Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wuj Richin ri Rutikeribel 26:3 - Kaqchiquel Bible

3 Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

အခန်းကိုကြည့်ပါ။ ကော်ပီ




Wuj Richin ri Rutikeribel 26:3
42 ပူးပေါင်းရင်းမြစ်များ  

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.


roma ronojel la ulew natz'et, xtinya' chawe rat y chike ri awijatzul richin q'asen.


Kayakatej k'a el richin yabe chunik'oxik ri ruwach'ulew y tatzu' ri raqen y ri ruwech, roma jare' ri xtinya' kan chawe rat.


Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.


Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.


Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.


Ri Abraham xel-el akuchi k'o-wi, y xbe pa xokon ri nibix chuqa' Négueb chire, y roma niyuq'un beneq, xbe kela' xbe kela' xuben chupan ri ruwach'ulew ri k'o chukojol ri tinamit Cadés y ri ruwach'ulew rubini'an Sur. Y xapon k'a pa tinamit Guerar.


Chirij ri rukamik ri Abraham, ri Dios xuya' urtisanik pa ruwi' ri Isaac ri ruk'ajol y rija' xk'oje' chiri' rik'in ri pozo ri rubini'an Pozo Richin ri kan K'es y ri Yirutz'et.


Y ri Isaac xuben-qa rutiko'n chupan ri ruwach'ulew ri' y ri rutiko'n chupan ri juna' ri' xuben chi ri jun ruwech xuya' wok'al ruwech, roma ri Jehová xuya' urtisanik pa ruwi'.


Xek'oje' k'a k'iy tzobaj kokoj y nima'q taq rawej y xk'oje' chuqa' k'iy rutiko'n. Roma ri' ri aj-Filistea xch'upun-kik'u'x chirij.


Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.


Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.


Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.


Y ri Jehová xch'on k'a rik'in ri Jacob y xubij chire: Más utz chi yatzolin pa kiruwach'ulew ri awati't-amama' ri akuchi ek'o-wi ri awach'alal y yin kan xkibe awik'in, xcha' chire.


Re ruwach'ulew re' kan nusujun chik chike ri Abraham y ri Isaac, kan xtinya' k'a chuqa' chawe rat, chuqa' chike ri awijatzul, xcha'.


Jak'a ri Jehová kan xuto-wi ri José y ronojel k'a ri nuben, kan utz k'a nel chuwech. Y rija' nisamej k'a pa rachoch ri rajaw ri k'o chiri' pan Egipto.


Jak'a ri Jehová kan xuto-wi ri José y xujoyowaj k'a ruwech, y xuben chi utz xtz'et roma ri aj-raqen richin ri cárcel y chuqa' xuben chi utz nitz'et ri rubanobal.


K'ari' xubij chire ri José: Yin yibeken yan, jak'a ri Dios xtik'oje' kan iwik'in rix, y xtuben chiwe chi yixtzolin chupan ri ruwach'ulew ri akuchi xek'oje-wi ri iwati't-imama'.


Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.


Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,


Rija' kan jantape' noqaqa chuk'u'x ri jikibel-tzij ri rubanon. Noqaqa chuk'u'x ri ruch'abel ri rubin pa kiwi' ri chi sol chi sol winaqi'.


Re', jare' ri jikibel-tzij ri xuben rik'in ri Abraham, ri ya'on tzij ri xuben rik'in ri Isaac.


Ri Jehová nubij: Yin kan atintzuliben k'a. Xtink'ut k'a chawech ri bey ri k'o chi nak'uaj. Y xtinben k'a chawe richin xtiq'ax chawech.


Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.


Y ri Dios kan xrak'axaj k'a ri kijiloj rije', y kan k'o k'a chi yeruto' roma keri' ri jikibel-tzij ri rubanon ojer, kik'in ri Abraham, ri Isaac y ri Jacob.


Y ri Dios xubij chire: Kabiyin, roma yin kan xkik'oje' awik'in, y ja retal re' ninya' chawe chi kan ja yin ri yitaqon awichin, chi toq xke'awelesaj-pe pan Egipto, jari' toq rix xkinisamajij pa ruwi' re juyu' re', xcha' ri Dios chire.


Chuqa' xinjikiba' chike chi ninya' ri ruwach'ulew richin ri Canaán chike, ri akuchi xeq'ax yan juba'.


Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.


Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.


Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.


Man tixibij-iwi'; roma yin kan ink'o-wi iwik'in. Pa relebel-q'ij kan xkenk'en-pe ri iwijatzul, y ri pa qajbel-q'ij kan konojel xtinmol kichi'.


Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.


Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.


Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.


Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.


Kan ja ri xiwetamaj, ri xik'ul, ri xiwak'axaj y ri xitz'et chuwij yin kan jari' k'a tibana'. Y wi keri' xtiben, ri Dios ri niya'on ri uxlanen, kan xtik'oje-wi iwik'in.


Kan rukuquban-wi ruk'u'x rik'in ri Dios, y roma ri' xk'oje' achi'el jun q'axel chupan ri ruwach'ulew ri sujun chire. Y roma ri' xa chupan jay e banon rik'in tzieq xk'oje-wi. Achi'el chuqa' xkiben ri Isaac y ri Jacob, roma rije' sujun chuqa' chike ri ruwach'ulew ri'.


Roma ri' ri Dios xuya' k'a rutzij chire ri Abraham chi nuya' ri rutzil chire, richin nuk'ut chikiwech ri rijatzul chi rija' man nujel ta ri achike ri ruch'obon-pe y kan nuben-wi ri nusuj.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