Wuj Richin ri Rutikeribel 21:8 - Kaqchiquel Bible

⁸ Y xapon k'a ri q'ij chi ri Isaac k'o chi nel rutz'um y roma ri' ri Abraham xuben jun nimalej wa'in chupan ri q'ij ri'.

Wuj Richin ri Rutikeribel 21:8 ပူးပေါင်းရင်းမြစ်များ

Wuj Richin ri Rutikeribel 19:3

Jak'a ri Lot janila xuk'utuj chike richin yebe chirij pa rachoch y rije' xkinimaj rutzij. Y rija' xuben jun nimaq'ij kichin rije' y xuben kaxlan-wey ri maneq ch'amilej-q'or rik'in; y rije' xewa' k'a jebel.

Wuj Richin ri Rutikeribel 21:7

Y ri Sara xubij chuqa': ¿Achike ta k'a xbin chi ri Abraham kan xtik'oje' ta jun ralk'ual wik'in? Roma stape' pa qarijixinen, xk'oje' na jun qalk'ual, xcha'.

Wuj Richin ri Rutikeribel 21:9

Y ri Sara xutz'et k'a chi ri jun chik ralk'ual ri Abraham ri xk'oje' rik'in ri Agar ri aj-Egipto janila nitze'en chirij ri Isaac.

Wuj Richin ri Rutikeribel 26:30

K'ari' ri Isaac xuben jun nima-wa'in; y k'ari' xewa-xe'uk'ya' y xkiq'axaj k'a ri aq'a' chiri'.

Wuj Richin ri Rutikeribel 29:22

Y ri Labán xerumol k'a konojel ri winaqi' ri ek'o chupan ri tinamit ri' y xuben jun nimaq'ij roma ri k'ulubik.

Wuj Richin ri Rutikeribel 40:20

Y pa rox q'ij, ri rey xtz'aqet chik k'a jun rujuna' y rija' xuben jun nimalej wa'in kichin konojel ri rusamajela' ri nima'q kiq'ij. Chikiwech k'a konojel ri e royon toq xuteq kik'amik ri e ka'i' aj-raqen ri', ri e tz'apel pa cárcel.

2 Sam 3:20

Y ri Abner xapon k'a rik'in ri David chiri' pan Hebrón, y e rachibilan-el e juwineq achi'a'. Y ri David xuben k'a jun nimalej wa'in roma xapon ri Abner.

1 Rey 3:15

Toq xuna' ruwech ri Salomón, jari' toq xunabej chi jun achik' ri xuben. Y toq xtzolej pa Jerusalem xapon akuchi k'o-wi ri káxa richin ri rujikibel-tzij ri Jehová, y xusuj k'iy kamelabel ri yeporox jumul, y chuqa' xusuj sipanik richin nuq'alajirisaj chi junan ruwech rik'in ri Dios. Y xuben k'a jun nima-wa'in kik'in konojel ri e tata'al chupan ri rajawaren.

Ester 1:3

Y xbanatej k'a, chi chupan ri rox juna' richin ri ruq'atbal-tzij, chi xuben jun nimalej nimaq'ij chike konojel ri e tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew.

Wuj Richin Bix Chire ri Dios 131:2

Pa ruk'exel keri', xan kan man yiq'ajan ta k'a y jun ink'o-wi. Kan nubanon k'a achi'el jun ak'ual ri k'a juba' titz'uman kan. Kan ch'u'ul k'a ri wánima achi'el ri ak'ual ri k'a juba' titz'uman kan rik'in ri rute'.

Os 1:8

Toq ri wixjayil xrelesaj rutz'um ri ak'ual ri rubini'an: Man Jun Xtijoyowan ruwech, xyawej chik k'a kan jun bey y xk'oje' jun chik ti ral ala'.

Wuj Kichin ri To'onela' 14:10

Toq ek'o chik chiri' pa Timná, ri Sansón y ri rutata' xebe-apo ri akuchi k'o-wi ri xten, y ri Sansón xuben jun nimaq'ij kik'in; roma kan keri' nikiben ri alaboni' chiri'.

Wuj Kichin ri To'onela' 14:12

Y ri Sansón xubij chike ri e juwineq lajuj alaboni' ri': Yin k'o jun ri ninwajo' nink'utuj chiwe, y ninwajo' chi rix nibij chuwe ri nik'ulun-wi. Wi yixtikir nibij chuwe ri achike nel chi tzij rokik najin re wuqu' q'ij nimaq'ij, yin kan xtinya' k'a chiwe chi'ijujunal jujun jal tzieq ri banon rik'in lino y chuqa' jujun jal tzieq richin nimaq'ij.

1 Sam 1:22

Jak'a ri Ana man xbe ta q'anej kik'in, xa xubij k'a chire ri rachijil: Yin man yibe ta chiwij roma xa k'a xtinwelesaj na rutz'um ri ak'ual, k'ari' xkibe, richin xtink'uaj-el y ninjech pa ruq'a' ri Jehová, y xtik'oje' kan chiri' jumul, xcha' rija'.

1 Sam 1:24

Y toq xrelesaj yan k'a rutz'um ri ak'ual, ri Ana xuk'uaj-el pa rachoch ri Jehová chiri' pa Siló, stape' ri Samuel kan k'a janila ti ko'ol ok. Chuqa' xuk'uaj-el jun achij wákix ri k'o oxi' rujuna'*f2* y xuk'uaj chuqa' más juba' ka'i' arroba k'ej ri man chayun ta, y jun tz'um nojineq chi vino.

1 Sam 25:36

K'ari' ri Abigail xtzolin-el y toq xapon chirachoch, ri Nabal najin chubanik jun nimaq'ij achi'el nikiben ri rey. Y roma ri ruq'abarik kan janila nikikot ri ránima y roma ri' chupan ri q'ij ri', ri Abigail man jun xubij chire k'a ja toq xseqer-q'anej ri ruka'n q'ij.