Wuj Richin ri Rutikeribel 25:6 - Kaqchiquel Bible

⁶ Y chike ri ralk'ual ri kal ri e concubina*f22* xaxe juba' sipanik xuya-el chike y xeruteq-el nej k'a pa relebel-q'ij richin xeruch'er rik'in ri Isaac rokik k'a k'es na rija'.

Wuj Richin ri Rutikeribel 25:6 ပူးပေါင်းရင်းမြစ်များ

Wuj Richin ri Rutikeribel 21:14

Y nimaq'a' yan ri ruka'n q'ij ri Abraham xyakatej, xberuk'ama-pe kaxlan-wey, y jun tz'um nojineq rik'in ya' y xuya-el chuwi-rutele'n ri Agar, y chuqa' xujech-el ri ala' chire richin tel-el. K'ari' rije' xkichop-el bey y xebe-kela' xebe-kela' xkiben chupan ri tz'iran ruwach'ulew richin Beerseba.

Wuj Kichin ri To'onela' 6:3

Y ri israelita keri' xkiben, roma jantape' toq nikiben-qa ri kitiko'n y jebel rubanon-pe, jari' toq yejote-q'anej ri e rijatzul ri Madián, ri e rijatzul ri Amalec y ri winaqi' ri ek'o pa relebel-q'ij, richin yekichop chi oyowal.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Wuj Richin ri Achin Job 1:3

Chuqa' ek'o e 7,000 rukarne'l, e 3,000 ru-camello, e 500 k'ulaj rubóyix, e 500 rubur, y janila e k'iy rusamajela'. Ja rija' ri achin ri más rubeyomel ke chikiwech ri achi'a' ri ek'o chuqa' chiri' chupan ri ruwach'ulew ri', ri k'o pa relebel-q'ij.

Wuj Richin ri Achin Job 1:1

K'o k'a jun achin ri chiri' pa jun ruwach'ulew rubini'an Us, ri rubini'an Job. Re achin re' kan janila k'a choj ri ruk'aslen y kan man jun achike ta itzel nilitej chirij. Kan janila k'a rukiy ri Dios chuwech, y kan ruch'aron-ri' chire ri itzel taq banobel.

Wuj Kichin ri To'onela' 19:4

Y toq ri rujinan xutz'et-pe ri ruji', jari' toq xberuk'ulu' rik'in kikoten; y xuben chire richin xk'oje-qa kik'in oxi' q'ij. Xwa-xuk'ya' kik'in y chuqa' chiri' xwer-wi.

Wuj Richin ri Rutikeribel 35:22

Rokik ri Israel k'o chupan ri ruwach'ulew ri', jari' toq ri Rubén xk'oje' rik'in ri Bilhá, ri jun chik rixjayil ri rutata'; y ri Israel xunabej k'a ri xbanatej. Y konojel ralk'ual ri Israel e kablajuj.

Wuj Richin ri Rutikeribel 32:22

Chupan k'a ri aq'a' ri', ri Jacob xyakatej-el, xeruk'uaj-el ri ka'i' rixjayilal, ri e ka'i' rusamajela' ixoqi', y chi julajuj ruk'ajol, y xkiq'axaj-apo ri raqen-ya' ri nibix Jaboc chire, ri akuchi xax juba' rupan ri ya',

Wuj Richin ri Rutikeribel 25:1

Ri Abraham xukanoj chik jun rixjayil y re ixoq re' rubini'an Queturá.

Wuj Richin ri Rutikeribel 16:3

Y ri Sarai xuya' q'ij chire ri rachijil richin xk'oje' rik'in ri Agar, ri rusamajel; richin xok jun chik rixjayil. Y re' xbanatej toq ri Abram xtz'aqet yan lajuj juna' k'o qa chupan ri ruwach'ulew Canaán.

Wuj Richin ri Rutikeribel 30:9

Toq ri Lea xunabej chi man nik'oje' ta chik más ral, xuya' k'a ri rusamajel Zilpá chire ri rachijil richin nik'oje' rik'in.

Wuj Richin ri Rutikeribel 30:4

Xuya' k'a ri rusamajel chire, y ri Jacob xk'oje' rik'in.

2 Crón 11:21

Ri Roboam xek'oje' e waqxaqlajuj rixjayil y e oxk'al ru-concubina.*f6* Jak'a kan xaxe ri Maacá ri más xrajo' chikiwech ri ch'aqa' chik ixoqi'. Y xeralk'ualaj k'a e juwineq waqxaqi' ruk'ajol y e oxk'al rumi'al.

Wuj Richin ri Rutikeribel 29:1

Xuchop chik k'a el bey ri Jacob y xapon pa kiruwach'ulew ri ek'o pa relebel-q'ij.