Wuj Richin ri Rutikeribel 21:16 - Kaqchiquel Bible

¹⁶ K'ari' rija' xbek'oje-pe pa jun la'eq oxi' raqen k'an, roma man nrajo' ta nutz'et toq niken ri ral. Y k'ari' ri Agar xsik'in-q'anej chi oq'ej.

Wuj Richin ri Rutikeribel 21:16 ပူးပေါင်းရင်းမြစ်များ

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Ester 8:6

Y wakami, ¿achike xtinben yin richin xtinkoch' ronojel ri ruk'ayewal ri xtipe chikij ri nuwinaq, roma xkek'is k'a konojel rije'?, xcha'.

1 Rey 3:26

K'ari' jun chike ri ixoqi' xubij: Utz wi keri' nibanatej, roma ni chuwe yin ni chawe rat man niya'ox ta. Más utz titzak'ix pa nik'aj, xcha' ri ixoq ri'. Jak'a ri rute' ri ak'ual ri k'es, roma kan nujoyowaj ruwech ri ti ral, kere' xubij chire ri rey: ¡Ni, wajaw yin!, tabana' utzil man nakamisaj ta la ak'ual. Más utz taya' chire la ixoq, xcha'.

San Lucas 15:20

Roma ri' kan xuchop na wi el bey k'a chirachoch ri rutata'. K'a nej na k'a k'o-wi ri ala' chire ri rachoch, toq ri tata'aj xutz'et, y janila k'a xujoyowaj ruwech. Roma ri' junanin xbe chuk'ulik, xuq'etej y xutz'ubaj.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

1 Sam 30:4

Ri David y konojel ri achi'a' ri e beneq rik'in, kan janila xesik'in y xe'oq' y kan xk'is k'a kuchuq'a' roma oq'ej.

1 Sam 24:16

Toq ri David xtane' richin nich'on, ri Saúl xubij: ¿Ja rat ri', David ri at achi'el nuk'ajol, ri nich'on pe wik'in?, xcha'. Y k'ari' ri Saúl xsik'in-q'anej chi oq'ej,

Wuj Richin ri Rut 1:9

Kan ta xtuben ri Dios chiwe chi xtiwil ta uxlanen pan iwachoch rik'in jun chik iwachijil, xcha' ri kalite' chike. Xeri' xerutz'ubaj chi e ka'i' rali' richin nikijech kan ki'; y rije' xkichop k'a oq'ej.

Wuj Kichin ri To'onela' 2:4

Toq ri ángel richin ri Jehová xubij ronojel re' chike ri e rijatzul ri Israel, jari' toq xesik'in-q'anej chi oq'ej.

Wuj Richin ri Rutikeribel 44:34

Roma ¿Achi'el ta k'a toq xkinapon chuwech ri nata' wi xa nuyon chik yin y man beneq ta ri qachaq'? Man ninwajo' ta nintz'et ri tijoj-poqonal ri xtuq'axaj ri nata', xcha' ri Judá.

Wuj Richin ri Rutikeribel 29:11

Ri Jacob xuq'ejela' k'a ri Raquel y xutz'ubaj, k'ari' janila xoq'.

Wuj Richin ri Rutikeribel 27:38

Y ri Esaú kan xutej ruq'ij chuk'utuxik chire ri rutata' y xubij chire: ¿Kan man jun chik urtisanik xk'oje' kan awik'in? ¡Taya' urtisanik chuqa' pa nuwi' yin!, xcha'. Y rija' xsik'in-q'anej chi oq'ej jun bey chik.

Wuj Richin ri Rutikeribel 21:15

Y toq xk'is k'a ri kiya' ri kik'uan-el chupan ri tz'um, jari' toq ri te'ej xberuya' kan ri ral pa rumujal jun q'ayis.

1 Rey 17:12

Y ri ixoq xubij: Chuwech k'a ri Jehová ri k'aslik a-Dios ninbij chi maneq kaxlan-wey wik'in, xaxe jun moq' k'ej ri k'o kan chupan ri bojo'y, y ti juba' ti aceite ri k'o kan chupan ri xára. Y wakami ninmol juba' ti nusi' richin ninchaq'arisaj jun kaxlan-wey qichin chi oj ka'i' rik'in ri ti wal. Xtiqatej k'a ri jun ti kaxlan-wey ri' y chirij ri' xqojken roma wayjal, xcha'.

Wuj Richin ri Jeremías 6:26

K'ari' ri Dios xubij chike: Rix ri yixinwajo', tikusaj k'a itziaq richin bis retal richin k'o q'axo'n. Tibolqotila-iwi' pa chaj y kixk'oje' k'a pa bis achi'el toq yixbison chirij jun iwalk'ual ri kan xe'ok rija' y xken-el. Kixoq' k'a roma re jun bis re' kan janila nim, roma kan xtipe yan ri xtik'ison iwichin.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.