Wuj Richin ri Rutikeribel 22:12 - Kaqchiquel Bible

¹² Y xubij chire: Man takamisaj la ak'ajol y man jun taben chire, y roma man xapoqonaj ta xaya' ri juney ak'ajol pa kamik chuwe, wakami q'alaj chik chinuwech chi rat kan k'o-wi rukiy ri Dios chawech, xcha'.

Wuj Richin ri Rutikeribel 22:12 ပူးပေါင်းရင်းမြစ်များ

Santiago 2:18

Rik'in juba' k'o ta jun nibin chire jun chik: Rat k'o ri akuqubabel-k'u'x, y yin ninben ri utzilej taq banobel. Tak'utu' k'a chinuwech ri kuqubabel-ak'u'x ri man rik'in ta utzilej taq banobel. Jak'a yin ninbij chawe chi rik'in ri ninben ri utzilej taq banobel, yitikir nink'ut chi qitzij kuqul nuk'u'x rik'in ri Dios.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

1 Corintios 10:13

Y toq k'o jun tejtobenik nipe pa qak'aslen, man tiqabij chi xaxe roj ri yojk'uluwachin keri', roma konojel keri' nikik'uluwachij. Jak'a ri Dios kan ruya'on rutzij chi kan yojruto-wi, y man nuya' ta q'ij chi nik'o ruwi' ralal ri tejtobenik ri'. Jak'a nuya' chiqe ri uchuq'a' chi yojtikir yojik'o chupan ronojel.

San Mateo 19:29

Xabachike wineq ri woma yin ruya'on kan rachoch, rach'alal, rute-rutata', [rixjayil],*f27* ralk'ual o rulew, ri xtibanon keri' kan xtuk'ul pa ruk'iyal ri urtisanik y kan xtik'oje' ruk'aslen richin q'asen.

Wuj Richin ri Molojri'il 12:13

Wakami kan tawak'axaj y tawetamaj k'a ri achike nuk'atzinej-wi re jun wuj re': Kan tawetamaj k'a nik'oje' rukiy ri Dios chawech y tabana' ri nubij ri rupixa', roma kan jare' ri achike roma toq ri wineq k'o chuwech re ruwach'ulew.

Wuj Richin ri Rutikeribel 26:5

Roma ri Abraham xuben ri xinbij chire: Xunimaj nutzij, xutaqej ri jalajoj ruwech pixa', ronojel re' pa ruchojmilal xuben, xcha' ri Dios chire ri Isaac.

Wuj Richin ri Rutikeribel 22:2

Ri Dios xubij chire: Tak'uaj-el la juney ak'ajol Isaac, la janila nawajo' k'a chupan la ruwach'ulew Moria y chiri' xtaporoj-wi richin kamelabel chinuwech yin pa ruwi' ri juyu' akuchi xtinbij chawe, xcha' ri Dios chire.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

Wuj Richin Bix Chire ri Dios 147:11

Ri Jehová nikikot kik'in ri winaqi' ri k'o rukiy chikiwech, kik'in ri koyoben ri rutzil rija'.

Wuj Richin Bix Chire ri Dios 25:12

Ri nikixibij-ki' chawech kan xtiketamaj ri bey ri k'o chi nikik'uaj.

Romanos 5:8

Jak'a ri Cristo xken qoma roj, stape' oj aj-maki'. Y rik'in ri', ri Dios xuk'ut chiqawech ri rajowabal.

