Wuj Richin ri Rutikeribel 20:7 - Kaqchiquel Bible

⁷ Wakami k'a tatzolij-el ri ixoq chire ri Abraham, ri rachijil y roma rija' jun q'alajirisey ri nuch'abel yin, kan xtuk'utuj chuwe yin pan awi' rat. Jak'a wi man xtatzolij ta xkaken rat y konojel ri winaqi' ri ek'o chupan ri aruwach'ulew, xcha'.

Wuj Richin ri Rutikeribel 20:7 ပူးပေါင်းရင်းမြစ်များ

Wuj Richin ri Achin Job 42:8

Roma ri' wakami, rix tik'uaj k'a wuqu' nima-alaj achija' taq wákix y wuqu' achija' taq karne'l y kixbiyin k'a rik'in ri nusamajel Job, y tibesuju' poron chikopi' roma ri imak. K'ari' ri nusamajel Job xtich'on wik'in yin pan iwi' rix; y yin kan xtinwak'axaj k'a ri ruch'abel rija'. Richin keri' man jun ruk'ayewal xtinya' pan iwi', stape' kan ruk'amon ta ninya' rutojbalil ri imak, roma man qitzij ta ri xibij chuwij yin, rix kan man xiben ta achi'el xuben ri Job, ri nusamajel.

1 Sam 7:5

Y ri Samuel xuteq koyoxik konojel ri israelita richin tikimolo-ki' pa tinamit Mispá y rija' xkerujech pa ruq'a' ri Jehová.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

1 Crón 16:22

Y man xuya' ta q'ij richin yetz'ilox ri e rucha'on; ni man xuya' ta q'ij richin yeyoq' ri e q'alajirisey ri ruch'abel.

2 Rey 5:11

Jak'a ri Naamán xa xyakatej janila royowal y xtzolej kik'in ri rusamajela', y xubij: Yin kan xinch'ob-qa pa wánima chi ri achin ri' xtel-pe chi nuk'ulik, y keri' pa'el xtich'on rik'in ri Jehová ri ru-Dios, xtutzeqej k'a ri ruq'a' y xtuya' akuchi k'o-wi ri ch'a'k, y keri' chi'anin xkik'achoj-el.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

Hebreos 1:1

Ri ojer kan ri', ri Dios k'iy k'a bey y k'iy rubanik xch'on kik'in ri qati't-qamama' y xerukusaj ri yeq'alajirisan ri ruch'abel.

1 Corintios 14:4

Ri qach'alal ri nich'on pa ch'aqa' chik ch'abel, xaxe chire rija' nuk'en-pe k'iyinen. Jak'a ri qach'alal ri niq'alajirisan ri ruch'abel ri Dios, kan nuben chi yek'iy konojel ri qach'alal.

Ez 33:8

Rik'in juba' yin ninbij chawe chi ri wineq ri rujachon-ri' chubanik etzelal, kan xtiken. Wi rat man jun xabij chire ri wineq ri' richin nuchojmirisaj ta ri ruk'aslen, rija' xtiken k'a y chawe rat xtinch'ojij-wi ri rukik'el.

Ez 3:18

Toq yin ninwajo' ninbij chire jun awinaq aj-mak chi niqaqa kamik pa ruwi', rat k'o chi xtabij chire. Y wi man xtabij ta chire y rija' man nuya' ta kan ri mak richin chi nik'ase' chik juba', re wineq re' kan xtiken k'a roma ri rumak y yin xtink'utuj k'a ri ruk'aslen chawe rat.

Wuj Richin ri Jeremías 27:18

Wi rije' kan e q'alajirisey ruch'abel ri Jehová y wi kan qitzij chi ja ri Jehová biyon chike, k'o chi nikik'utuj utzil chire ri Jehová ri k'o ronojel uchuq'a' pa ruq'a', richin chi man nuya' ta q'ij richin ye'uk'uex-el pa Babilonia ri ch'aqa' chik samajibel ri k'a ek'o na kan pa rachoch y ri ek'o na kan pa rachoch ri rey.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Jeremías 14:11

Chuqa' ri Jehová xubij chuwe: Man tak'utuj utzil chuwe richin utz xkebe re tinamit re'.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

1 Rey 13:6

K'ari' ri rey Jeroboam xubij chire ri q'alajirisey ruch'abel ri Dios: Nink'utuj utzil chawe chi kach'on rik'in ri Jehová woma yin, y tak'utuj utzil chire chi re nuq'a' xtisilon ta chik, xcha'. Y ri achin ri' kan xch'on rik'in ri Jehová pa ruwi' ri rey, y ri ruq'a' kan xsilon chik achi'el ri rubanon kan.

