri Loq'olej ri in k'o pan iwi' y ri xicha'on iwichin. Y kan xtinben ri ninbij.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin Bix Chire ri Dios 72:8

Ri rajawaren xtitikir k'a el chuchi' ri palou y napon k'a ri juk'an chik ruchi', xtitiker-el chuchi' ri raqen-ya' Éufrates y xtapon k'a chuchi' chijun ri ruwach'ulew.

1 Rey 22:47

Chupan ri q'ij ri', maneq rey pa ruwach'ulew Edom, y pa ruk'exel rey xa jun k'a q'atoy-tzij ri ruya'on ri Josafat chiri'.

Wuj Richin ri Q'axanri'il 23:8

Jak'a ¿Achike ta k'a roma yin ninwoyoj itzel pa kiwi'? Roma ri Dios kan man jun achike ta itzel ruya'on pa kiwi'. ¿Achike ta k'a roma yin ninya' sujunik chikij? Roma ri Dios xa man jun achike ta sujunik ri nuya' chikij rije'.

Wuj Richin ri Rutikeribel 37:7

K'o jun q'ij yojq'aton trigo pa juyu', y ri boraj wichin yin xpa'e-el, y ri boraj iwichin rix ri ek'o chuchi' ri wichin yin, nikiqasaj-ki' chuwech ri wichin yin, xcha'.

Wuj Richin ri Rutikeribel 27:37

Y ri Isaac xubij chire ri ruk'ajol: Yin xinben yan k'a chire ri Jacob chi ja rija' xtik'oje' pan awi' rat y xinbij chi konojel ri rach'alal xke'ok rusamajela' y kan xkeruxim pa samaj, y xinbij chi xtuk'ul ta k'a pa ruk'iyal ri trigo y ri vino. ¿Achike chik ta k'a xtinben pan awi' rat, nuk'ajol yin?, xcha'.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.

San Mateo 25:45

Jari' toq yin xtinbij chike: Kan qitzij wi k'a ri ninbij chiwe chi roma man jun utzil xiben chike ri man jun kiq'ij, xa kan man jun k'a chuqa' utzil xiben chuwe yin.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

1 Crón 5:2

Ri tzobaj richin ri Judá ja rije' ri xk'oje' más kuchuq'a', y chiri' xel-wi-pe jun tata'al pa kiwi' ri rach'alal. Jak'a ri k'atzinel chi niya'ox ta kan chire ri nimalaxel, xa xya'ox chire ri José.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Richin ri Rutikeribel 25:33

Y ri Jacob xubij chire ri runimal: Tajikiba' atzij chinuwech re wakami, xcha'. Y rija' kan keri' xuben, y xuya' q'ij chire ri Jacob chi ja rija' nichinan kan pa ruk'exel.

Wuj Richin ri Rutikeribel 9:27

Y ri Dios kan xtunimirisaj ta ri Jafet, y xtik'oje' ta pa taq rachoch ri Sem, y ri e rijatzul ri Canaán xkeyuqe' pa samaj rik'in, xcha'.

Wuj Richin ri Rutikeribel 27:30

Xtane' yan ri Isaac richin nuya' urtisanik pa ruwi' ri Jacob y kan k'ari' nel-pe rija' rik'in ri rutata', jari' toq xtzolin-pe ri Esaú pa kanonik.

Wuj Richin ri Rutikeribel 27:40

Rik'in k'a ri a-espada xtato-awi' y xtawilij k'a ri achaq' y xtibanatej k'a chi toq xtik'oje' awuchuq'a' xtawelesaj-awi' chuxe' ri ruchuq'a' ri achaq', xcha'.

Wuj Richin ri Rutikeribel 37:10

Y chuqa' xutzijoj k'a chire ri rutata' stape' xutzijoj yan chike ri rach'alal, jak'a ri rutata' xuch'olij y xubij chire: ¿Achike k'a chi achik' ri xawachik'aj rat? ¿Chij ri ate' y yin y konojel ri awach'alal xtiqaqasaj ta k'a qi' k'a pan ulew chawech rat?, xcha' chire.

Wuj Richin ri Q'axanri'il 24:18

Xtuch'ek ri ruwach'ulew Edom, ja', xtuch'ek ri tinamit Seír, ri etzelanel kichin. Jak'a ri tinamit Israel kan xtik'oje-el kuchuq'a'.

Wuj Richin ri Isaías 60:12

roma ri ruwach'ulew ri man xkixkilij ta, xa xkek'is, y ri kajawaren xkek'is jumul.

Wuj Richin ri Isaías 60:14

Kan janila xtikiqasaj-ki' chiwech ri winaqi' ri xetz'ilon iwichin, y konojel k'a ri xe'etzelan iwichin kan xkexuke' chiwech. Kan xtikibij chi ri itinamit Sión jari' ri nutinamit yin, ri in loq'olej richin ri Israel.