Wuj Richin ri Rutikeribel 24:56 - Kaqchiquel Bible

⁵⁶ Y ri samajel xubij: Tibana' utzil man yiniq'et-qa roma kan ja ri Jehová xbanon richin utz xel ri nutaqikil. Tikuyu' juba', tiya' q'ij chuwe richin yitzolin yan pa rachoch ri wajaw, xcha'.

Wuj Richin ri Rutikeribel 24:56 ပူးပေါင်းရင်းမြစ်များ

Wuj Richin ri Isaías 48:15

Yin, ja yin ri xich'on. Y ja yin xinoyon ri achin ri'. Yin xtink'en-pe, richin ronojel utz xtel chuwech.

Wuj Richin Etamabel-Tzij 25:25

Kan achi'el nuben ri raxya' chi nuch'uch'urisaj ri chaqi'j ruchi' jun ri q'itajineq, keri' chuqa' nuben chire jun wineq, ri nuk'ul utzilej taq rutzijol kichin ri k'a janila nej ek'o-wi.

Wuj Richin ri Josúe 1:8

Man jun bey k'a katane' chubixik ri pixa' kichin konojel winaqi' ri tz'ibatel kan chupan re wuj re', xa kan chi paq'ij, chi chi'aq'a' taquqa-rij richin nayek pan awánima ri tz'ibatel kan chupan ri wuj, y keri' kan utz k'a xkabe chupan ri abey y ronojel k'a ri xtaben kan utz k'a xtel chawech.

Wuj Richin ri Rutikeribel 24:40

Y rija' xubij chuwe: Ri Jehová ri kan nuben ri nubij chuwe, rija' xtuteq-pe ri ru-ángel ri xtibe awik'in richin utz xtel ronojel chawech y keri' xtak'en-pe jun rixjayil ri nuk'ajol chikikojol ri alk'ualaxela' ri e aj pa rachoch kan ri nata'.

Wuj Richin ri Rutikeribel 24:54

Xeri' xewa' y xe'uk'ya', rija' y konojel ri e beneq chirij y chiri' xewer-wi kan. K'a ri ruka'n q'ij nimaq'a' yan xeyakatej y ri achin xubij chike: Tikuyu' juba', tiya' q'ij chuwe richin yitzolin rik'in ri wajaw, xcha' chike.

Wuj Richin ri Rutikeribel 24:57

Y rije' xkibij: Tiqoyoj na k'a ri xten y achike na k'a xtubij rija', xecha'.

Wuj Richin ri Rutikeribel 30:25

Toq ri Raquel xalex yan re ti ral re', jari' toq ri Jacob xch'on rik'in ri Labán y xubij chire: Taya' q'ij chuwe richin yitzolin akuchi xinalex-wi pa nuruwach'ulew.