Wuj Richin ri Rutikeribel 23:11 - Kaqchiquel Bible

¹¹ Wajaw, yin kan chikiwech k'a konojel re nuwinaq ninbij chi choj keri' ninya' kan chawe ri juba' ulew y chuqa' ri jul ri'. Tamuqu' k'a ri akaminaq chiri', xcha'.

Wuj Richin ri Rutikeribel 23:11 ပူးပေါင်းရင်းမြစ်များ

San Lucas 19:24

K'ari' ri rey xubij chike ri ek'o chiri': Tik'ama' k'a kan la méro pa ruq'a', y tiya' chire ri nusamajel ri xch'ako lajuj mul chirij ri méro, xcha'.

Wuj Richin ri Isaías 32:8

Jak'a ri wineq ri utz, kan utz yeruch'obola', y rik'in utzilej rubanobal, kan xtinimirisex ri ruq'ij.

Wuj Richin ri Rut 4:11

Y konojel k'a ri winaqi' ri ek'o chiri' ri e kachibilan ri achi'a' ri k'o kiq'ij, xkibij: Qitzij, roj xqatz'et ronojel re'. Ja ri Jehová xtiya'on ri urtisanik pa ruwi' ri ixoq ri xtapon pan awachoch y chuqa' xtik'oje' ta k'iy awalk'ual rik'in achi'el xuben chike ri Raquel y ri Lea, ri oj kiy-kimam kan roj. Y rat Booz kan ta xkatok jun nimalej tata'aj chikikojol ri e rijatzul kan ri Efrata, wawe' pa Belén.

Wuj Richin ri Rut 4:9

Y jari' toq ri Booz xubij chike ri rijita'q taq achi'a' ri k'o kiq'ij y chike ri winaqi' ri ek'o chiri': Rix xitz'et re xbanatej re wakami, chi yin ninloq' kan ronojel chire ri Noemí, ronojel ri kichinan kan ri Elimélec, ri Quilión y ri Mahlón.

Wuj Richin ri Rut 4:4

Y xinquqa' jebel chi ja rat ri ruk'amon chi yaloq'on kan ri ulew ri' chikiwech re achi'a' re', ri k'o kiq'ij chupan re qatinamit. Tabij chikiwech rije' wi nawajo' naloq' kan y wi man nawajo' ta kan taq'alajirisaj jumul, roma wi keri' kan ja yin ri xkiloq'on kan ri', roma yin kan in rach'alal kan chuqa' ri Elimélec, xcha' ri Booz. Y ri rach'alal xubij chi kan nuloq' kan ri ulew ri'.

Wuj Richin ri Rut 4:1

Toq xpaq'ijer k'a q'anej, jari' toq ri Booz xbetz'uye' chuchi' ri tinamit ri akuchi nikimol-wi-ki' ri winaqi'. Y xq'ax k'a el keri' ri ach'alalri'il ri achoq pa ruwi' ch'owineq-wi y ri Booz xubij k'a chire ri achin ri': Táta, katanpe na juba' wawe' y katz'uye' wik'in, xcha' chire. Y ri achin ri' kan xpe k'a y xtz'uye' rik'in.

Deut 19:15

Wi xa ruyon jun wineq nisujun chirij jun chik wineq rik'in xabachike mak, ch'a'oj o kamik man ruk'amon ta ninimex, xa kan xaxe ninimex kitzij wi yesujun e ka'i' o e oxi' ri xetz'eton ronojel.

Deut 17:6

Jak'a richin nikamisex k'o chi nak'axex na kich'abel e ka'i' o e oxi' ri xetz'eton ronojel chirij ri k'o chi nikamisex. Man jun tikamisex roma xa jun ok ri nisujun chirij.

Wuj Richin ri Q'axanri'il 35:30

Wi k'o ta jun xtukamisaj jun chik wineq y wi xa ta jun ok ri xtz'eton, richin nuya' rutzij, man xtiq'at ta tzij pa ruwi' ri kamisanel ri'. Jak'a wi ka'i-oxi' ri xketz'eton ri xuben ri kamisanel, kan xtiq'at k'a tzij pa ruwi'.

Wuj Richin ri Rutikeribel 23:18

Y chikiwech k'a konojel ri hitita ri ek'o chiri' chuchi' ri tinamit, y chikiwech ri winaqi' ri ye'el-ye'ok ri pa tinamit, toq ri ulew ri' xok kan pa ruq'a' ri Abraham.

Wuj Richin ri Rutikeribel 23:6

Táta, tamuqu' k'a ri akaminaq chupan ri jul ri akuchi nawajo-wi rat; y kan xtiqaya' k'a chawe ri akuchi nawajo-wi. Roma roj kan qetaman chi rat at jun nimalej tata'al richin ri Dios chiqakojol, xecha' chire.

Wuj Richin ri Rutikeribel 23:12

K'ari' xpe ri Abraham xxuke-qa chikikojol ri winaqi' hitita,