Wuj Richin ri Rutikeribel 22:17 - Kaqchiquel Bible

¹⁷ Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin ri Rutikeribel 22:17 ပူးပေါင်းရင်းမြစ်များ

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 13:16

Y yin xtinben chi xkek'iyer ri awijatzul y kan man e ajlatel ta k'a achi'el ri poqolaj kan man jun nitikir najlan.

Wuj Richin ri Rutikeribel 15:5

Y xeri' ri Dios xrelesaj-pe chupan ri rachoch banon rik'in tzieq y k'ari' xubij chire: Katzu'un chikaj y ke'awajlaj la ch'umila' wi yatikir ye'awajlaj. Kela' k'a ruk'iyal ri awijatzul ri xkebek'oje', xcha' chire.

Wuj Richin ri Rutikeribel 17:6

Y xtinben chi xkewinaqir ri awijatzul y kik'in rije' xtinben nima'q taq tzobaj winaqi' y xke'el k'a el rey chikikojol ri awijatzul.

Wuj Richin ri Rutikeribel 24:60

Xkiya' k'a urtisanik pa ruwi' ri Rebeca y xkibij chire: Qach'alal roj, xkatok ta k'a te'ej kichin e 1,000 winaqi' y ri awal-awiy xke'ichinan kan ri tinamit ri ye'etzelan kichin, xecha'.

Wuj Richin ri Rutikeribel 25:11

Chirij ri rukamik ri Abraham, ri Dios xuya' urtisanik pa ruwi' ri Isaac ri ruk'ajol y rija' xk'oje' chiri' rik'in ri pozo ri rubini'an Pozo Richin ri kan K'es y ri Yirutz'et.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Wuj Richin ri Rutikeribel 28:3

Y ri Dios ri nitikir nuben ronojel, jari' ri xturtisan awichin y xtuben k'a chi xkewinaqir ri awijatzul y koma ri awijatzul kan janila chi tinamit xke'el awik'in.

Wuj Richin ri Rutikeribel 28:4

Chawe k'a rat y chuqa' chike ri awijatzul xtuya-wi ri urtisanik ri rusujun kan chire ri Abraham, richin xtok awichin re ruwach'ulew akuchi ojk'o-wi, roma ri Dios kan keri' rusujun kan chire ri Abraham, xcha' ri Isaac chire ri Jacob.

Wuj Richin ri Rutikeribel 32:12

Y rat xabij chuqa' chuwe: Yin janila jebel xtinben chawe y ri awijatzul ri xkebek'oje' kan achi'el ri sanayi' ri k'o chuchi' ri palou ri man jun nitikir najlan kichin, xacha' chuwe, xcha' ri Jacob chire ri Dios.

Wuj Richin ri Rutikeribel 32:13

Y chiri' k'a xk'oje-wi kan ri aq'a' ri', y chiri' xuben-wi ruchojmil ri sipanik richin chi nuya' chire ri Esaú, ri rach'alal. Y ri sipanik ri' kere' rubanik:

2 Sam 17:11

Ninbij k'a, chi konojel ri achi'a' aj-Israel tikimolo-pe-ki' awik'in, ri nitiker-pe pa Dan, ri k'o pa xaman, k'a pa Beerseba ri k'o pa xokon. Kan janila k'a chi achi'a' ri xtikimol-pe-ki' awik'in, ri kajlabal kan achi'el k'a ri sanayi' ri k'o chuchi' ri palou. Y kan ja rat ri xkatik'o-el chiqawech richin yojbe pan oyowal.

1 Rey 4:20

Ri aj-Judá y ri aj-Israel kan e janila k'a chi winaqi', ri kajlabal kan achi'el chik k'a ri sanayi' ri k'o chuchi' ri palou. Rije' kan jebel k'a ri k'aslen kik'uan roma jebel yewa' y ye'uk'ya', y kan janila k'a kikoten k'o kik'in.

1 Rey 9:26

Chuqa' ri rey Salomón xeruben barco pa tinamit Esión-guéber ri k'o junan rik'in ri tinamit Elat chuchi' ri Kaqa-Palou chupan ri ruwach'ulew Edom.

1 Crón 27:23

Toq ri David xerajlaj ri winaqi' israelita, man xerajlaj ta ri man jani k'o juwineq kijuna', roma ri Jehová rusujun chike ri kite-kitata' chi kan yeruwinaqirisaj ri israelita achi'el ri kajlabal ri ch'umila' ri ek'o chikaj.

