Wuj Richin ri Rutikeribel 21:2 - Kaqchiquel Bible

² Ri Sara xyawej k'a chirij ak'ual y kan k'a pa rurijixinen k'a xuya' jun ralk'ual ri Abraham; y re ak'ual re' kan xalex k'a chupan ri q'ij ri rubin kan ri Dios.

Wuj Richin ri Rutikeribel 21:2 ပူးပေါင်းရင်းမြစ်များ

Hebreos 11:11

Roma ri kuqubabel-k'u'x, chuqa' ri Sara ri man alanel ta xuk'ul uchuq'a' richin nalex jun ral. Kan xalex na wi ri ral stape' k'a pa rurijixinen, roma rija' kan xukuquba' ruk'u'x chi ri Dios kan nuben wi ri nusuj.

Gálatas 4:22

Roma tz'ibatajineq kan chi ri Abraham xek'oje' e ka'i' ruk'ajol. Ri jun ruk'ajol xk'oje' rik'in ri Agar ri loq'on aj-ik'. Y ri jun chik ruk'ajol xk'oje' rik'in ri rixjayil ri kan totajineq chik.

Hechos 7:8

Rija' kan xuben k'a chuqa' jun jikibel-tzij rik'in ri Abraham. Ri jikibel-tzij ri' kan k'o k'a jun retal pa kich'akul ri achi'a'.*f16* Toq ri Isaac xalex, ri Abraham kan xuben k'a ri retal chire toq xa k'ari' waqxaqi' ruq'ij. Keri' chuqa' xuben ri Isaac toq xalex ri Jacob ri ruk'ajol. Y ja chuqa' xuben ri Jacob kik'in ri e kablajuj ruk'ajol ri xe'ok tata'aj richin re qatinamit Israel.

San Lucas 1:36

Chuqa' kan tawetamaj k'a kan, chi ri Elisabet ri awach'alal xtibe'alex jun ak'ual rik'in, stape' man alanel ta y chuqa' kan ri'j chik. Wakami k'o yan chik waqi' ik' ri' ri royoben-pe jun ak'ual.

Wuj Richin ri Rutikeribel 18:14

¿Kan k'o kami k'a jun ri man ta yitikir ninben yin? Man keri' ta. Y roma ri' ri juna' apo xkinoqaqa chik awik'in, y jari' toq ri Sara xalex yan ri ti ral chiri', xcha' chire.

Wuj Richin ri Rutikeribel 18:10

Y jun chike rije' xubij: Ke taq wa juna' apo xkipe chik awik'in y jari' toq ri awixjayil k'o chik jun ti ral, xcha'. Rokik ri' ri Sara ruya'on ruxikin chirij ri ruchi-jay ri k'o-pe chirij ri Abraham.

Wuj Richin ri Rutikeribel 17:19

Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.

Wuj Richin ri Rutikeribel 17:21

Jak'a ri nujikibel-tzij kan xtibebanatej rik'in ri Isaac ri xtibe'alex rik'in ri Sara ke taq wa juna' apo, xcha' ri Dios chire.

Romanos 9:9

Toqaqa chi'ik'u'x ri xubij chik ri Dios chire ri Abraham:*f17* Xkipe chik iwik'in kewa' juna', roma ri Sara ri awixjayil xtik'oje' jun ti ral ala', xcha'.

Wuj Richin ri Josúe 24:3

Y yin xink'en-pe ri itata' Abraham re juk'an chik chire ri raqen-ya' y xinben chire chi xbe juba' kela', y juba' kela' chupan re ruwach'ulew Canaán, y yin xinben chi janila xk'iyer ri rijatzul roma ri Isaac.