Wuj Richin ri Rutikeribel 24:22 - Kaqchiquel Bible

²² Y toq ri xten xtane' yan k'a richin nuya' kiya' ri camello, jari' toq ri achin xuya' k'a jun retz'aba'l-rutza'n ri banon rik'in q'anapueq y ri ralal jubama nik'aj onza. Y xuya' chuqa' ka'i' retz'aba'l ruq'a' ri e banon rik'in q'anapueq, y chikijujunal kalal jubama oxi' onza rik'in nik'aj.

Wuj Richin ri Rutikeribel 24:22 ပူးပေါင်းရင်းမြစ်များ

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

Wuj Richin ri Rutikeribel 24:47

K'ari' xink'utuj chire: ¿At achoq mi'al k'a rat?, xicha' chire. Y rija' xubij chuwe: In rumi'al ri Betuel y ri wati't-numama' ja ri Milcá y ri Nacor, xcha' chuwe. K'ari' xinya' jun retz'aba'l-rutza'n, y ka'i' retz'aba'l-ruq'a'.

Wuj Richin ri Rutikeribel 24:30

Y toq ri Labán xutz'et ri retz'aba'l-rutza'n ri rana' y ri retz'aba'l-ruq'a' y chuqa' xrak'axaj ri bin el chire ri Rebeca roma ri rusamajel ri Abraham, rija' junanin xbe, k'a rik'in ri samajel ri', ri k'o kan chunaqaj ri pozo kik'in ri ru-camello.

Ester 5:1

Toq xq'ax yan k'a ri oxi' q'ij, ri Ester kan xukusaj k'a el ri jebelej rutziaq, y xok k'a apo pa ruwa-jay chire ri rachoch ri rey. Y xpa'e-apo pa ruchojmilal ri ruchi' ri jay ri akuchi tz'uyul-wi richin ta chi ri Asuero nutz'et-pe.

1 Pedro 3:8

Pa ruk'isibel ninbij chiwe chi chi'iwonojel xa jun iwech tibana', kan tina' chuqa' rix ri q'axo'n ri nuna' ri iwach'alal. Tiwajowala-iwi' chi'iwach'alal. Tijoyowala' iwech y man tinimirisaj-iwi'.

1 Pedro 3:3

Ri niwiq iwi' man ta xa ja ri niq'alajin achi'el ri wiqobel ri e banon rik'in q'anapueq, ri jebelej taq tzieq, y ri ruchojmirisaxik ri rusumal taq iwi'.

Wuj Richin ri Rutikeribel 24:10

Y ri samajel xeberuk'ama' k'a pe e lajuj camello y xerucha' k'a el ri sipanik ri más e jebel chukojol ri rubeyomel ri Abraham; y xyakatej na wi el y xbe k'a pa rutinamit kan ri Nacor ri k'o pa ruwach'ulew Mesopotamia.

Wuj Richin ri Rutikeribel 24:23

Y k'ari' xuk'utuj k'a chire: ¿Achoq at mi'al k'a rat? Y chuqa' tabana' utzil tabij chuwe, ¿man jun kami akuchi yojuxlan-wi kan juba' chirachoch ri atata'?, xcha'.

Wuj Richin ri Rutikeribel 24:53

Y ri samajel xuya-apo jalajoj ruwech sipanik ri banon rik'in saqipueq y q'anapueq, y tzieq, richin xusipaj chire ri Rebeca y chuqa' xeruyala' sipanik chire ri ruxibal y ri rute'.

Wuj Richin ri Jeremías 32:9

Keri', xinloq' kan ri ulew ri' chuwi-ruq'a' ri Hanamel y xinwetaj ri saqipueq ri xinya' chuwech: Waqi' onza xintojbej-wi.

Wuj Richin ri Achin Job 28:1

Kan qitzij na wi chi ri saqipueq kan k'o ri akuchi nik'ot-wi, y chuqa' ri q'anapueq kan k'o ri akuchi nitzak-wi, richin nich'ajch'ojirisex,