Wuj Richin ri Rutikeribel 21:14 - Kaqchiquel Bible

¹⁴ Y nimaq'a' yan ri ruka'n q'ij ri Abraham xyakatej, xberuk'ama-pe kaxlan-wey, y jun tz'um nojineq rik'in ya' y xuya-el chuwi-rutele'n ri Agar, y chuqa' xujech-el ri ala' chire richin tel-el. K'ari' rije' xkichop-el bey y xebe-kela' xebe-kela' xkiben chupan ri tz'iran ruwach'ulew richin Beerseba.

Wuj Richin ri Rutikeribel 21:14 ပူးပေါင်းရင်းမြစ်များ

San Juan 8:35

Wi jun wineq achi'el jun loq'on samajel, man xtik'oje' ta junan kik'in ri aj pa rachoch. Jak'a jun ri kan alk'ualaxel, kan xtik'oje' jantape' kik'in ri aj pa rachoch.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Wuj Richin Etamabel-Tzij 27:14

Ri wineq ri xa nrelesaj ruwaran jun rachibil, ri nimaq'a' yan, roma kan kow nich'on-apo richin nuya' rutzil ruwech; re' xa junan rik'in ri nroyoj ta etzelanik pa ruwi' ri rachibil.

Wuj Richin Bix Chire ri Dios 119:60

Yin kan ninwajo' k'a ninnimaj atzij, y man ninwoyobej ta na richin ninben.

Wuj Richin Bix Chire ri Dios 107:4

Pa rutikeribel jujun chike rije' kan e sachineq k'a pa tz'iran ruwach'ulew. Kan man nikil ta k'a kibey y kiyon rije' xek'oje' chiri'. Kan man jun k'a tinamit nikil chiri' richin ta xek'ase' chupan.

1 Rey 19:3

Toq ri Elías xrak'axaj keri', kan xuxibij-ri' y xanimej-el richin xukol-el ri ruk'aslen. Y toq xapon pa tinamit Beerseba ri k'o pa ruwach'ulew Judá, chiri' xuya-wi kan ri rusamajel.

Wuj Richin ri Rutikeribel 26:31

Xeyakatej k'a nimaq'a' yan richin xkijikiba-kitzij chikijujunal. K'ari' ri Isaac xerujech-el y rije' xetzolin rik'in uxlanibel-k'u'x.

Wuj Richin ri Rutikeribel 25:6

Y chike ri ralk'ual ri kal ri e concubina*f22* xaxe juba' sipanik xuya-el chike y xeruteq-el nej k'a pa relebel-q'ij richin xeruch'er rik'in ri Isaac rokik k'a k'es na rija'.

Wuj Richin ri Rutikeribel 21:31

Y roma ri' xbix Beerseba*f19* chire ri tinamit ri' roma chiri' xkijikiba-wi ri kitzij chi e ka'i'.

Wuj Richin ri Rutikeribel 16:7

Y toq animajineq-el ri Agar, xberuk'ulu-pe ri ángel richin ri Jehová, chunaqaj jun ralaxbel-ya' ri k'o pa tz'iran ruwach'ulew ri k'o junan rik'in ri bey ri nibe pa Sur.

Wuj Richin ri Isaías 16:8

Ri ulew ri tiko'n uva chuwech richin Hesbón kan xk'is yan, roma ri etzelanel kichin kan xkixeq' kan. Keri' chuqa' xkiben rik'in ri tiko'n uva ri k'o pa Sibmá. Ronojel ri kiruwach'ulew xnoj chi tiko'n uva, y xapon k'a pa xaman chire ri tinamit Jazer. Chuqa' kan xapon k'a chuchi' ri tz'iran ruwach'ulew ri k'o pa relebel-q'ij, y xapon k'a chuchi' ri Tzayi-Choy ri k'o pa qajbel-q'ij.

Wuj Richin ri Rutikeribel 46:1

Y ri Israel, ri rubini'an chuqa' Jacob, xuchop k'a el bey y xuk'uaj-el ronojel ri k'o rik'in. Y toq xapon k'a pa Beerseba, chiri' toq rija' xusuj jun kamelabel chuwech ri Dios ri ru-Dios chuqa' ri Isaac, ri rutata'.

