Wuj Richin ri Rutikeribel 22:9 - Kaqchiquel Bible

⁹ Y toq xe'apon akuchi rubin-wi ri Dios chire ri Abraham, rija' xuben-q'anej ri porobel richin ri kamelabel. K'ari' xuya-q'anej ri si' pa ruwi' y xuxim k'a ri ruk'ajol. K'ari' xuya-q'anej pa ruwi' ri porobel y pa ruwi' ri si'.

Wuj Richin ri Rutikeribel 22:9 ပူးပေါင်းရင်းမြစ်များ

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 12:8

K'ari' xbe-el pa taq'aj ri chuwi-juyu', chiri' pa relebel-q'ij pa Betel y chiri' xupaba-q'anej ri rachoch ri banon rik'in tzieq y xuben chikikojol ka'i' tinamit; pa qajbel-q'ij k'o-wi ri Betel, y pa relebel-q'ij k'o-wi ri Ai. Y chiri' xuben-q'anej chuqa' jun porobel richin xuporoj jun kamelabel chuwech ri Jehová y kan xuya' ruq'ij.

Wuj Richin ri Rutikeribel 13:18

K'ari' ri Abram xuq'axaj ri rachoch banon rik'in tzieq ri chiri' rik'in ri li'aj paten-che' ri k'o pa rulew ri jun achin rubini'an Mamré, ri k'o pa tinamit Hebrón; y chiri' xupaba-q'anej jun porobel richin xusuj kamelabel chuwech ri Jehová.

Wuj Richin ri Rutikeribel 22:10

Toq xuchop k'a apo ri qupibel richin nukamisaj ri ruk'ajol,

Wuj Richin ri Rutikeribel 22:8

Y ri Abraham xubij chire: Ja ri Dios xtiya'on-pe ri chikop richin niqaporoj nuk'ajol yin, xcha'. Y kan junan k'a e beneq-el.

Wuj Richin ri Rutikeribel 8:20

Y ri Noé xuben k'a q'anej jun porobel richin xusuj kamelabel chire ri Jehová y xeberuk'ama-pe chikikojol ri aj-xik' taq chikopi' y ri ch'aqa' chik ri e utz richin kamelabel y xeruporoj chuwech rija'.

1 Rey 18:33

Xuchojmirisaj-q'anej ri si' y xuk'ajij ri wákix, y k'ari' xuya-q'anej pa ruwi' ri si'.

Wuj Richin Bix Chire ri Dios 118:27

Ri Jehová kan jari' ri Dios, kan ruya'on k'a ri saqil pa qawi'. Roma ri' rix tik'ama-pe ruq'a' taq che' richin nitikeriba-q'anej ri nimaq'ij, y kixanpe k'a rik'in ri porobel.

San Mateo 27:2

Ri Jesús kan ximon-wi-el toq xkik'uaj, y xbekijacha' pa ruq'a' ri Poncio Pilato, ri q'atoy-tzij aj-Roma.

Marcos 15:1

Toq xseqer k'a pe chupan ri q'ij ri', ri aj-raqen kichin ri sacerdote xkimol k'a ki' e kachibilan ri achi'a' ri k'o kiq'ij, ri etamanela' chirij ri pixa' y konojel ri achi'a' ri pa komon yeq'aton-tzij. Rije' xkich'ob k'a ri achike nikiben rik'in ri Jesús, y kan ximon-el toq xkik'uaj y xbekijacha' pa ruq'a' ri Pilato ri q'atoy-tzij aj-Roma.

Hechos 8:32

Ri ruch'abel ri Dios ri najin chusik'ixik ri achin ri', jak'a ri nubij:*f20* Xkik'uaj-el pa kamik, achi'el jun karne'l toq niyuqex-el richin nibekamisex, jak'a man xsik'in ta, ni man jun xubij, achi'el jun karne'l toq nuk'uex-el richin nisokex ri rusumal.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

Hebreos 9:28

keri' chuqa' ri Cristo, xaxe jun bey k'o chi xken richin xrejqalej ri qamak qonojel. Y xtapon k'a ri q'ij toq rija' xtipe chik jun bey, jak'a man roma ta chik ri qamak, xa kan richin yojrukol-el roj, ri qoyoben-apo rija'.

Santiago 2:21

Ri qamama' Abraham ri xk'oje' ojer, kan xuben-wi ri xubij ri Dios chire; y man xupoqonaj ta xuya' ri Isaac ri ruk'ajol pa ruwi' ri porobel richin xuya' chire ri Dios. Y rik'in ri' ri Abraham man jun rumak xk'ulun chuwech ri Dios.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.