Wuj Richin ri Rutikeribel 22:14 - Kaqchiquel Bible

¹⁴ Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

Wuj Richin ri Rutikeribel 22:14 ပူးပေါင်းရင်းမြစ်များ

Wuj Richin ri Rutikeribel 22:13

K'ari' ri Abraham xtzu'un chirij y xutz'et-apo chi k'o jun achij karne'l ri q'atel ruk'a' pa q'ayis; y k'ari' xberuk'ama-pe ri ti chikop ri xtuporoj y jari' xok pa ruk'exel ri ruk'ajol.

Ex 17:15

Y ri Moisés xupaba-q'anej jun porobel ri chiri' y xukanoj jun rubi'. Y ri rubi' ja ri Jehová ri Achi'el ri Tzieq Richin K'exewach, ri Uk'uayon Qichin.*f8*

Wuj Kichin ri To'onela' 6:24

K'ari' ri Gedeón xupaba-q'anej jun porobel chuwech ri Jehová. Re porobel re' xubini'aj Jehová Richin Uxlanibel-K'u'x, y re porobel re' k'a k'o na chiri' pa tinamit Ofrá, akuchi ek'o-wi ri e rijatzul ri Abiézer.

Wuj Richin ri Rutikeribel 22:8

Y ri Abraham xubij chire: Ja ri Dios xtiya'on-pe ri chikop richin niqaporoj nuk'ajol yin, xcha'. Y kan junan k'a e beneq-el.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Wuj Richin ri Rutikeribel 28:19

Y xubij Betel*f26* chire ri tinamit ri', stape' ri pa nabey rubini'an Luz ri tinamit ri'.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Ez 48:35

Y ri raqen ri tinamit 5,352 jaj pa taq kaji' ruxikin. Y ri tinamit xtubini'aj: Ri Jehová kan wawe' k'o-wi, xcha' ri Jehová.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Wuj Richin ri Rutikeribel 32:30

Y ri Jacob xubij Penuel*f28* chire ri tinamit ri', roma xinwetamaj ruwech ri Dios y k'a in k'es na kan, xcha'.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Wuj Richin ri Miqueas 4:10

Ruk'amon chi keri' yixq'axo y yixjilo; roma rix nuwinaq k'o chi yixel-el re wawe' pa tinamit Jerusalem, y xa xkixbek'oje' pa taq ulew richin tiko'n. Rix xa xkixbe k'a pa Babilonia, y toq ixk'o chik chiri' xkixbekol-pe. K'a chiri' k'a xkixrelesaj chik pe ri Jehová pa kiq'a' ri e etzelanel iwichin.

Wuj Richin ri Rutikeribel 22:15

Ri ángel richin ri Jehová xch'on chik k'a pe rik'in ri Abraham k'a chila' chikaj,

1 Sam 29:10

Roma ri' chua'q nimaq'a' yan, kayakatej rat y ri samajela' ri e peteneq chawij, y kixbiyin, xcha' ri rey Áquis chire.

1 Rey 17:8

K'ari' ri Jehová xch'on chik k'a rik'in ri Elías y xubij chire chi