Wuj Richin ri Rutikeribel 24:30 - Kaqchiquel Bible

³⁰ Y toq ri Labán xutz'et ri retz'aba'l-rutza'n ri rana' y ri retz'aba'l-ruq'a' y chuqa' xrak'axaj ri bin el chire ri Rebeca roma ri rusamajel ri Abraham, rija' junanin xbe, k'a rik'in ri samajel ri', ri k'o kan chunaqaj ri pozo kik'in ri ru-camello.

Wuj Richin ri Rutikeribel 24:30 ပူးပေါင်းရင်းမြစ်များ

Wuj Richin ri Rutikeribel 24:22

Y toq ri xten xtane' yan k'a richin nuya' kiya' ri camello, jari' toq ri achin xuya' k'a jun retz'aba'l-rutza'n ri banon rik'in q'anapueq y ri ralal jubama nik'aj onza. Y xuya' chuqa' ka'i' retz'aba'l ruq'a' ri e banon rik'in q'anapueq, y chikijujunal kalal jubama oxi' onza rik'in nik'aj.

Wuj Richin ri Rutikeribel 24:29

Y ri Rebeca k'o k'a jun ruxibal rubini'an Labán y re ruxibal re' toq xrak'axaj, kan jari' xuben-el richin nibe k'a rik'in ri rusamajel ri Abraham ri k'o kan chuchi' ri pozo.

Wuj Richin ri Rutikeribel 24:31

Y ri Labán xberubij k'a chire ri samajel ri': Jo', qojok-apo, rat ri at urtisan-pe roma ri Jehová ¿Achike roma k'a atk'o na wawe'? Yin xinchojmirisaj yan kan ri jay akuchi yabek'oje-wi y chuqa' ri kik'ojelibal ri a-camello, xcha' ri Labán.

Ez 23:42

Kan xak'axatej k'a ri raqoj-chi'ij roma e k'iy winaqi' ri yenimaq'ijun, y chuqa' e peteneq choj relik winaqi' pa tz'iran ruwach'ulew. Y rije' xixkiwiq rik'in retz'aba'l-iq'a' y jebelej taq corona ri xekiya' pan ijolon.

Wuj Kichin ri To'onela' 17:2

Re achin re' xubij chire ri rute': Nána, ri juwineq lajuj libra saqipueq ri xabij chuwe chi xeleq'ex awik'in y rat kan xawoyoj etzelanik pa ruwi' ri xeleq'an; ri saqipueq ri' xa wik'in yin k'o-wi, xa ja yin xineleq'an awik'in, xcha'. Y roma ri' toq ri te'ej xubij chire: Ja ri Jehová xkaturtisan, wal yin, xcha'.

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.