Wuj Richin ri Rutikeribel 21:23 - Kaqchiquel Bible

²³ Wakami k'a tajikiba' ri atzij chinuwech yin y chuwech ri Dios richin man ta jun xtach'ob chi naben ta chuwe yin, ni ta chike ri walk'ual y ni ta chike ri wiy-mam. Kan ta achi'el ri utzil ri xinben chawe yin, kan ta keri' ri rajel ruk'exel ri naben wik'in yin y kik'in konojel re winaqi' re e richin re ruwach'ulew re', re akuchi xatoqaqa-wi, xcha' ri Abimélec chire ri Abraham.

Wuj Richin ri Rutikeribel 21:23 ပူးပေါင်းရင်းမြစ်များ

Wuj Richin ri Josúe 2:12

Wakami k'a nink'utuj k'a jun nimalej utzil chiwe, richin chi niya' itzij chuwe, pa rubi' ri Jehová ri i-Dios richin achi'el k'a yin xinjoyowaj iwech, keri' chuqa' xtiben pa kiwi' konojel ri aj pa wachoch y kan xtiya' jun retal chuwe chi kan jujik chi xtiben.

Wuj Richin ri Rutikeribel 20:14

K'ari' ri Abimélec xuya-el chire ri Abraham kokoj y nima'q taq rawej, y xeruya-el rusamajela' ri e yuqul pa samaj rik'in, chi achi'a' chi ixoqi' y xujech chuqa' el ri Sara, ri rixjayil.

Hebreos 6:16

Ri winaqi', nikiya' kitzij pa rubi' jun ri más nim chikiwech rije' y rik'in ri' kenimex y man jun chik tibix chike.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

1 Sam 30:15

Y ri David xuk'utuj chire: ¿Yatikir rat yinak'uaj chiri' akuchi ek'o-wi ri achi'a' ri'?, xcha'. Y rija' xubij: Tajikiba-atzij chuwech ri Dios chi wi man yinakamisaj ta ni man yinajech ta pa ruq'a' ri wajaw, yin xkatink'uaj kik'in rije', xcha'.

1 Sam 20:42

K'ari' ri Jonatán xubij chire: Kabiyin k'a rik'in uxlanibel-k'u'x roma chi oj ka'i' xqaya' yan qatzij pa rubi' ri Jehová. Ja ri Jehová ri xtik'oje' awik'in rat y xtik'oje' wik'in yin. Y kan ja rija' xtik'oje' kik'in ri awijatzul rat y keri' chuqa' kik'in ri e wijatzul yin, xcha'. Xbe k'a ri David, y ri Jonatán xtzolej kan pa tinamit.

1 Sam 20:17

K'ari' ri Jonatán xuya' chik jun bey rutzij chuwech ri David, roma kan janila nrajo', achi'el nrajo-qa-ri' rija'.

1 Sam 20:13

Jak'a wi ri nata' xa itzel ruch'obonik, kan ja ri Jehová xtiya'on ruk'ayewal pa nuwi' yin wi man xtinbij ta chawe, richin rat yabe rik'in uxlanibel-k'u'x. Y ja ri Jehová xtik'oje' awik'in achi'el xk'oje' rik'in ri nata'.

Deut 6:13

Kan tiya' k'a ruq'ij ri Jehová ri qa-Dios y kan tisamajij xaxe rija'. Toq rix niya' itzij, tibana' kan xaxe pa rubi' rija'.

Wuj Richin ri Rutikeribel 31:53

Ja ri ki-Dios ri amama' ri Abraham y ri Nacor xtiq'aton-tzij pa qawi' roj oj ka'i', xcha' ri Labán. Y ri Jacob xujikiba-rutzij chuwech ri ki-Dios ri rutata' y ru-Dios chuqa' rija'.

Wuj Richin ri Rutikeribel 31:44

Roma ri' tiqabana' jun jikibel-tzij chiqakojol roj oj ka'i', y re' xtik'atzin richin q'alajirisabel richin ri tununri'il, xcha' ri Labán.

Wuj Richin ri Rutikeribel 26:28

Y rije' xkibij: Xqatz'et yan chi ri Jehová kan k'o-wi awik'in y qach'obon-pe chi tijunamatej-qawech y tiqabana' jun jikibel-tzij.

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

Wuj Richin ri Rutikeribel 21:24

Y ri Abraham xubij: Ja', ninya' nutzij, xcha'.

Wuj Richin ri Rutikeribel 47:31

Y ri rutata' xubij k'a chire chi tujikiba-rutzij chuwech chi kan xtuben ri xubij. Y ri José kan xujikiba' k'a rutzij y ri Jacob xumatioxij y k'ari' xraq'e-qa chirij ri ruch'at.

Wuj Richin ri Rutikeribel 39:3

Y ri rajaw kan xunabej chi ri Jehová kan k'o-wi rik'in ri José, roma ronojel ri nuben rija', ri Dios kan nuben chire chi kan utz nel chuwech.