Wuj Richin ri Rutikeribel 21:4 - Kaqchiquel Bible

⁴ Y rija' xuqupij k'a ri Isaac richin jun retal, toq k'o waqxaqi' ruq'ij achi'el rubin kan ri Dios chire.

Wuj Richin ri Rutikeribel 21:4 ပူးပေါင်းရင်းမြစ်များ

Hechos 7:8

Rija' kan xuben k'a chuqa' jun jikibel-tzij rik'in ri Abraham. Ri jikibel-tzij ri' kan k'o k'a jun retal pa kich'akul ri achi'a'.*f16* Toq ri Isaac xalex, ri Abraham kan xuben k'a ri retal chire toq xa k'ari' waqxaqi' ruq'ij. Keri' chuqa' xuben ri Isaac toq xalex ri Jacob ri ruk'ajol. Y ja chuqa' xuben ri Jacob kik'in ri e kablajuj ruk'ajol ri xe'ok tata'aj richin re qatinamit Israel.

San Lucas 2:21

Toq xtz'aqet waqxaqi' q'ij talex ri ti ak'ual, jari' toq xqupix richin jun retal,*f4* y Jesús ri rubi' xkiya', kan achi'el ri bi'aj ri xubij ri ángel chire ri María toq k'a man jani tiyawej kan chirij ri ak'ual.

San Lucas 1:59

Toq ri ak'ual xtz'aqet waqxaqi' q'ij chi talex, xkik'uaj k'a richin chi niqupix richin jun retal,*f3* y Zacarías k'a ri rubi' ri xkajo' xkiya' chire ri ak'ual, roma keri' rubi' ri rutata'.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Wuj Richin ri Chojmirisabelri'il 12:3

Y toq ri ak'ual k'o waqxaqi' ruq'ij, nik'atzin chi niban ri retal chi rija' kan jun israelita-wi.*f3*

Ex 12:48

Y wi k'o ta jun achin ri xa man iwinaq ta y nrajo' ninimaq'ijun junan iwik'in, kan konojel k'a ri achi'a' ri ek'o pa rachoch k'o chi yequpix richin jun retal, richin utz ninimaq'ijun iwik'in. Y ri wineq ri' kan xtok k'a achi'el xa ta alaxineq chi'ikojol. Roma kan man jun ri xa man qupin ta richin k'o retal, ri nitikir ta ninimaq'ijun junan iwik'in.