Wuj Richin ri Rutikeribel 26:8 - Kaqchiquel Bible

⁸ Toq rije' k'o yan juba' q'ij ek'o chiri', ri Isaac nuq'etela' ri rixjayil. Jak'a ri rey Abimélec e rutzuliben-pe chupan jun ventana.

Wuj Richin ri Rutikeribel 26:8 ပူးပေါင်းရင်းမြစ်များ

Wuj Richin ri Isaías 62:5

Ri winaqi' richin ri tinamit kan janila xtuk'en kiwech rik'in ri kulew, achi'el jun ala' toq nik'ule' rik'in jun xten. Ri Dios kan janila xtikikot kik'in rije', achi'el nikikot jun achijlonel rik'in ri rixjayil ri k'a juba' kek'ule'.

Wuj Richin ri Nimalej Bix 2:9

Ri wajowanel peteneq achi'el nuben jun masat ri k'o janila ruchuq'a', achi'el jun achij masat. Jare' xoqaqa yan chirij ri wachoch. Kan nitzu'un chik pe pa nu-ventana. Nachan chik pe chirij ri ch'ich' ri e ya'on chire ri ventana.

Wuj Richin Etamabel-Tzij 7:6

K'o k'a jun q'ij toq yin yitz'u'un-pe chukojol ri kokoj tzubel richin ri nu-ventana.

Wuj Kichin ri To'onela' 5:28

Ri rute' ri Sísara nitzu'un-pe pa ventana, chukojol ri k'arak'ik ch'ich' nitzu'un-wi-pe y nubij: ¿Achike roma man nok'ulun ta ri ru-carruaje ri wal? ¿Achike roma xepa'e-qa ri ru-rueda ri ru-carruaje y man nibiyin ta pe?, xcha'.

Wuj Richin ri Molojri'il 9:9

Y roma ri ak'aslen xa q'axel, toq kan atk'o rik'in ri awixjayil kan tana' k'a ruki'il ri ak'aslen, roma kan jare' ri nuya' ri Dios chawe richin awichin rat rokik at k'es. Y jare' ri nach'ek chire ronojel ri asamaj.

Wuj Richin ri Rutikeribel 26:7

y ri achi'a' ri ek'o chiri' xkik'utuj chire: ¿Achike la peteneq awik'in?, xecha'. Rija' xubij: La' wana', xcha'. Roma rija' xuxibij-ri' richin xubij chi rixjayil, roma rik'in juba' ri achi'a' ri ek'o chiri' nikikamisaj rija', roma ri Rebeca kan jebejoj ok.

Wuj Richin ri Rutikeribel 26:9

K'ari' ri Abimélec xuteq royoxik ri Isaac y xubij chire: Ri Rebeca xa awixjayil ajk'a, ¿achike k'a roma xabij chi awana'?, xcha'. Y ri Isaac xubij: Keri' xinbij roma rik'in juba' yikamisex roma rija', xcha'.