2 Corintios 8:12

Roma wi xa kan ja ri pan iwánima xalex-wi-pe ri rayibel ri', ri Dios kan nuk'ul-wi chiwech ri xa janipe' ok ri yixtikir niya', roma rija' man nroyobej ta chi k'iy niya', y xa man k'iy ta ri k'o iwik'in.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

Wuj Richin Etamabel-Tzij 1:7

Ri wineq ri kan k'o rukiy ri Dios chuwech, chiri' k'a xtipe-wi ronojel ri runa'oj ri nik'atzin chire. Jak'a ri wineq nakanik kan nrixowaj ri na'oj y ri tijonik.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Ex 20:20

Y ri Moisés xubij k'a chike ri winaqi': Man tixibij-iwi', roma ri Dios xpe richin yixrutejtobej. Re xibinri'il re' kan xtik'oje' k'a chi'ik'u'x y xtuben chiwe chi niya' ruq'ij-ruk'ojlen, richin chi man yixmakun ta chik chuwech, xcha' ri Moisés chike.

San Mateo 16:24

K'ari' xubij k'a chike konojel ri rutijoxela': Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Wuj Richin ri Nehemías 5:15

Jak'a ri e nabey aj-raqen chinuwech yin xekiya' kan pa k'ayew ri tinamit, roma kan q'ij-q'ij xkik'utuj waqlajuj onza saqipueq, y pa ruwi' ri' xkik'utuj kiway y ki-vino. Keri' chuqa' ri kisamajela' kan k'ayew xkiben chike ri qawinaq. Jak'a yin man keri' ta xinben, roma chinuwech yin, ri nu-Dios kan yalan-wi nim y janila rejqalen.

Wuj Richin ri Rutikeribel 20:11

Y ri Abraham xubij: Yin xinch'ob-qa chi re wawe' chupan re tinamit re' maneq rukiy ri Dios chikiwech, y xkinkikamisaj, roma ri wixjayil.

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

Wuj Richin Bix Chire ri Dios 2:11

Tik'oje' k'a rukiy ri Dios chiwech toq nisamajij, kixkikot k'a rik'in qasanri'il.

Wuj Richin Bix Chire ri Dios 1:6

Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

Wuj Richin ri Achin Job 5:19

Ronojel mul xkarukol chuwech ri ruk'ayewal, y man xtuya' ta q'ij chi ri etzelal xtapon awik'in.

Hebreos 11:19

Ri Abraham kan retaman k'a chi ri Dios k'o uchuq'a' rik'in richin nuk'asoj-pe ri ruk'ajol stape' chikikojol chik ri kaminaqi'. Roma ri' kan xuk'ul chik ri ruk'ajol y keri' ri banobel ri' k'o ri xuk'exewachuj.

Wuj Richin ri Rutikeribel 42:18

y pa rox q'ij ri José xubij chike: Yin tikirel ta yixinkamisaj y roma ninxibij-wi' chuwech ri Dios man ninben ta keri'; roma ri' kan xkixk'ase', xaxe tibana' ri xtinbij chiwe.

Apocalipsis 19:5

Y jari' toq kan k'o jun ri xbech'on-pe akuchi k'o-wi ri tz'uyubel xubij: Kan tiya' ruq'ij ri Dios chi'iwonojel rix ri ix rusamajela', ri k'o rukiy ri Dios chiwech, chi ch'uti'q chi nima'q, xcha'.

Wuj Richin ri Rutikeribel 22:13

K'ari' ri Abraham xtzu'un chirij y xutz'et-apo chi k'o jun achij karne'l ri q'atel ruk'a' pa q'ayis; y k'ari' xberuk'ama-pe ri ti chikop ri xtuporoj y jari' xok pa ruk'exel ri ruk'ajol.

Wuj Richin ri Rutikeribel 22:16

y xubij: Roma xaben ri xink'utuj chawe richin xajech ta ri juney ak'ajol chuwe, roma ri' kan pa nubi' yin ninya' wi nutzij chawe.

Wuj Richin ri Achin Job 1:1

K'o k'a jun achin ri chiri' pa jun ruwach'ulew rubini'an Us, ri rubini'an Job. Re achin re' kan janila k'a choj ri ruk'aslen y kan man jun achike ta itzel nilitej chirij. Kan janila k'a rukiy ri Dios chuwech, y kan ruch'aron-ri' chire ri itzel taq banobel.