Wuj Richin ri Rutikeribel 21:7 - Kaqchiquel Bible

⁷ Y ri Sara xubij chuqa': ¿Achike ta k'a xbin chi ri Abraham kan xtik'oje' ta jun ralk'ual wik'in? Roma stape' pa qarijixinen, xk'oje' na jun qalk'ual, xcha'.

Wuj Richin ri Rutikeribel 21:7 ပူးပေါင်းရင်းမြစ်များ

Wuj Richin ri Isaías 66:8

¿Achike kami chiwe rix rak'axan re banobel re'? ¿Achike kami chiwe rix tz'eteyon re jun na'oj re'? ¿Nitz'ukutej kami jun ajawaren pa jun q'ij? ¿Nitz'ukutej kami jun tzobaj winaqi' richin jun ruwach'ulew pa jun ti ramaj? Jak'a ri Sión xe'alex taq ral toq man jani tunabej ri ruq'axo'n.

2 Tesalonicenses 1:10

Ronojel re' xtibanatej chupan ri q'ij toq xtipe ri ajaw, richin xtuk'ul ruq'ij-ruk'ojlen koma ri loq'olej e richin rija' y xtikimey janila. Rix chuqa' xtiben kere' roma kan xinimaj ri ruch'abel ri Dios ri xqabij chiwe.

Efesios 3:10

Ri Dios nrajo' k'a chi ri ángel y ri ch'aqa' chik ri k'o uchuq'a' kik'in ri ek'o chila' chikaj tikitz'eta' ri utzil ri nuben qik'in roj ri qakuquban qak'u'x rik'in. Y keri' tiketamaj k'a chi ri Dios janila k'iy na'oj k'o rik'in.

Wuj Richin ri Q'axanri'il 23:23

Chirij ri Jacob man jun ri nitikir, man jun itzinik ri nik'atzin. Wakami xa ruk'amon chi nibix chikij: Titzu' k'a rix winaqi' ri rubanon ri Dios kik'in rije'.

Wuj Richin Bix Chire ri Dios 86:10

Roma rat kan janila at nim, y kan ye'abanala' nima'q taq banobel. ¡Kan xaxe rat ri at Dios!

Wuj Richin Bix Chire ri Dios 86:8

Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.

Wuj Richin ri Isaías 49:21

Jari' toq rix xtibij-qa pan iwánima: ¿Achike k'a xeya'on chiqe konojel re winaqi' re'? Roma roj xa e maneq qalk'ual, y man jun bey chik xke'alex qalk'ual. ¿Achike kami xek'iytisan kichin? Roma roj xa kan xqayonij kan, y man qetaman ta akuchi e peteneq-wi, xkixcha'.

Wuj Richin ri Rutikeribel 17:17

Ri Abraham xuqasaj chik qa ri' k'a pan ulew, roma ri xubij ri Dios, rija' xtze'en y xubij-qa pa ránima: ¿Ek'o kami k'a achi'a' ri wok'al chik kijuna' ri nik'oje' ta kalk'ual? ¿Y k'o kami jun ixoq achi'el ri Sara ri jumuch' lajuj chik rujuna' ri nalex ta jun ti ral?, xcha-qa.

Wuj Richin ri Rutikeribel 18:13

Y jari' toq ri Jehová xubij chire ri Abraham: ¿Achike roma ri Sara xa xtze'en ri chiri' pa jay y xubij-qa pa ránima, chi man nunimaj ta chi xtibek'oje' jun ral, roma xa janila chik ri'j?

Wuj Richin ri Rutikeribel 21:8

Y xapon k'a ri q'ij chi ri Isaac k'o chi nel rutz'um y roma ri' ri Abraham xuben jun nimalej wa'in chupan ri q'ij ri'.

Wuj Richin ri Jeremías 20:15

¡Itzel ruwa-ruq'ij ri xbanon chire ri nata' chi xkikot roma xya'ox rutzijol chire chi xinalex yin!

1 Rey 3:21

Y toq xseqer-pe y xiyakatej-q'anej richin ninya' rutz'um ri ti wal, jari' toq xintz'et chi xa kamineq chik, y xintz'et chi re ak'ual re' man ja ta re' ri ti wal yin, xcha' ri ixoq.

1 Rey 11:20

Toq e k'ulan chik, re ixoq re' xk'oje' jun ti ral rik'in ri Hadad y xubini'aj Guenubat. Y toq xelesex rutz'um ri ak'ual, ri Tahpenés xuk'uaj ri ak'ual chiri' pa rachoch ri rey, y chiri' xk'iy-wi junan kik'in ri ralk'ual ri rey.