Wuj Richin ri Rutikeribel 20:6 - Kaqchiquel Bible

⁶ Y ri Dios xch'on k'a rik'in ri Abimélec pa jun chik rachik' y xubij chire: Yin chuqa' wetaman chi rat xaben rik'in ruch'ajch'ojil ri awánima. Roma ri' man xinya' ta q'ij richin xamakun ta chinuwech yin.

Wuj Richin ri Rutikeribel 20:6 ပူးပေါင်းရင်းမြစ်များ

1 Sam 25:34

Roma wi man ta xaniman-pe richin xinak'ulu-el, ri chua'q toq xtiseqer-q'anej kan man jun ta chik ri achi'a' aj pan iwachoch ri e k'es. Yin kan chuwech k'a ri Jehová ri qa-Dios ninbij ri qitzij, xcha' ri David.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Wuj Richin ri Rutikeribel 31:7

Y man rik'in ri' ri itata' janila k'iy mul kiruq'ol. Lajuj yan mul tujel ri wajel. Jak'a ri Dios man ruya'on ta q'ij chire richin nuben itzel chuwe.

2 Tesalonicenses 2:7

Qitzij wi chi k'iy chik etzelal najin wakami. Jak'a kan k'a k'o na ri jun ri q'atayon richin. Jak'a toq ri jun ri q'atayon richin elesan chik el,

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Ex 34:24

Roma yin kan xkenwelesaj k'a el ri e etzelanel iwichin y kan xtinnimirisaj k'a ri iruwach'ulew, roma ri' kan maneq chik k'a winaqi' ri xkerayin ri iruwach'ulew. Y rik'in ri keri', rix kan yixtikir yixapon-q'anej chinuwech yin Jehová, chupan chi oxi' nimaq'ij ri niban pa jun juna'.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

Wuj Richin Bix Chire ri Dios 81:12

Roma ri' xenya' kan rik'in ri rukowirinen ri kánima; y xebiyin k'a achi'el ri xkajo' rije'.

Wuj Richin Bix Chire ri Dios 51:4

Kan chawech k'a rat, kan xaxe k'a chawech rat ximakun. Kan xinben k'a ri man niqa' ta chawech rat. Roma ri' kan choj ri aq'atbel-tzij ri xaya' pa nuwi'. Kan roma k'a ri numak toq naya' ruk'ayewal pa nuwi'.

Wuj Richin ri Rutikeribel 39:9

Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

2 Tesalonicenses 2:11

Roma ri' ri Dios nuya' q'ij chi yeq'olotej y chi nikinimaj ri man qitzij ta.

1 Corintios 7:1

Wakami ninwajo' k'a yich'on juba' pa ruwi' ri ibin-pe chupan ri wuj ri xiteq-pe chuwe pa ruwi' ri k'ulanen. Y yin ninbij chi más utz chi man ta yixk'ule'.

Wuj Richin ri Chojmirisabelri'il 6:2

Wi k'o ta jun wineq ri kan nujikiba' rutzij chikiwech ri winaqi' y chinuwech yin, chi man rubanon ta jun q'oloj y xa kan rubanon, re wineq re' kan aj-mak-wi. Roma rik'in juba' xa man rutzolin ta ri uxqanen kan pa ruq'a', o rik'in juba' neleq' rik'in ri ruwinaq; o rik'in juba' xa rubanon-qa richin chire, ri xa man richin ta.

Wuj Richin ri Rutikeribel 26:11

K'ari' ri Abimélec xuteq rubixik chike konojel ri ek'o chupan ri tinamit ri' y xubij chike: Wi k'o jun ri xtijelun ruq'a' chirij re achin re' o chirij ri rixjayil xtikamisex, xcha'.

Wuj Richin ri Rutikeribel 3:3

Jak'a re ruwech re jun che' re k'o pa runik'ajal re qejoj, xubij kan ri Dios chiqe chi man tiqatej, ni man tiqachop, roma wi xtiqatej kan xqojken k'a, xcha'.

San Mateo 27:19

K'ari' ri Pilato xtz'uye' k'a ri akuchi nuq'et-wi tzij, y jari' toq xapon rutzijol rik'in ri rubin-el ri rixjayil. Y kere' ri rubin-el: Ri Jesús jun achin choj; roma ri' rat, man jun taben chire. Roma yin xinben jun itzel achik' roma ri Jesús. Keri' ri rubixikil ri rubin-el.

Wuj Richin ri Rutikeribel 31:24

Jak'a ri Dios xch'on rik'in ri Labán, ri arameo, pa rachik' chupan ri aq'a' ri'. Y xubij chire: Tawak'axaj, man kabech'on rik'in ri Jacob rik'in oyowal, xcha'.

Wuj Richin Etamabel-Tzij 6:29

Y keri' ri nuk'uluwachij jun achin ri nuju' ri' rik'in jun k'ulan ixoq; ri achin ri' kan xtrejqalej-wi k'a ri mak ri'.