Wuj Richin ri Rutikeribel 24:15 - Kaqchiquel Bible

¹⁵ Y kan k'a man jani tuk'is-qa rubixik re ch'abel re' chire ri Dios, toq ri Rebeca rumi'al ri Betuel xapon chuchi' ri pozo, y ruya'on-el ri kuku' chuwi-rutele'n. Y ri Betuel ri' kalk'ual ri Milcá y ri Nacor, ri runimal ri Abraham.

Wuj Richin ri Rutikeribel 24:15 ပူးပေါင်းရင်းမြစ်များ

Wuj Richin ri Rutikeribel 11:29

Y ri Abram xk'ule' rik'in ri xten rubini'an Sarai, y chuqa' ri Nacor xk'ule' rik'in ri xten rubini'an Milcá, rumi'al kan ri Harán, rana' ri Iscá.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

Wuj Richin ri Rutikeribel 24:45

Toq yinajin chubixik re ch'abel re' pa wánima, jari' toq xbek'ulun-pe ri Rebeca rik'in ri rukuku' chuwi-rutele'n richin xberuk'ama-qa ruya' chuchi' ri pozo y jari' toq xinbij chire: Tabana' jun utzil chuwe, tasipaj juba' nuya', xicha' chire.

Wuj Richin ri Isaías 58:9

K'ari' toq xkixinwoyoj, yin kan xtink'uluba-pe ri ich'abel. Toq xkixsik'in richin nik'utuj to'onik, yin xkik'oje' iwik'in. Jak'a kan nik'atzin chi man niya' ta chik iwi' pa poqon. Chuqa' man ke'iyoq' ri ch'aqa' chik winaqi', y man ke'iq'abaj tzij chikij,

Wuj Richin Bix Chire ri Dios 65:2

Kan awik'in k'a rat xkepe-wi konojel ri winaqi', roma rat kan nawak'axaj ronojel ri ch'owen ri yeban awik'in.

Wuj Richin Bix Chire ri Dios 34:15

Ri rutzubal ri Jehová ruya'on k'a pa kiwi' ri choj kik'aslen. Y rija' nrak'axaj ri kich'owen.

Ex 2:16

Y ri chiri' pa Madián k'o k'a jun sacerdote rubini'an Jetro ri ek'o wuqu' rumi'al. Re xtani' re' e kik'uan k'a ri rukarne'l ri kitata' y k'o chi nikelesaj na ri ya' y nikinojisaj ri juku' richin ye'uk'ya' ri karne'l.

Wuj Richin ri Rut 2:17

Ri Rut xpich'olin k'a y xqasan-q'ij chiri'; y ronojel ri xumol xuch'ey, y toq xch'eyetej xuben más juba' jun arroba.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Rutikeribel 29:9

Rokik ri Jacob nitzijon kik'in ri yuq'unela', jari' toq xapon ri Raquel e ruk'uan-el rukarne'l ri rutata', roma kan ja rija' ri yuq'unel.

Wuj Richin ri Rutikeribel 24:24

Y ri xten xubij: Yin in rumi'al kan ri achin ri xubini'aj Betuel ri kalk'ual kan ri Milcá y ri Nacor.

Wuj Richin ri Rutikeribel 11:27

Wawe' e tz'ibatel-wi kan ri kibi' ri e rijatzul ri Taré: Ri Abram, ri Nacor y ri Harán; y ri Harán xralk'ualaj ri Lot.

Wuj Richin Etamabel-Tzij 31:27

Rija' kan ruwech chire ronojel ri pa rachoch, y man jun bey nutej-qa ri xa man jani tuch'ek.

Wuj Richin ri Rutikeribel 21:14

Y nimaq'a' yan ri ruka'n q'ij ri Abraham xyakatej, xberuk'ama-pe kaxlan-wey, y jun tz'um nojineq rik'in ya' y xuya-el chuwi-rutele'n ri Agar, y chuqa' xujech-el ri ala' chire richin tel-el. K'ari' rije' xkichop-el bey y xebe-kela' xebe-kela' xkiben chupan ri tz'iran ruwach'ulew richin Beerseba.

Wuj Richin ri Rutikeribel 24:14

y ja ta k'a ri xten ri achoq chire xtinbij-wi: Taqasaj la kuku'*f21* y tabana' utzil taya' juba' nuya' richin ninqum, y wi rija' xtubij chuwe: Taqumu' ri aya', y chuqa' xtinya' kiya' ri a-camello, xticha' ta chuwe, ja ta k'a xten ri' ri akanon rat, richin chi xtok rixjayil ri Isaac; y rik'in ri' xtinwetamaj k'a yin chi kan xaya' wi ri ajoyowanik pa ruwi' ri wajaw, xcha' ri samajel.

Wuj Richin ri Rutikeribel 25:20

Ri Isaac k'o chik kawineq rujuna' toq xk'ule' rik'in ri Rebeca, rumi'al ri Betuel, rana' ri Labán; rije' e arameo aj-Padán-aram.

1 Sam 9:11

Y toq ri achi'a' ri' e jotol-q'anej pa ruwi' ri juyu' richin ri tinamit, xekik'ul ka'i-oxi' xtani' e xulan-pe, ri nikeraj kiya' y xkibij k'a chike: ¿Wawe' kami k'o-wi ri nitz'eton ri peteneq chiqawech-apo?, xecha'.

Wuj Richin ri Rutikeribel 29:5

K'ari' xubij chik chike: ¿Iwetaman ruwech ri Labán ruk'ajol kan ri Nacor?, xcha'. Y rije' xkibij: Ja', qetaman ruwech, xecha'.