Wuj Richin ri Rutikeribel 21:6 - Kaqchiquel Bible

⁶ Y ri Sara xubij k'a: Ja ri Dios xbanon richin yin xitze'en roma kikoten y konojel k'a ri xtiketamaj chi yin xk'oje' jun ti wal xketze'en chuqa' wik'in.

Wuj Richin ri Rutikeribel 21:6 ပူးပေါင်းရင်းမြစ်များ

Wuj Richin ri Isaías 54:1

Ri Jehová nubij: Kan kixkikot k'a rix ixoqi' ri man jun bey xixyawej kan chirij jun ak'ual. Rix ri man xek'oje' ta iwal, kan kixbixan rik'in kikoten, roma rix ri ix malin kan, kan xkek'oje' más e k'iy iwal chikiwech ri ixoqi' ri ek'o chik kal.

Wuj Richin Bix Chire ri Dios 126:2

Kan xojtze'en k'a, y xojsik'in roma kikoten. Kan xqabixaj bix richin xojkikot. Jari' toq ri man nikitzeqelibej ta ri Dios xkibij; Ri Jehová kan xuben nima'q taq banobel kik'in re winaqi' re', xecha'.

Wuj Richin ri Rutikeribel 17:17

Ri Abraham xuqasaj chik qa ri' k'a pan ulew, roma ri xubij ri Dios, rija' xtze'en y xubij-qa pa ránima: ¿Ek'o kami k'a achi'a' ri wok'al chik kijuna' ri nik'oje' ta kalk'ual? ¿Y k'o kami jun ixoq achi'el ri Sara ri jumuch' lajuj chik rujuna' ri nalex ta jun ti ral?, xcha-qa.

San Lucas 1:58

Toq ri e rachk'uljay y ri e rach'alal xkak'axaj chi ri Dios xuya' ri rutzil pa ruwi' y xujoyowaj ruwech, kan janila xekikot rik'in.

San Lucas 1:14

Re ak'ual re' xtuk'en-pe janila kikoten chawe rat y chike janila chi winaqi'.

Wuj Richin ri Isaías 49:21

Jari' toq rix xtibij-qa pan iwánima: ¿Achike k'a xeya'on chiqe konojel re winaqi' re'? Roma roj xa e maneq qalk'ual, y man jun bey chik xke'alex qalk'ual. ¿Achike kami xek'iytisan kichin? Roma roj xa kan xqayonij kan, y man qetaman ta akuchi e peteneq-wi, xkixcha'.

Wuj Richin Bix Chire ri Dios 113:9

Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch. Chuqa' nuben chi yek'oje' kal, y yekikot. Kan tinimirisex k'a ruq'ij ri Jehová.

Romanos 12:15

Kixkikot kik'in ri yekikot, y kixoq' kik'in ri ye'oq'.

Hebreos 11:11

Roma ri kuqubabel-k'u'x, chuqa' ri Sara ri man alanel ta xuk'ul uchuq'a' richin nalex jun ral. Kan xalex na wi ri ral stape' k'a pa rurijixinen, roma rija' kan xukuquba' ruk'u'x chi ri Dios kan nuben wi ri nusuj.

1 Sam 1:26

Ri Ana xubij chire ri Elí: Táta, noqaqa chi'ak'u'x in achike yin, roma ja yin ri' ri ixoq ri xik'oje' chi'anaqaj ri k'o yan chik juna' ri', toq xipe re wawe' richin xich'on rik'in ri Jehová.

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Wuj Richin ri Jeremías 20:15

¡Itzel ruwa-ruq'ij ri xbanon chire ri nata' chi xkikot roma xya'ox rutzijol chire chi xinalex yin!