Wuj Richin ri Rutikeribel 27:12 - Kaqchiquel Bible

¹² Rik'in juba' ri nata' yiruchop-pe y nretamaj chi xa man in Esaú ta y xtuch'ob chi ninq'ol y pa ruk'exel chi nuya' urtisanik pa nuwi' xa etzelanik xtuya' pa nuwi', xcha' ri Jacob.

Wuj Richin ri Rutikeribel 27:12 ပူးပေါင်းရင်းမြစ်များ

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

2 Corintios 6:8

Ek'o k'a winaqi' ri yeya'on qaq'ij, y ek'o chuqa' ri xa kan yojkitorij. Ek'o ri jebel yech'on chiqij, y ek'o chuqa' ri xa itzel yech'on chiqij. Y ek'o chuqa' ri yebin chi oj q'olonela', stape' roj ja ri qitzij ri niqabij chike.

Wuj Richin ri Malaquías 1:14

Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.

Wuj Richin ri Achin Job 12:16

Ri uchuq'a' y ri ch'akonik kan richin k'a ri Dios. Kan ja chuqa' rija' ri niq'aton-tzij pa ruwi' ri wineq ri niq'ol, y pa ruwi' ri niq'olon jun chik wineq.

Wuj Richin ri Rutikeribel 27:36

Y ri Esaú xubij: Xa roma ajk'a ri' xkibij Jacob chire, roma kan q'olonel-wi, roma ka'i' yan mul kiruq'ol, nabey xuben chuwe chi ja rija' xok kan nimalaxel pa nuk'exel y wakami xreleq'aj ri urtisanik ri xa ja ta yin xik'ulu kan. Y xubij chik k'a chire ri rutata': ¿Maneq ta chik juba' urtisanik richin naya' chuwe yin?, xcha'.

Wuj Richin ri Rutikeribel 25:27

Xek'iy-q'anej ri ak'uala', y ri Esaú xok-q'anej jun achin richin pa juyu', y xok jun jebelej kanonel; y ri Jacob man keri' ta, rija' jun achin ri man niq'ajan ta y niqa' chuwech nik'oje' kan pa rachoch.

Wuj Richin ri Jeremías 48:10

Itzel ruwa-kiq'ij ri man xkixkik'is ta rix achi'el xinbij yin. Itzel ruwa-kiq'ij wi man xtikajo' ta xtikiyoj-ki' richin xkixkikamisaj.

Wuj Richin ri Rutikeribel 9:25

Y ri Noé xubij k'a: Kan tiqaqa k'a ri itzel pa ruwi' ri Canaán, rija' xtok jun wineq ri xtiyuqe' pa samaj, kan xtok k'a jun chaq relik samajel kichin ri rach'alal.

Wuj Richin ri Rutikeribel 27:45

k'a xtik'is na royowal rija' chawij, tumestaj na k'a ronojel ri xaben chire; k'ari' xtinteq awoyoxik richin yatzolin-pe roma man ninwajo' ta chi kan chi ix ka'i' yixken pa jun q'ij, xcha'.