Wuj Richin ri Rutikeribel 21:22 - Kaqchiquel Bible

²² Y rokik ri' chuqa' kere' ri xk'uluwachitej: Ri Abimélec y ri Ficol ri tata'al kichin ri aj-labal xkibij chire ri Abraham: Rik'in ronojel ri ye'aben, kan q'alaj-wi chi ri Dios kan k'o-wi awik'in.

Wuj Richin ri Rutikeribel 21:22 ပူးပေါင်းရင်းမြစ်များ

Wuj Richin ri Rutikeribel 26:26

Y ri Abimélec rachibilan-el ri Ahuzat ri rupixabanel y ri Ficol ri aj-raqen kichin ri aj-labal, xe'el-pe pa tinamit Guerar richin chi xebetzijon rik'in ri Isaac.

Wuj Richin ri Josúe 3:7

K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat.

Wuj Richin ri Rutikeribel 26:28

Y rije' xkibij: Xqatz'et yan chi ri Jehová kan k'o-wi awik'in y qach'obon-pe chi tijunamatej-qawech y tiqabana' jun jikibel-tzij.

Wuj Richin ri Rutikeribel 20:2

Y toq k'o chik qa chiri', ri Abraham, xubij chi ri Sara ri rixjayil xa rana', y ri Abimélec ri rey richin Guerar, xuteq ruk'amik ri Sara richin nok rixjayil.

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

1 Corintios 14:25

K'ari' k'a ye'el-pe chuwa-saqil ronojel ri k'o pa kánima. Roma ri' rije' xa kan jari' xkexuke-qa richin nikiqasaj-ki' y nikiya' ruq'ij ri Dios, y xtikibij chi kan qitzij wi chi k'o ri Dios chi'ikojol.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Apocalipsis 3:9

Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Wuj Richin ri Zacarías 8:23

Chupan ri q'ij ri', xtibebanatej k'a chi e lajuj achi'a' ri kepe pa ch'aqa' chik ruwach'ulew, xtikichop chi rutziaq jun iwinaq, y xtikibij k'a chire: Taya' q'ij chiqe richin yojbe awik'in, roma qak'axan chi iwik'in rix k'o-wi ri Jehová, xkecha'. Jare' ri rutzijol ri xuya' ri Dios.

Wuj Richin ri Isaías 45:14

Yin Jehová kere' ninbij chiwe rix israelita: Ronojel ri kitiko'n ri aj-Egipto y ri kich'akoj ri aj-Etiopía, xtok iwichin rix. Chuqa' ri winaqi' aj-Sebá xkeq'ax pan iq'a' rix. Stape' rije' janila nima'q kipalen, konojel xke'ok iwichin. Rije' kan xketzeqe' k'a el eqal chiwij, roma e ximon-el rik'in cadena. Chuqa' kan xkexuke' k'a chiwech, y kan xtikik'utuj utzil chiwe roma ja rix ri ix kajaw rije'. Y k'ari' xtikibij chi ja yin ri in qitzij Dios, ri ink'o iwik'in rix, y kan man jun chik achi'el yin, ncha' ri Dios.

2 Crón 1:1

Ri Salomón, ri ruk'ajol kan ri David, xjikibex k'a chupan ri ruq'atbal-tzij y ri Jehová Dios kan k'o-wi rik'in y kan janila k'a xunimirisaj ruq'ij.

Wuj Richin ri Rutikeribel 30:27

Jak'a ri Labán xubij chire: Nink'utuj utzil chawe richin kak'oje' wik'in, roma kan xya'ox jun retal chuwe, chi awoma rat, ri Jehová ruya'on urtisanik pa nuwi'.

Wuj Richin ri Rutikeribel 20:17

Roma ri' ri Jehová kan xuben k'a chike konojel ixoqi' ri ek'o chiri' chi man xk'oje' ta chik kal, roma ri Abimélec xuk'en-qa ri Sara. Y k'a ja toq xch'on na ri Abraham rik'in ri Dios pa ruwi', k'ari' ri Abimélec y ri rixjayil xek'oje' chik kalk'ual y konojel ri rusamajela' e ixoqi' xek'oje' chik kal.

Wuj Richin ri Rutikeribel 28:15

Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.

Wuj Richin ri Rutikeribel 20:14

K'ari' ri Abimélec xuya-el chire ri Abraham kokoj y nima'q taq rawej, y xeruya-el rusamajela' ri e yuqul pa samaj rik'in, chi achi'a' chi ixoqi' y xujech chuqa' el ri Sara, ri rixjayil.

Wuj Richin ri Rutikeribel 31:5

Y xubij chike: Yin nintz'et chi ri itata' xujel runa'oj y man junan ta chik rik'in ri rubanon kan, jak'a ri ru-Dios ri nata' xa man in rumalin ta kan, kan k'o-wi-pe wik'in.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.

2 Sam 24:7

K'ari' xe'apon pa tinamit Tiro, y xekajlaj janipe' aj-labal ek'o ri akuchi ek'o-wi-qa. Chirij ri' xebe chik y xe'apon pa taq kitinamit ri winaqi' hitita y ri cananeo, y xebe pa xokon chire ri Judá k'a pa tinamit Beerseba.

1 Sam 24:22

Y ri David kan xuya' k'a rutzij chuwech ri Saúl. Y k'ari' ri Saúl xbe pa rachoch. Jak'a ri David y ri achi'a' xetzolej chik kan chupan ri jul akuchi nikewaj-wi-ki'.