Wuj Richin ri Rutikeribel 22:16 - Kaqchiquel Bible

¹⁶ y xubij: Roma xaben ri xink'utuj chawe richin xajech ta ri juney ak'ajol chuwe, roma ri' kan pa nubi' yin ninya' wi nutzij chawe.

Wuj Richin ri Rutikeribel 22:16 ပူးပေါင်းရင်းမြစ်များ

San Lucas 1:73

Re' kan jare' k'a ri ya'on-tzij ri rubanon rik'in ri Abraham ri ánima qamama'. Ri kan rubin k'a pe chi kan xtuya' chiqe;

Wuj Richin Bix Chire ri Dios 105:9

Re', jare' ri jikibel-tzij ri xuben rik'in ri Abraham, ri ya'on tzij ri xuben rik'in ri Isaac.

Wuj Richin ri Jeremías 51:14

Roma ri' ri Jehová ri k'o ronojel uchuq'a' pa ruq'a' kan nuya' rutzij pa rubi' rija', chi xtuben chi xke'apon e k'iy achi'a' e etzelanel iwichin, ri man jun nitikir ye'ajlan, roma kan janila e k'iy, kan achi'el ri kajlabal ri sak'. Y rije' xtikireq k'a kichi' richin ch'akonik, xkecha'.

Wuj Richin ri Jeremías 49:13

Yin Jehová ninya' nutzij pa nubi-qa yin chi ri tinamit Bosrá xtiwulex kan y xtok kan tz'iran. Ri wineq xtiqaqa itzel pa ruwi' y xtik'oje' k'a kan achi'el jun k'ambel-tzij richin qasanri'il. Y konojel ri rutinamit xkewuluwu' kan richin jantape'.

Wuj Richin ri Isaías 45:23

Y kan pa nubi' yin xinjikiba' nutzij; pa nuchi' k'a yin xel ch'abel richin chojmilal, y man xtintzolij ta wi' chuwij. Xinjikiba' nutzij chi chinuwech yin xkexuke' konojel winaqi', y konojel xtikijikiba' kitzij pa nubi' yin.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Wuj Richin ri Rutikeribel 22:2

Ri Dios xubij chire: Tak'uaj-el la juney ak'ajol Isaac, la janila nawajo' k'a chupan la ruwach'ulew Moria y chiri' xtaporoj-wi richin kamelabel chinuwech yin pa ruwi' ri juyu' akuchi xtinbij chawe, xcha' ri Dios chire.

Wuj Richin ri Rutikeribel 22:12

Y xubij chire: Man takamisaj la ak'ajol y man jun taben chire, y roma man xapoqonaj ta xaya' ri juney ak'ajol pa kamik chuwe, wakami q'alaj chik chinuwech chi rat kan k'o-wi rukiy ri Dios chawech, xcha'.

Wuj Richin ri Rutikeribel 22:15

Ri ángel richin ri Jehová xch'on chik k'a pe rik'in ri Abraham k'a chila' chikaj,

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Rutikeribel 26:5

Roma ri Abraham xuben ri xinbij chire: Xunimaj nutzij, xutaqej ri jalajoj ruwech pixa', ronojel re' pa ruchojmilal xuben, xcha' ri Dios chire ri Isaac.

Ex 2:24

Y ri Dios kan xrak'axaj k'a ri kijiloj rije', y kan k'o k'a chi yeruto' roma keri' ri jikibel-tzij ri rubanon ojer, kik'in ri Abraham, ri Isaac y ri Jacob.

Ex 17:16

Y xubij k'a ri Moisés: Roma ri e rijatzul ri Amalec xkiyek kiq'a' chirij ri q'atbel-tzij richin ri Jehová, roma ri' rija' kan jantape' k'a xtuben labal chikij ri e kijatzul, ri xkepe chi wiq chi tanaj, xcha'.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

Wuj Richin ri Jeremías 22:5

Jak'a wi rix man ninimaj ta re ch'abel re', kan ninbij k'a chi re jay richin q'atbel-tzij kan xtitole' kan. Yin Jehová ri yibin.

Wuj Richin ri Jeremías 44:26

Roma ri' kan tiwak'axaj ri ruch'abel ri Jehová rix ri ixk'o pan Egipto ri ninbij yin chiwe: Kan nuya'on nutzij pa rubi' ri nimalej nubi', chi man xtinatex ta chik ri nubi' wawe' pa ruwach'ulew Egipto koma ri aj-Judá y xtikibij ta: Kan k'es ri Jehová, ri Ajaw.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.