Wuj Richin ri Rutikeribel 24:14 - Kaqchiquel Bible

¹⁴ y ja ta k'a ri xten ri achoq chire xtinbij-wi: Taqasaj la kuku'*f21* y tabana' utzil taya' juba' nuya' richin ninqum, y wi rija' xtubij chuwe: Taqumu' ri aya', y chuqa' xtinya' kiya' ri a-camello, xticha' ta chuwe, ja ta k'a xten ri' ri akanon rat, richin chi xtok rixjayil ri Isaac; y rik'in ri' xtinwetamaj k'a yin chi kan xaya' wi ri ajoyowanik pa ruwi' ri wajaw, xcha' ri samajel.

Wuj Richin ri Rutikeribel 24:14 ပူးပေါင်းရင်းမြစ်များ

Wuj Kichin ri To'onela' 6:37

Yin xtinya' kan jun sale'y richin karne'l ri akuchi nich'ay-wi trigo, y wi ri nimaq'a', ri sale'y ch'eqel roma ri raxq'ab y ri ruwach'ulew chaqi'j, jari' toq xtinnabej chi kan qitzij xkinakusaj richin yenkol ri nuwinaq, achi'el ri abin chuwe, xcha'.

Wuj Kichin ri To'onela' 6:17

K'ari' ri Gedeón xubij: Wi kan xinwil utzil awik'in, tabana' utzil taya' jun retal richin ri Jehová chuwe.

Wuj Richin ri Rutikeribel 15:8

Y ri Abram xubij chire: Ajaw Jehová, ¿achi'el k'a toq xtinwetamaj yin chi qitzij xtinwichinaj re ruwach'ulew re'?, xcha'.

Wuj Richin ri Isaías 7:11

tuk'utuj k'a utzil chire richin tuya' jun retal xabakuchi nrajo-wi rija', wi chuwech re ruwach'ulew o chuwech ri kaj.

Wuj Richin Etamabel-Tzij 19:14

Ri jay y ronojel ruwech beyomel, kan ja ri tata'aj ri yeya'on kan chike ri kalk'ual; jak'a jun ixjayilonel ri kan k'o runa'oj, kan ja ri Jehová ri nisipan chire ri achin.

2 Sam 5:24

Y ri Dios xubij k'a chi ri David k'o chi nroyobej k'a toq xtrak'axaj chi achi'el k'o ri nibiyin pa kitum ri che' ri'. K'ari' toq ri David xtijote-el chi'anin chikij, roma jari' xtik'o-el ri Jehová chikiwech richin yerukamisaj ri achi'a' aj-Filistea.

Wuj Kichin ri To'onela' 18:5

Y rije' xkibij chire: Tak'ulubej ri Dios wakami, richin niqetamaj wi utz xtel chiqawech re qataqikil re nibeqabana', xecha'.

Romanos 1:10

Ronojel mul toq yich'on rik'in kan nink'utuj utzil chire chi xtuben ta chuwe chi xkitikir ta xkinapon iwik'in, wi keri' nrajo' rija'. Roma kan k'iy yan k'a q'ij wajowan-pe keri'.

2 Sam 20:9

Xusik' k'a el, y toq xapon-apo rik'in ri Amasá, ruk'uan pa ruq'a'. Xuk'utuj k'a rutzil ruwech y xuchop-apo ri rusumal-ruchi' ri Amasá rik'in ri rijkiq'a' richin nutz'ubaj.

1 Sam 20:7

Jak'a wi ri atata' man jun xtubij, nel chi tzij chi k'o uxlanibel-k'u'x pa nuwi' yin, y wi niyakatej royowal, tawetamaj k'a chi k'o ruk'ayewal niberuya' pa nuwi'.

Wuj Richin ri Rutikeribel 24:44

y wi rija' xtubij chuwe: Taqumu' ri aya' nabey rat, chirij re' ninweraj kiya' ri a-camello, xticha', ja k'a xten re' ri acha'on-pe rat Jehová richin xtok rixjayil ri ruk'ajol ri wajaw, xicha' chire ri Dios.

Wuj Richin ri Rutikeribel 24:13

Wakami, rokik re ink'o chuchi' re pozo re', ri xtani' richin re tinamit re' xkepe k'a chi relesaxik kiya'.

Wuj Richin ri Rutikeribel 24:15

Y kan k'a man jani tuk'is-qa rubixik re ch'abel re' chire ri Dios, toq ri Rebeca rumi'al ri Betuel xapon chuchi' ri pozo, y ruya'on-el ri kuku' chuwi-rutele'n. Y ri Betuel ri' kalk'ual ri Milcá y ri Nacor, ri runimal ri Abraham.

Wuj Richin ri Rutikeribel 24:18

Y ri xten kan jari' chi'anin xuqasaj-qa ri rukuku' xuch'elej pa ruq'a' y xubij: Táta, taqumu' k'a aya', xcha' chire.

Wuj Richin ri Rutikeribel 24:19

Y toq xuya' yan ruya' ri achin, chuqa' xubij chire: Xtinwelesaj chuqa' kiya' la a-camello k'a toq xketane' na richin ye'uk'ya', xcha'.

Wuj Richin ri Rutikeribel 24:43

yin ink'o wawe' chunaqaj ri pozo y ri xten ri xtipe richin noruk'ama' ruya' y xtinbij chire: Tabana' utzil taya' juba' nuya' richin ninqum, xkicha' chire,