Wuj Richin ri Rutikeribel 24:10 - Kaqchiquel Bible

¹⁰ Y ri samajel xeberuk'ama' k'a pe e lajuj camello y xerucha' k'a el ri sipanik ri más e jebel chukojol ri rubeyomel ri Abraham; y xyakatej na wi el y xbe k'a pa rutinamit kan ri Nacor ri k'o pa ruwach'ulew Mesopotamia.

Wuj Richin ri Rutikeribel 24:10 ပူးပေါင်းရင်းမြစ်များ

Deut 23:4

roma toq roj xojq'ax chunaqaj ri kiruwach'ulew, toq oj eleneq-pe pan Egipto, rije' man xkisuj ta juba' qaway, ni juba' qaya'. Y chuqa' xkitoj ri Balaam, ruk'ajol ri Beor, ri peteneq pa Petor richin ri Mesopotamia, richin tuya' jun etzelanik pa qawi'.

Wuj Richin ri Rutikeribel 11:31

Ri Taré xel-el chiri' pan Ur kichin ri winaqi' caldeo richin xbe pa ruwach'ulew Canaán y xeruk'uaj-el ri Abram ri ruk'ajol, ri Sarai ri rali' y chuqa' xuk'uaj-el ri Lot ri ruk'ajol kan ri Harán, ri ruk'ajol rija'; y toq xe'apon chupan ri tinamit rubini'an Harán, chiri' xek'oje-wi-qa.

Hechos 2:9

Roma ek'o chiqe roj ri e aj wawe' pa Judea; ek'o e peteneq ri pa ruwach'ulew Partia, ri Media, ri Elam, ri Mesopotamia, ri Capadocia, ri Ponto, ri Asia,

1 Crón 19:6

Xq'ax k'a chikiwech ri amonita chi ye'ixowex roma man utz ta ri xkiben chuwech ri David. Roma ri' xkik'uaj-el 660 quintal saqipueq richin xekitoj aj-labal ri ye'uk'uan carruaje y chuqa' achi'a' ri yech'oke' chirij taq kiej richin ri aj-Mesopotamia, ri aj-Siria, ri aj-Maacá y ri aj-Sobá richin nibekibana' oyowal rik'in ri David.

Wuj Richin ri Rutikeribel 29:1

Xuchop chik k'a el bey ri Jacob y xapon pa kiruwach'ulew ri ek'o pa relebel-q'ij.

Wuj Richin ri Rutikeribel 27:43

Wakami k'a wal, tawak'axaj ri nuch'abel y tanimaj nutzij. Katanimej k'a el, y kabiyin pa rachoch ri nuxibal Labán chiri' pan Harán, y tawewaj-awi' chiri'.

Wuj Richin ri Rutikeribel 24:2

Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

Wuj Richin ri Rutikeribel 11:29

Y ri Abram xk'ule' rik'in ri xten rubini'an Sarai, y chuqa' ri Nacor xk'ule' rik'in ri xten rubini'an Milcá, rumi'al kan ri Harán, rana' ri Iscá.

Wuj Richin ri Rutikeribel 11:32

Y chiri' k'a pan Harán xken-wi ri Taré toq k'o 205 rujuna'.

Wuj Richin ri Rutikeribel 24:22

Y toq ri xten xtane' yan k'a richin nuya' kiya' ri camello, jari' toq ri achin xuya' k'a jun retz'aba'l-rutza'n ri banon rik'in q'anapueq y ri ralal jubama nik'aj onza. Y xuya' chuqa' ka'i' retz'aba'l ruq'a' ri e banon rik'in q'anapueq, y chikijujunal kalal jubama oxi' onza rik'in nik'aj.

Wuj Richin ri Rutikeribel 24:53

Y ri samajel xuya-apo jalajoj ruwech sipanik ri banon rik'in saqipueq y q'anapueq, y tzieq, richin xusipaj chire ri Rebeca y chuqa' xeruyala' sipanik chire ri ruxibal y ri rute'.

Wuj Richin ri Rutikeribel 29:2

Y xutz'et k'a apo jun pozo pa juyu' y chiri' ek'o e oxi' tzobaj karne'l e uxlawineq, roma chupan ri pozo ri' ye'uk'ya-wi konojel awej. Y ri pozo ri' rik'in jun nim abej tz'apel kan ruwi'.

Wuj Richin ri Rutikeribel 11:26

Y toq ri Taré k'o oxk'al lajuj rujuna', jari' toq xeralk'ualaj e oxi' ruk'ajol ri xkibini'aj, Abram, Nacor y Harán.

Wuj Richin ri Rutikeribel 22:20

Chirij k'a ronojel re' xapon rutzijol rik'in ri Abraham chirij ri Milcá, ri rixjayil ri Nacor, rach'alal ri Abraham, chi rije' xek'oje' e waqxaqi' kalk'ual: Ri nabey xubini'aj Us y ri ch'aqa' chik xkibini'aj, Buz, Quemuel, Quésed, Hazó, Pildás, Idlaf y Betuel. Re Betuel re' jare' rutata' ri Rebeca. Y ri Quemuel jari' ri rutata' ri Aram.