Wuj Richin ri Rutikeribel 37:15

y rija' nixule-nijote' chikikanoxik ri rach'alal, y jari' toq xuk'ul jun achin, y re achin re' xuk'utuj chire: ¿Achike nakanoj?, xcha' chire.

Wuj Richin ri Rutikeribel 26:33

Y ri pozo ri' xubini'aj Sebá,*f25* y roma ri' ri ruwach'ulew ri' rubini'an Beerseba k'a re wakami.

Wuj Richin ri Rutikeribel 24:54

Xeri' xewa' y xe'uk'ya', rija' y konojel ri e beneq chirij y chiri' xewer-wi kan. K'a ri ruka'n q'ij nimaq'a' yan xeyakatej y ri achin xubij chike: Tikuyu' juba', tiya' q'ij chuwe richin yitzolin rik'in ri wajaw, xcha' chike.

Wuj Richin ri Rutikeribel 22:19

K'ari' ri Abraham xebeqaqa-pe kik'in ri rusamajela' y xebe k'a pa Beerseba y chiri' xek'oje-wi.

Wuj Richin ri Rutikeribel 22:3

Y pa ruka'n q'ij ri Abraham xyakatej nimaq'a' yan, xuchojmirisaj ri rubur, y xuch'er-el ri si' richin nuporoj ri kamelabel. Y xberuk'ama-pe ri Isaac, ri ruk'ajol y chuqa' e ka'i' chike ri rusamajela' ri e yuqul pa samaj rik'in. K'ari' xkichop-el bey akuchi xbix-wi-el chire roma ri Dios.

Wuj Richin ri Rutikeribel 21:33

Y jak'a ri Abraham xutik k'a qa jun che' rubini'an tamarisco chiri' pa Beerseba, y chiri' k'a xuya' ruq'ij ri Jehová ri Dios richin q'asen.

Wuj Richin ri Rutikeribel 19:27

K'ari' ri Abraham nimaq'a' yan xbe-el akuchi xtzijon-wi rik'in ri Jehová.

Wuj Richin ri Rutikeribel 21:13

Y chuqa' rik'in ri ral ri Agar xtinben k'a jun nimalej tzobaj winaqi', roma re ala' re' kan awalk'ual chuqa' rat, xcha' ri Dios chire.

Wuj Richin ri Rutikeribel 21:15

Y toq xk'is k'a ri kiya' ri kik'uan-el chupan ri tz'um, jari' toq ri te'ej xberuya' kan ri ral pa rumujal jun q'ayis.

Wuj Richin Etamabel-Tzij 27:8

Kan achi'el k'a jun aj-xik' chikop ri nuya' kan ri rusok richin chi nibe nej; kan keri' chuqa' ri wineq ri nuya' kan ri rachoch y nej k'a nibe-wi.

Wuj Richin ri Rutikeribel 28:18

Nimaq'a' yan xyakatej y xuchop ri abej ri xuch'akatbej-qa, xupaba-q'anej y xuq'ej kan aceite chirij richin jun retal.

Wuj Richin ri Josúe 3:1

Y ri jun chik q'ij ri Josué xyakatej nimaq'a' yan, rija' y konojel ri ruwinaq y xekiyek-el ri taq kachoch, xe'el-el chiri' pa Sitim y xe'apon pa taq'aj chuchi' ri raqen-ya' Jordán y xek'oje' na el juba' chiri'.

1 Sam 15:12

Nimaq'a' yan chire ri jun chik q'ij, ri Samuel xbe richin niberuk'ulu' ri Saúl, jak'a xbix chire chi rija' xa xbe pa tinamit Carmel, richin chi xbekibana' jun paban-abej richin natabel richin rija'. Y chirij ri' xbe chik qa pa Guilgal.

2 Crón 29:20

K'ari' ri rey Ezequías nimaq'a' yan xyakatej richin xerumol konojel achi'a' ri k'o más kiq'ij richin ri tinamit ri', y xebe pa rachoch ri Jehová.