Wuj Richin ri Rutikeribel 24:40 - Kaqchiquel Bible

⁴⁰ Y rija' xubij chuwe: Ri Jehová ri kan nuben ri nubij chuwe, rija' xtuteq-pe ri ru-ángel ri xtibe awik'in richin utz xtel ronojel chawech y keri' xtak'en-pe jun rixjayil ri nuk'ajol chikikojol ri alk'ualaxela' ri e aj pa rachoch kan ri nata'.

Wuj Richin ri Rutikeribel 24:40 ပူးပေါင်းရင်းမြစ်များ

Ex 23:20

Yin kan xtinteq k'a el jun ángel chiwech rix, richin chi yixruchajij chupan chijun ri ibey y ja rija' ri xtuk'uan ri ibey k'a toq xkixapon na chupan ri ruwach'ulew ri nunaban chiwe.

Wuj Richin Bix Chire ri Dios 16:8

Yin kan ja ri Jehová ri nuya'on pa nabey. Roma rija' k'o pa wijkiq'a', roma ri' kan man yitzaq ta.

Ex 33:2

Yin kan xtinteq k'a el ri nu-ángel chiwech rix richin yixruyuqej y xkenwelesaj k'a el chiwech ri winaqi' ri ek'o chiri': Ri cananeo, ri amorreo, ri heteo, ri ferezeo, ri heveo y ri jebuseo.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 5:24

Rija' kan xk'ase' achi'el ri xrajo' ri Dios y jun q'ij xsach-el, roma ja ri Dios xuk'uan-el richin.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

Wuj Richin Bix Chire ri Dios 91:11

Ri Dios kan xkeruteq k'a pe ri ru-ángel chiqanaqaj. Xqojkichajij k'a chijun qak'aslen.

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

1 Rey 8:23

y xubij chire ri Jehová: Rat Jehová ri at qa-Dios roj, kan man jun chik k'a Dios achi'el rat, ni ri chila' chikaj, ni pa ruwi' re ruwach'ulew. Rat kan naben ri ajikiban y kan najoyowaj kiwech ri yesamajin awichin ri kitaqen ri abey rik'in ronojel kánima.

Wuj Richin ri Rutikeribel 48:15

Y k'ari' xrurtisaj ri José rik'in re ch'abel re': Chuwech k'a ri Dios, ri achoq chuwech ri xebiyin-wi ri numama' Abraham y ri nata' Isaac, y ri Dios ri in chajiyon-pe yin, kan ja ri chupan pe ri q'ij toq xinalex, k'a re q'ij wakami,

Wuj Richin ri Rutikeribel 24:7

Roma ri Jehová Dios, ri rajaw ri kaj, ri xinelesan-pe chupan ri rachoch ri nata', y ri xinelesan-pe chiri' chupan ri ruwach'ulew kichin ri wach'alal, rija' kan rujikiban rutzij chuwe chi chike ri wijatzul yin xtuya-wi re ruwach'ulew Canaán. Y rija' kan xtuteq-pe jun ángel richin chi xkaruto', richin chi k'a chila' xtak'en-pe ri xten ri xtok rixjayil ri nuk'ajol,

Wuj Richin ri Rutikeribel 6:9

Jare' ri rubanik ri ruk'aslen ri Noé. Rija' jun achin choj ruk'aslen chuwech ri Dios chikikojol ri sol winaqi' chupan ri q'ij ri'. Xa kan xaxe rija' ri xk'ase' achi'el ri xrajo' ri Dios.

Wuj Richin ri Rutikeribel 5:22

Toq xalex k'a ri Matusalén, ri Enoc 300 juna' chik xk'ase', achi'el xrajo' ri Dios, y jari' toq xek'oje' ch'aqa' chik ralk'ual.

Apocalipsis 22:8

Ja yin Juan, ri xinak'axan y xitz'eton ronojel re'. Jak'a toq e wak'axan y e nutz'eton chik, jari' toq xixuke' chuwech ri ángel ri xk'utun ronojel re' chinuwech, richin ninya' ruq'ij.

1 Rey 2:3

Kan tataqej k'a ronojel ri pixabanik ri nuya' ri Jehová ri qa-Dios, y chuqa' tataqej ronojel ri pixa' ri ruya'on kan chire ri Moisés, richin keri' ronojel ri xtaben kan utz k'a xtel chawech xabakuchi xkabe-wi,

Wuj Richin ri Rutikeribel 24:56

Y ri samajel xubij: Tibana' utzil man yiniq'et-qa roma kan ja ri Jehová xbanon richin utz xel ri nutaqikil. Tikuyu' juba', tiya' q'ij chuwe richin yitzolin yan pa rachoch ri wajaw, xcha'.

1 Rey 3:6

Y ri Salomón xubij chire: Rat kan janila xajoyowaj ruwech ri asamajel David ri nata', roma rija' kan xarutzeqelibej y ja ri ruchojmilal ri xuben chawech y ronojel ri xuben chawech kan qitzij wi. Y roma ri' kan xajoyowaj ruwech richin xaya' kan jun ruk'ajol chupan re q'atbel-tzij pa ruk'exel rija' roma xken-el, y ja yin ri' ri in asamajel.