Wuj Richin ri Rutikeribel 24:26 - Kaqchiquel Bible

²⁶ K'ari' ri achin xulukuba-qa-ri' richin xuya' ruq'ij ri Jehová,

Wuj Richin ri Rutikeribel 24:26 ပူးပေါင်းရင်းမြစ်များ

Wuj Richin ri Rutikeribel 24:48

K'ari' xinlukuba-wi' richin xinya' ruq'ij-ruk'ojlen ri Jehová Dios, ri ru-Dios chuqa' ri wajaw Abraham, roma xiruto' richin xiruk'en-pe chupan ri qitzij bey y xinoqaqa-el kik'in ri rach'alal ri wajaw richin ninkanoj-el ri rixjayil ri Isaac.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Wuj Richin ri Rutikeribel 24:52

Toq ri samajel xrak'axaj re ch'abel re', xulukuba-qa-ri' pan ulew richin xuya' ruq'ij ri Jehová.

Ex 12:27

Wi keri', rix kan tibij chike: Re ti chikop re' jare' ri niqakamisaj richin niqaya' ruq'ij ri Jehová, roma rija' xuya' ri solbelri'il chiqe chupan ri aq'a' toq xerukamisaj ri nabey taq ak'uala' kichin ri aj-Egipto; y roj kan xojtotej kan, xcha' ri Moisés. Y jari' toq ri winaqi' xexuke' y xkiqasaj-ki' pan ulew richin xkiya' ruq'ij ri Jehová.

Filipenses 2:10

Richin keri' kan xaxe ta k'a pa rubi' ri Jesús yojxuke' qonojel: stape' ri ek'o chila' chikaj, re ojk'o chuwech re ruwach'ulew, y ri ek'o chuxe' re ruwach'ulew.*f2*

Wuj Richin ri Miqueas 6:6

¿Achike ta k'a xtink'uaj richin xkinapon chuwech ri Jehová? ¿Achike xtinsipaj chire toq xtinya' ruq'ij ri nimalej Dios? ¿Kan ruk'amon kami chi xkinapon chuwech rik'in poron chikop? ¿Xkenk'uaj ta k'a el alaji' wákix ri k'o jujun kijuna'?

Wuj Richin Bix Chire ri Dios 95:6

Kixanpe k'a, tiqaya' ruq'ij ri Jehová, y tiqaqasaj-qi' chuwech. Kan qojxuke' k'a chuwech ri Jehová ri xbanon qichin.

Wuj Richin Bix Chire ri Dios 72:9

Chuwech rija' xkexuke-wi ri e etzelanel richin ri ek'o pa tz'iran ruwach'ulew, rije' kan xkech'akatej k'a roma rija'.

Wuj Richin Bix Chire ri Dios 66:4

Konojel k'a winaqi' richin re ruwach'ulew nikiya' aq'ij. Kan yebixan k'a chawe rat y ja ri abi' ri nikibixaj, kixcha' chire.

Wuj Richin Bix Chire ri Dios 22:29

Konojel ri e beyoma' kan xkexuke' chawech y xtikiya' aq'ij, roma konojel re winaqi' re' xa kan xke'ok chik poqolaj, y kiyon rije' kan man yetikir ta nikiya-qa kik'aslen.

Wuj Richin ri Nehemías 8:6

Y rija' kan xunimirisaj k'a rubi' ri Jehová ri nimalej Dios y konojel k'a ri winaqi' xkiyakala' ri kiq'a' chikaj, y xkibij: ¡Ja' keri'! ¡Kan keri' wi!, xecha'. Y k'a ri' rije' xkixuk-xkimej-ki' richin xkiya' ruq'ij ri Jehová.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

2 Crón 20:18

K'ari' ri Josafat xxuke-qa y xulukuba-qa-ri' k'a pan ulew; chuqa' keri' xkiben konojel ri winaqi' ri ek'o-apo chiri' richin xkiya' ruq'ij ri Jehová.

1 Crón 29:20

Y xeri', ri rey David xch'on kik'in ri winaqi' y xubij: Wakami ja rix xkixya'on ruq'ij-ruk'ojlen ri Jehová ri qa-Dios, y ri ki-Dios ri qati't-qamama', xcha'. K'ari' ri winaqi' kexukuk xeqaqa-qa pan ulew richin xkiya' ruq'ij ri Dios y ri rey.

Ex 34:8

Ri Moisés kan xaxe k'a xrak'axaj keri', kan jari' xxuke-qa, xuqasaj-ri' k'a pan ulew, richin xuya' ruq'ij ri Jehová.

Wuj Richin ri Rutikeribel 22:5

K'ari' xubij chike ri rusamajela': Qojiwoyobej kan wawe' y ri bur tik'oje' kan iwik'in. Ri nuk'ajol y yin xqojbe-el richin xtibeqaya' ruq'ij ri Dios; k'ari' xqojtzolin chik pe iwik'in rix, xcha'.

Wuj Richin ri Rutikeribel 24:25

Pa qachoch kan k'o akuchi yixk'oje-wi kan richin yixuxlan y chuqa' k'o páxa y k'iy q'os kichin ri a-camello, xcha' rija' chire.

1 Sam 1:28

Roma ri', wakami yin ninjech kan pa ruq'a' ri Jehová y ninjech chire chijun ri ruk'aslen, richin xtok richin ri Jehová, xcha' ri Ana. K'ari' xkiya' ruq'ij ri Jehová.

Wuj Kichin ri To'onela' 7:15

Toq ri Gedeón xrak'axaj ri kitzij ri ka'i' achi'a' pa ruwi' ri achik' y ri nuk'exewachuj, kan jari' toq xxuke-qa y xuya' ruq'ij ri Jehová. Xtzolej k'a junanin ri akuchi ek'o-wi kan ri ruwinaq, y xubij chike: Kixyakatej, roma ri Jehová xerujech yan pa qaq'a' ri aj-Madián, y konojel ri ch'aqa' chik winaqi' ri ek'o kik'in, xcha'.