Wuj Richin ri Rutikeribel 27:21 - Kaqchiquel Bible

²¹ Ri Isaac xubij chire ri Jacob: Kajel-pe kere' y katinchapa' na k'a, nuk'ajol, richin ninnabej wi kan ja rat at nuk'ajol Esaú, xcha' chire.

Wuj Richin ri Rutikeribel 27:21 ပူးပေါင်းရင်းမြစ်များ

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Wuj Richin ri Isaías 57:19

Kan xtinben chike chi xketze'en. Kan xtinya' uxlanen kik'in ri ek'o nej; chuqa' kan xtinya' uxlanen kik'in ri ek'o naqaj. Y kan xtinwaq'omaj ri nutinamit. Yin Jehová ri yibin.

Wuj Richin Bix Chire ri Dios 73:28

Jak'a yin kan más k'a utz nuben chuwe chi yijel-apo awik'in rat nu-Dios. Kan awik'in rat Jehová nukuquban nuk'u'x. Y xtintzijoj ronojel ri abanon.

Wuj Richin ri Rutikeribel 27:12

Rik'in juba' ri nata' yiruchop-pe y nretamaj chi xa man in Esaú ta y xtuch'ob chi ninq'ol y pa ruk'exel chi nuya' urtisanik pa nuwi' xa etzelanik xtuya' pa nuwi', xcha' ri Jacob.

Wuj Richin ri Rutikeribel 27:22

Xjel k'a apo ri Jacob rik'in ri rutata', y ri Isaac xuchop y xubij chire: Ri ach'abel achi'el ruch'abel ri Jacob ninwak'axaj yin, jak'a ri aq'a' achi'el ruq'a' ri Esaú, xcha'.