Wuj Richin ri Rutikeribel 24:4 - Kaqchiquel Bible

⁴ Kabiyin chupan ri nutinamit kik'in ri wach'alal y chiri' tak'ama-pe jun xten richin nok rixjayil ri nuk'ajol, xcha' ri Abraham.

Wuj Richin ri Rutikeribel 24:4 ပူးပေါင်းရင်းမြစ်များ

Wuj Richin ri Rutikeribel 28:2

Xa kabiyin k'a chupan ri ruwach'ulew rubini'an Padán-aram pa rachoch ri amama' Betuel, rutata' ri ate', y kak'ule' rik'in jun rumi'al ri Labán ruxibal ri ate'.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 11:25

Chirij ri ralaxik rija', ri Nacor xk'ase' na chik 119 juna', y xek'oje' ch'aqa' chik ralk'ual.

Hebreos 11:15

Rije' man xkich'ob ta chik ri akuchi e eleneq-wi-pe. Roma wi ta keri' xetikir ta xetzolin chik kan jun bey chupan ri kiruwach'ulew.

Wuj Richin ri Rutikeribel 12:1

Ri Jehová kan kere' rubin chire ri Abram: Katel-el wawe'. Taya' kan re ruwach'ulew re', re awinaq y ri e aj pa rachoch ri atata' y xtink'ut chawech ri akuchi xkabe-wi.

Wuj Richin ri Rutikeribel 24:5

Ri rusamajel xubij chire: Rik'in ta juba' chi ri xten man ta nrajo' nipe chuwij k'a chupan re ruwach'ulew re'. ¿Achike k'a xtinben yin? ¿Nintzolij-el ri ak'ajol k'a ri akuchi at eleneq-wi-pe rat?, xcha'.

Wuj Richin ri Rutikeribel 28:1

K'ari' ri Isaac xuteq royoxik ri Jacob xch'on-el rik'in y xubij chire: Tabana' utzil man kak'ule' rik'in jun xten aj wawe' pa Canaán.

Wuj Kichin ri To'onela' 14:3

Ri rute-rutata' xkibij chire: ¿Maneq ta k'a xtani' chikikojol ri qawinaq roj, richin nabek'ama-pe jun xten chikikojol ri winaqi' aj-Filistea ri xa man nikiya' ta ruq'ij ri qa-Dios roj?, xecha' chire. Jak'a ri Sansón xubij chike: Ja xten ri' ri niqa' chinuwech yin, y jari' ri xtik'utuj richin nok wixjayil, xcha'.

Wuj Richin ri Rutikeribel 24:38

Xa kan kabiyin pa kachoch ri nte-nata' kik'in ri nuwinaq, chiri' takanoj-pe jun rixjayil ri nuk'ajol, xcha' pe ri wajaw.

2 Crón 24:3

Ri Joiadá xuk'uluba' ri Joás kik'in e ka'i' ixoqi', y kan xek'oje' k'a ralk'ual.