1 Sam 12:23

Roma ri', kan nej ta k'a k'o chuwe yin chi xkimakun chuwech ri Jehová, richin man yich'on ta pan iwi' rix rik'in ri Jehová. Yin xa kan xkixintijoj k'a chupan ri choj laj bey.

1 Sam 12:19

K'ari' konojel ri winaqi' xkibij chire ri Samuel: Tabana' utzil kach'on rik'in ri Jehová ri qa-Dios pa qawi' roj ri oj rusamajel richin chi man yojken ta, roma pa ruwi' ronojel ri mak ri qabanon kan xqaben chik re jun mak re', xecha'.

1 Sam 7:8

Jari' toq xkibij chire ri Samuel: Tabana' utzil, man katane' chuk'utuxik chire ri Jehová ri qa-Dios richin yojrukol pa kiq'a' ri aj-Filistea, xecha'.

Wuj Richin ri Chojmirisabelri'il 6:7

Y keri' xtuben ri sacerdote, y yin xtink'en chik ruwech ri wineq. Y kan jari' k'a xtikuyutej ri rumak ri aj-mak ri', xcha' ri Jehová.

Wuj Richin ri Chojmirisabelri'il 6:4

Wi ta k'o jun wineq nuben jun chike re mak re', k'o chi nutzolij ri ruk'amon-qa.

Ex 18:17

Y jari' toq ri rujinan xubij chire: La yatajin chubanik man utz ta.

Ex 7:1

K'ari' ri Jehová xubij chire ri Moisés: Ninya' q'ij chawe chi ja rat ri yabe pa nuk'exel chuwech ri rey y ja ri animal Aarón jari' ri xtibin-apo ri ch'abel ri nawajo' chi nrak'axaj.

Ex 4:16

Rija' xtich'on k'a pan ak'exel rat chike ri winaqi', y xtubij ri xtabij rat chire, y rat xkatok nuk'exel yin chuwech rija'.

Wuj Richin ri Rutikeribel 12:17

Jak'a ri Jehová xuya' k'a pe nima-yabil pa ruwi' ri rey y pa kiwi' konojel ri ek'o pa rachoch; yabil ri kan kichin achi'a' y ixoqi', roma ri rey ruk'amon-qa ri rixjayil ri Abram.

Wuj Richin ri Rutikeribel 12:15

Chuqa' ri e tata'al richin ri q'atbel-tzij richin Egipto toq xkitz'et, xbekitzijoj chire ri rey chi k'o jun xten janila ti jebejoj ok. K'ari' rije' xkik'uaj-el k'a pa rachoch ri rey.

Wuj Richin ri Rutikeribel 2:17

Xaxe ri che' ri niya'on etamabel richin ri utz y ri itzel man tatej, roma ri q'ij toq xtatej, kan xkaken, xcha'.

Hechos 8:24

Jak'a ri Simón xubij k'a chike ri Pedro y ri Juan: Kixch'on rik'in ri Dios woma yin, y tik'utuj chire richin man k'a tink'uluwachij ri achi'el ri xibij-qa chuwij, xcha'.

Wuj Richin ri Rutikeribel 20:3

Y ri Dios xch'on pa rachik' ri Abimélec chupan ri aq'a' ri', y xubij chire: Wakami rat kan k'o chi xkaken roma re jun ixoq re xak'en-qa, xa k'ulan y k'o rachijil, xcha'.

Wuj Richin ri Rutikeribel 20:8

Y ri Abimélec nimaq'a' yan k'a xyakatej richin xeroyoj konojel ri achi'a' ri e aj-raqen ri kan yesamej rik'in y xubij chike ronojel ri xubij ri Dios chire pa rachik' y toq rije' xkak'axaj ri', kan janila k'a xkixibij-ki'.

Wuj Richin ri Rutikeribel 23:6

Táta, tamuqu' k'a ri akaminaq chupan ri jul ri akuchi nawajo-wi rat; y kan xtiqaya' k'a chawe ri akuchi nawajo-wi. Roma roj kan qetaman chi rat at jun nimalej tata'al richin ri Dios chiqakojol, xecha' chire.

2 Crón 30:18

Y kan e k'iy k'a winaqi' ri man kich'ajch'ojirisan ta ki' chupan ri kitzobaj ri Efraín, ri Manasés, ri Isacar y ri Zabulón. Man rik'in ri', rije' kan xewa' k'a chupan ri nimaq'ij ri', stape' man achi'el ta ri tz'iban kan. Y roma ri' ri Ezequías xch'on rik'in ri Dios pa kiwi' rije', y xubij: Jehová; rat ri kan janila at utz y kan k'o kuyubel awik'in, tabana' utzil takuyu' kimak re winaqi' re ek'o wawe', ri kan choj ri kánima y ri yatkikanoj rat.