Wuj Richin ri Rutikeribel 24:2 - Kaqchiquel Bible

² Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

Wuj Richin ri Rutikeribel 24:2 ပူးပေါင်းရင်းမြစ်များ

Wuj Richin ri Rutikeribel 15:2

Y ri Abram xubij: Wajaw Jehová, rat jebel awetaman chi yin e maneq walk'ual ri xke'ichinan ta kan ronojel ri nubeyomel ri k'o wik'in, xaxe ri Eliézer ri k'o pa kiwi' ri nusamajela', ri achin aj-Damasco.

Wuj Richin ri Rutikeribel 24:34

K'ari' xubij: Yin in rusamajel ri Abraham.

Wuj Richin ri Rutikeribel 24:37

Y ri wajaw xuben chuwe chi xinjikiba-nutzij chuwech y xubij chuwe: Man takanoj rixjayil ri nuk'ajol chikikojol ri kimi'al ri aj-Canaán re akuchi ojk'o-wi.

Wuj Richin ri Rutikeribel 44:1

Y ri José xuteq-el ri achin aj-raqen pa kiwi' ri rusamajela' ri ek'o pa rachoch y xubij-el chire: Tanojisaj-el chi trigo ri ki-costal re achi'a' re', ri janipe' yetikir nikik'uaj-el y ri kiméro taya-el chupan ri ki-costal,

Wuj Richin ri Rutikeribel 47:29

Y toq rija' xuna' chi nibeken yan, xuteq k'a royoxik ri José y xubij chire: Wi kan qitzij janila yinawajo', taya-pe la aq'a' chukojol ri wa', wi najoyowaj nuwech y wi kan qitzij ri nabij. Nink'utuj k'a utzil chawe chi man yinamuq ta re wawe' pan Egipto.

Wuj Richin ri Rutikeribel 47:31

Y ri rutata' xubij k'a chire chi tujikiba-rutzij chuwech chi kan xtuben ri xubij. Y ri José kan xujikiba' k'a rutzij y ri Jacob xumatioxij y k'ari' xraq'e-qa chirij ri ruch'at.

2 Sam 12:17

Y ri achi'a' ri k'o kiq'ij ri ek'o pa rachoch, xebe rik'in richin nikiyek-q'anej pan ulew. Jak'a rija' man xrajo' ta, y man xutej ta ruway kik'in.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

1 Crón 29:24

Konojel k'a ri e tata'al y ri achi'a' ri k'o janila kiq'ij y konojel ri e ruk'ajol ri rey David xkiya-ki' chuxe' rutzij ri rey Salomón.

1 Timoteo 5:17

Ri uk'uey kichin ri molaj qach'alal ri kan jebel kik'uaxik nikiben chike ri qach'alal, kan ruk'amon chi ka'i' ta bey nikik'ul ri rajel ruk'exel. Y kan más ruk'amon chi nikik'ul keri', ri nikitzijoj ri ruch'abel ri Dios y ri yetijon.

Wuj Richin ri Rut 2:6

Y ri samajel xubij chire: Ja k'a xten la' ri aj-Moab ri peteneq rik'in ri Noemí.