Wuj Richin ri Rutikeribel 23:4 - Kaqchiquel Bible

⁴ Yin xa man in aj wawe' ta, xa nej kipe-wi, y chi'ikojol rix ink'o-wi wakami. Tibana' utzil chuwe richin tik'ayij juba' wulew, y chiri' xtinmuq-wi ri nukaminaq, xcha' ri Abraham.

Wuj Richin ri Rutikeribel 23:4 ပူးပေါင်းရင်းမြစ်များ

Hebreos 11:9

Kan rukuquban-wi ruk'u'x rik'in ri Dios, y roma ri' xk'oje' achi'el jun q'axel chupan ri ruwach'ulew ri sujun chire. Y roma ri' xa chupan jay e banon rik'in tzieq xk'oje-wi. Achi'el chuqa' xkiben ri Isaac y ri Jacob, roma rije' sujun chuqa' chike ri ruwach'ulew ri'.

1 Crón 29:15

Chawech rat xa oj q'axel achi'el ri qati't-qamama', y ri qak'aslen achi'el muj ri niq'ax chuwech re ruwach'ulew.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin Bix Chire ri Dios 119:19

Yin xa in q'axel re wawe' chuwach'ulew. Man naben chuwe richin man niq'ax ta chinuwech ri apixa'.

Hechos 7:5

Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

Wuj Richin Bix Chire ri Dios 39:12

Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.

Wuj Richin ri Chojmirisabelri'il 25:23

Man k'a tik'ayij ri iwulew richin q'asen, roma ri ulew ri akuchi ixk'o-wi kan wichin yin, roma rix xa ix q'axel y man ja ta rix ri ix rajaw.

Wuj Richin ri Rutikeribel 49:30

ri k'o chiri' pa ruwach'ulew Canaán, ri jul ri k'o pa Macpelá, ri k'o chuwech ri Mamré, ri xuloq' kan ri numama' Abraham, junan rik'in ri ulew ri' y re' qichin qonojel ri qach'alal-qi', richin yojmuq.

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Molojri'il 12:5

Toq xkak'oje' pa jotol xa xtuya' k'a k'ulu'n chawe, y toq xkabe pa bey xa chaq xtaxibila-awi'. Ri rusumal-awi' xa kan achi'el rusi'j almendro xtuben, roma xtisaqir. Ronojel k'a ri awuchuq'a' xtik'is, y xtaben achi'el jun sak' ri'j chik. Y ri arayibel xa xtik'is chuqa'. K'ari' napon k'a ri q'ij toq k'o chi yatzolin k'a pan awachoch ri richin q'asen, y ri pa taq bey kan xtak'axex k'a oq'ej.

Wuj Richin ri Molojri'il 6:3

Stape' jun achin xeralk'ualaj ta e wok'al ralk'ual y kan janila xyaloj xk'ase-el, ri rujuna' kan janila k'iy ri xukochij-el. Y man xuya' ta chire ri ránima janipe' ri xurayij, y kan man xmuq ta chi utzil. Yin ninch'ob chi k'o más rejqalen ri ak'ual ri kamineq xalex ri man xril ta ruq'ijul ke chuwech ri jun achin ri'.

Wuj Richin ri Achin Job 30:23

Roma yin wetaman chi jare' yatajin chinuk'uaxik k'a pa nukamik, yinak'uaj k'a ri akuchi ye'apon-wi konojel ri winaqi' ri xek'ase-el chuwech re ruwach'ulew.

Wuj Richin ri Rutikeribel 50:13

xkik'uaj k'a el k'a pa ruwach'ulew Canaán, richin xbekimuqu' kan chupan ri jul ri k'o pa rulew ri Macpelá ri ruloq'on kan ri Abraham rik'in ri Efrón hitita, ri k'o pa relebel-q'ij chire ri Mamré, ri akuchi yemuq-wi konojel rije' toq yeken.

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Hechos 7:16

Jak'a ri kich'akul, pa tinamit Siquem, chiri' xebemuq-wi. Xemuq pa jun xoral, ri akuchi k'o k'ojelibel richin yebemuq-wi kan kaminaqi'. Re jun xoral re', kan jak'a ri Abraham ri loq'oyon kan chike ri e ralk'ual ri Hamor.

Wuj Richin ri Rutikeribel 23:5

Y rije' xkibij chire:

Ex 2:22

Y rija' xralaj k'a jun ak'ual ti ala', ri Moisés xunojij-qa y xubij: Re ak'ual re' xtubini'aj Guersón,*f1* roma yin xa in q'axel chupan jun chik ruwach'ulew, xcha'.