Wuj Richin ri Rutikeribel 27:28 - Kaqchiquel Bible

²⁸ Kan ja ta k'a ri Dios xtiya'on-pe ri raxq'ab chila' chikaj pan awi', y kan ta k'a xtuben chi ri atiko'n xtiwachin pa ruk'iyal chuwech re ruwach'ulew; kan xtak'ul ta k'a pa ruk'iyal ri trigo y ri vino.

Wuj Richin ri Rutikeribel 27:28 ပူးပေါင်းရင်းမြစ်များ

Deut 33:28

Rix kan xkixk'ase' rik'in kuqubabel-k'u'x y ri iwijatzul kan xkek'ase' rik'in uxlanen roma ri chiri' e maneq chik etzelanel kichin. Chuwech ri ruwach'ulew kan xtiwachin ri trigo y ri uva, y ri chikaj kan xtiqaqa-pe job pa ruwi' ri iwulew.

Deut 33:13

Rix ri tzobaj richin José: Ri Jehová kan ta xtuya' ri urtisanik pa ruwi' ri iwulew, rik'in ronojel ri jebel nipe chila' chikaj, rik'in ri raxq'ab. y chuqa' rik'in ri ya' ri ye'alex-pe chuwech re ruwach'ulew.

Wuj Richin Bix Chire ri Dios 133:3

Chuqa' kan achi'el ri raxq'ab ri niqaqa pa ruwi' ri juyu' Hermón, y pa ruwi' ri juyu' Sión, roma chiri' ri Jehová kan nuteq k'a pe urtisanik y k'aslen richin q'asen.

2 Sam 1:21

Ri Dios xtuben ta k'a chi man ta chik xtiqaqa raxq'ab pa ruwi' ri juyu' Guilboa. Xtuben ta chi man ta chik xtiqaqa ri job pa ruwi'. Ri tiko'n man ta chik xtiwachin richin maneq ta chik xtikikusaj richin ri kisipanik. Roma chiri' xepune-wi kan ri kitobal ri maneq xibinri'il chikiwech; ri rutobal ri Saúl xa man xtz'intz'ot ta chik chiri'.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.

Deut 7:13

Kan xkixrajo' y kan xtuya' urtisanik pan iwi' y kan xkixruwinaqirisaj y chuqa' kan xtuya' ruq'a' pa kiwi' ri iwalk'ual y pa ruwi' ri jalajoj ruwech ixin, ri vino, ri aceite, pa kiwi' ri kal ri wákix y ri karne'l, ri xkek'oje' iwik'in chiri' chupan ri ruwach'ulew ri sujun kan chike ri qati't-qamama'.

Wuj Richin ri Zacarías 8:12

Chupan ri q'ij ri' ri ija'tz kan jebel xkebos-pe, y ri juwi-uva xa kan xtik'oje' ruwech. Ri qasanbel-ulew kan xtik'ase' ri tiko'n chuwech, y xtinben k'a chi xtiqaqa raxq'ab pa ruwi' ri iruwach'ulew. Chuqa' xtinben chi ri iwinaq ri xek'oje' kan, kan xtok kichin ronojel re'.

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.

Wuj Richin ri Isaías 45:8

Ri ruchojmilal kan ta chila' chikaj xtipe-wi, achi'el toq niqaqa-pe ri raxq'ab chila' chikaj. Y ri winaqi' kan xtikik'ul-q'anej, achi'el toq yebos-pe ri q'ayis toq k'o job. Kan keri' k'a xtuben ri kolotajik. Yin Jehová ri xkibanon.

Wuj Richin Bix Chire ri Dios 104:15

naben chi k'o ri vino ri nibanon chi nikikot ri ránima ri wineq; ri aceite ri nibanon chi jebel nitzu'un ri wineq; keri' chuqa' ri wey ri chapayon richin.

Wuj Richin Bix Chire ri Dios 36:8

Kan nikuqer k'a kik'u'x chire ri ruk'iyal ri kiway ri naya-pe. Rat naya' pa ruk'iyal ri nikiqum, kan achi'el jun raqen-ya' ri janila ruki'il.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin ri Q'axanri'il 18:12

Kan ronojel k'a chire ri nabey ruwech tiko'n ri nikiya-pe chuwe yin, kan jari' ri xtinya' chuqa' chiwe rix. Ninya' k'a chiwe ri más utz chire ri aceite olivo, ri más utz chire ri ruya'al uva y ri más utz chire ri jalajoj ruwech ixin.

Hebreos 11:20

Roma ri kuqubabel-k'u'x, ri Isaac xerurtisaj kan ri Jacob y ri Esaú, y xubij kan chike ri utzil ri peteneq chikiwech-apo.

Wuj Richin ri Zacarías 9:17

Kan janila k'a jebel xtiben chuwech ri iruwach'ulew. Ri iwalk'ual chi alaboni' chi xtani' kan jebel k'a xkek'iy-q'anej, achi'el ri tiko'n y ri juwi-uva, xcha'.

