Wuj Richin ri Rutikeribel 27:13 - Kaqchiquel Bible

¹³ Y ri rute' xubij chire: Wal, ri etzelanik pa nuwi' ta k'a yin xtiqaqa-wi. Rat xaxe tanimaj nutzij; kabiyin, ke'abek'ama-pe ri taq chikopi', xcha' chire.

Wuj Richin ri Rutikeribel 27:13 ပူးပေါင်းရင်းမြစ်များ

San Mateo 27:25

K'ari' konojel ri winaqi' nikibij: Xa pa qawi' k'a roj y pa kiwi' ri e qami'al-qak'ajol, xtiqaqa-wi ri rukamik, yecha'.

2 Sam 14:9

Jak'a ri ixoq xubij: Ni, wajaw yin. Taya' q'ij chuwe chi yin xtinchojmirisaj re' richin keri' ja yin xkinejqalen ronojel re', y man jun xtawejqalej rat, ni ri aq'atbel-tzij, xcha'.

1 Sam 25:24

K'ari' xjel-apo chiraqen y xubij chire: Wajaw, kan pa nuwi' ta k'a yin xtiqaqa-wi ronojel re mak re'; taya' q'ij richin yich'on awik'in y kan xtawak'axaj ta k'a ronojel ri xtinbij chawe yin ri in asamajel.

Wuj Richin ri Rutikeribel 43:9

Pa nuq'a' k'a yin xtik'oje-wi-el ri Benjamín; chuwe yin xtak'utuj-wi, wi k'o ri nuk'uluwachij. Y wi man xtonjacha' ta chik chawe k'a re wawe', kan ja yin k'a ri xkinejqalen chupan chijun ri nuk'aslen.

Wuj Richin ri Rutikeribel 27:8

Wakami k'a wal, tawak'axaj y tanimaj ri nutzij.

Wuj Richin ri Rutikeribel 25:33

Y ri Jacob xubij chire ri runimal: Tajikiba' atzij chinuwech re wakami, xcha'. Y rija' kan keri' xuben, y xuya' q'ij chire ri Jacob chi ja rija' nichinan kan pa ruk'exel.

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

Wuj Richin ri Rutikeribel 27:14

K'ari' xbe rija' richin xeberuk'ama-pe y xuya' chire ri rute'. Ri Rebeca xuben ri q'utun achi'el ri niqa' chuwech ri Isaac.

Wuj Richin ri Rutikeribel 27:43

Wakami k'a wal, tawak'axaj ri nuch'abel y tanimaj nutzij. Katanimej k'a el, y kabiyin pa rachoch ri nuxibal Labán chiri' pan Harán, y tawewaj-awi' chiri'.

2 Crón 22:3

Rija' xa xerutzeqelibej ri itzel kibanobal ri e aj pa rachoch kan ri Acab, y ja ri rute' ri xya'on kan ri itzel taq pixabanik chire.