2 Crón 1:9

Wakami k'a, Jehová Dios tajikiba' k'a ri asujun chire ri nata', roma ja yin ri xinaya' kan rey pa ruwi' re jun tinamit re janila nim, ri kan man e ajlatel ta, achi'el ri poqolaj ri k'o chuwech re ruwach'ulew.

Wuj Richin ri Nehemías 9:23

Rat xaben k'a chi xewinaqir ri kalk'ual achi'el ri ch'umila' ri ek'o chikaj. Xe'ak'uaj k'a pa ruwach'ulew ri xasuj chike ri qati't-qamama', richin chi xkichinaj kan.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Wuj Richin ri Isaías 48:19

Chuqa' ri iwijatzul xewinaqir ta pa ruk'iyal, achi'el rajlabal ri sanayi' ri ek'o chuchi' ri palou. Y yin kan man ta xixink'is.

Wuj Richin ri Jeremías 32:22

Y xaya' re ruwach'ulew re' chike ri qati't-qamama' ri xajikiba' richin naya' chike: Chuwech re ruwach'ulew re' kan janila niwachin ri tiko'n.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Os 2:1

Chupan k'a ri q'ij ri' xtibij k'a chike ri iwach'alal: Rutinamit ri Dios,*f3* y chike ri iwana' xtibij: Ri Kan Xjoyowex Kiwech,*f4* xcha' ri Jehová.

Wuj Richin ri Miqueas 1:9

Ri mak ri k'o chiri' pa Samaria achi'el jun yabil ri xa kan maneq chik raq'omal, y chuqa' xa kan xapon yan k'a pa ruwach'ulew Judá. Y kan xok yan k'a pa Jerusalem.

Romanos 4:13

Ri Dios xubij chire ri Abraham chi xtuya' ri ruwach'ulew pa ruq'a' rija' y chike ri e rijatzul richin nikichinaj. Ri Dios xubij kere' chire ri Abraham roma rija' rukuquban ruk'u'x y man jun rumak xk'ulun chuwech, jak'a man roma ta rubanon ri nubij ri pixa' richin ri Moisés.

Romanos 9:27

Y chiqij roj judío, xch'on-wi ri Isaías ojer kan toq xubij:*f26* Stape' ri qawinaq judío janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xkekolotej.

1 Corintios 15:57

Jak'a matiox chire ri Dios chi xuteq-pe ri qajaw Jesucristo richin xch'akon chirij ronojel re' qoma roj.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Deut 1:11

Ri Jehová ri qa-Dios, ri kichin kan ri qati't-qamama', xtuben ta chiqe chi yojk'iyer pa 1,000 más chuwech ri ojk'o wakami, y kan ta xqojrurtisaj achi'el ri rusujun kan.

Deut 10:22

Toq ri qati't-qamama' xe'apon pan Egipto xaxe e oxk'al lajuj wineq, jak'a re wakami ri Jehová ri qa-Dios xuben chiqe chi janila xojwinaqir achi'el ri kajlabal ri ch'umila' ri ek'o chila' chikaj.

Deut 13:17

Kan man jun k'a tichap chire ri xa kan banon chire chi nik'is jumul, richin keri' ri Jehová xtik'o-qa ri royowal, y xtujoyowaj iwech. Rija' xtujoyowaj iwech y xkixruwinaqirisaj, achi'el xusuj chike ri qati't-qamama',

Deut 13:18

wi rix kan xtinimaj ri rutzij y kan xtitaqej ri rupixa' richin jantape' ri xinya' chiwe wakami, y wi kan choj xtiben chuwech ri Jehová ri qa-Dios.

Deut 21:19

ri te'ej-tata'aj k'o chi nikichirirej-el ri kalk'ual chikiwech ri achi'a' ri k'o kiq'ij chiri' chuchi' ri tinamit.

Hebreos 11:12

Y roma ri' xaxe roma ri Abraham ri kan achi'el chik kamineq xek'oje' janila chi winaqi', kan achi'el ri ch'umila' ri ek'o chikaj, ri kan man jun ri nitikir najlan kichin, y achi'el chuqa' ri sanayi' ri k'o chuchi' ri palou.

Hebreos 6:14

Y xubij k'a chire:*f17* Xkatinwurtisaj pa ruk'iyal y xkek'iyer janila ri awijatzul, xcha' chire.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.