Wuj Richin ri Miqueas 5:7

Ri qawinaq israelita xtikitaluj-ki' chuwech ri ruwach'ulew, jak'a xtapon chik k'a ri q'ij toq xkek'iyer. Y ri Dios xtibanon ronojel re' achi'el nuteq-pe ri raxq'ab y ri job, y man wineq ta ri nibanon.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

2 Crón 2:10

Y yin kan xtinbenya' k'a chike ri asamajela' ri yequpin che' 74,000 quintal trigo; junan k'a rajlabal rik'in ri cebada. Chuqa' xtinbenya' 440,000 litro vino, y keri' chuqa' rajlabal ri aceite, xcha-el.

1 Rey 5:11

Y ri Salomón chi juna' chi juna' xuteq más juba' 2,200 quintal trigo, y más juba' 4,000 litro aceite richin oliva ri jebel ch'ajch'oj; ronojel re' richin nikitej ri ek'o pa rachoch ri rey Hiram.

Wuj Richin ri Josúe 5:6

Konojel k'a ri rijatzul kan ri Israel xebiyin pa tz'iran ruwach'ulew kawineq juna' y kan konojel ri aj-labal ri eleneq-pe pan Egipto xek'is k'a, roma man xkitaqej ta ri ruch'abel ri Jehová. Y roma ri' ri Jehová xuya' rutzij chike chi man nikitz'et ta ri ruwach'ulew ri ruya'on rutzij chire chi nuya' chike ri kite-kitata'; ri ruwach'ulew ri akuchi niwachin-wi ronojel ruwech tiko'n.

Wuj Richin ri Rutikeribel 49:20

Ri Aser, kan janila k'a jebel ronojel ri nutik y nuk'ol, ri kan ruk'amon chi yetzuq rey rik'in, xcha'.

Wuj Richin ri Rutikeribel 45:18

Tikik'ama-pe ri atata' y konojel ri awach'alal richin yepe wawe' wik'in y xtinya' ri ulew más utz chike ri k'o wawe' pan Egipto y kan pa ruk'iyal k'a xtibekitija' ri más utz ri yewachin wawe'.

Romanos 11:17

K'o k'a jun q'ij xtik k'a jun che' richin oliwo. Chirij ri' xelesex-el jun ruq'a'. Chuqa' xtun-apo jun ti ruq'a-che' oliwo ri xa choj k'iyineq-pe pa juyu'. Ri nuwinaq judío kan e achi'el ri ruq'a-che' ri xelesex-el. Y rix ri man ix judío ta xa ix achi'el ri ti ruq'a-che' ri' ri xtun-apo pa kik'exel rije'. Xixtun-apo rik'in ri che' oliwo y k'iy utzil nik'ul.

Wuj Richin ri Q'axanri'il 13:20

Chuqa' kan titzu' kan chi utzil ri qasanbel-ulew, wi e utz o xa yalan chaqi'j, wi ek'o che' chuwech o xa man jun. Man tixibij-iwi' richin nik'en-pe kiwech ri che' ri richin ri ruwach'ulew ri', xcha-el chike. Y chupan ri q'ij ri' jari' toq ri uva nuchop nuya' ruwech.

Wuj Richin ri Rutikeribel 27:39

K'ari' ri Isaac xubij chire ri Esaú: Xkak'oje' nej chire ri ruwach'ulew ri niwachin, chuqa' nej xkak'oje-wi chire ri ruwach'ulew ri akuchi niqaqa raxq'ab y job richin chila' chikaj.

Wuj Richin ri Rutikeribel 27:37

Y ri Isaac xubij chire ri ruk'ajol: Yin xinben yan k'a chire ri Jacob chi ja rija' xtik'oje' pan awi' rat y xinbij chi konojel ri rach'alal xke'ok rusamajela' y kan xkeruxim pa samaj, y xinbij chi xtuk'ul ta k'a pa ruk'iyal ri trigo y ri vino. ¿Achike chik ta k'a xtinben pan awi' rat, nuk'ajol yin?, xcha'.

Wuj Richin ri Rutikeribel 49:25

Jak'a ri nu-Dios yin ri in atata' ri xtito'on awichin; ja ri Dios ri k'o ronojel uchuq'a' pa ruq'a' ri xturtisan awichin, kan xkarurtisaj-pe rik'in ri job ri niqaqa-pe chila' chikaj, kan xkarurtisaj k'a rik'in ri ya' ri k'o pa ruk'u'x re ruwach'ulew. Ri ak'uala' kan k'o k'a ri xtikitz'umaj y kan k'o chuqa' ak'uala' xke'alex.

Wuj Richin Etamabel-Tzij 3:20

Rik'in ri etamabel, ri Jehová xuben chi xch'aratej ri palou, y ri ya' ri k'o chikaj chupan ri sutz' kan niqaqa-pe toq niqaqa-pe ri raxq'ab.

Wuj Richin Etamabel-Tzij 19:12

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.