Wuj Richin ri Rutikeribel 20:1 - Kaqchiquel Bible

¹ Ri Abraham xel-el akuchi k'o-wi, y xbe pa xokon ri nibix chuqa' Négueb chire, y roma niyuq'un beneq, xbe kela' xbe kela' xuben chupan ri ruwach'ulew ri k'o chukojol ri tinamit Cadés y ri ruwach'ulew rubini'an Sur. Y xapon k'a pa tinamit Guerar.

Wuj Richin ri Rutikeribel 20:1 ပူးပေါင်းရင်းမြစ်များ

Wuj Richin ri Rutikeribel 26:6

Ri Isaac xk'oje' k'a qa chiri' pa tinamit Guerar,

Wuj Richin ri Rutikeribel 26:1

Y chupan k'a ri ruwach'ulew ri' xpe k'a jun nimalej wayjal, achi'el ri nabey wayjal ri xq'ax toq k'a k'es na ri Abraham. Roma ri' ri Isaac xbe pa tinamit Guerar akuchi k'o-wi jun rey rubini'an Abimélec ri k'o pa kiwi' ri aj-Filistea.

Wuj Richin Bix Chire ri Dios 29:8

Toq nich'on ri Jehová, kan nusiloj k'a ri tz'iran ruwach'ulew. Kan nusiloj k'a ri tz'iran ruwach'ulew Cadés.

Wuj Richin ri Rutikeribel 18:1

Ri Jehová xuk'ut-ri' jun bey chik chuwech ri Abraham akuchi ek'o-wi ri li'aj paten-che' ri k'o pa rulew ri Mamré, chuchi' ri rachoch ri banon rik'in tzieq, toq rija' nimujan juba' roma ri k'aten.

1 Sam 15:7

Y ri Saúl kan xeruch'ek k'a, xtiker-pe pa ruwach'ulew Havilá y xapon k'a pa ruwach'ulew Sur, ri k'o pa relebel-q'ij chire ri Egipto.

Deut 32:51

Roma rix ix ka'i' xixmakun chinuwech chikikojol ri iwinaq, man xinimaj ta nutzij chiri' chuchi' ri ya' Meribá-cadés pa tz'iran ruwach'ulew Sin, y man xiya' ta nuq'ij chikiwech rije'.

Deut 1:19

Roj kan xojel k'a pe pan Horeb y xojpe pa ruchojmilal ri k'echelaj ri k'o pa kiruwach'ulew ri winaqi' amorreo, achi'el ri xubij ri Jehová ri qa-Dios chiqe. Xqaq'axaj k'a ri itzel y ri nimalej tz'iran ruwach'ulew, y keri' xojoqaqa pa Cadés-barnea.

Wuj Richin ri Q'axanri'il 20:16

y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.

Wuj Richin ri Q'axanri'il 13:26

Y xe'apon k'a rik'in ri Moisés, ri Aarón y ri ch'aqa' chik kiwinaq, ri chiri' pa tz'iran ruwach'ulew Parán, ri chiri' pa tinamit Cadés. Y xkitzijoj k'a ronojel chike y xkik'ut chikiwech ri ruwech ri tiko'n ri nuya' ri chiri'.

Wuj Richin ri Rutikeribel 26:26

Y ri Abimélec rachibilan-el ri Ahuzat ri rupixabanel y ri Ficol ri aj-raqen kichin ri aj-labal, xe'el-pe pa tinamit Guerar richin chi xebetzijon rik'in ri Isaac.

Wuj Richin ri Rutikeribel 26:20

Ri yuq'unela' richin Guerar xkiben oyowal kik'in ri yuq'unela' richin ri Isaac y xkibij: La ya' la' qichin roj, xecha'. Roma ri' ri Isaac xubij Pozo Richin Oyowal chire.

Wuj Richin ri Rutikeribel 24:62

Y ri Isaac tzolejineq k'a el akuchi k'o-wi ri pozo ri rubini'an Pozo Richin ri kan K'es y Yirutz'et, roma rija' k'o pa ruwach'ulew Négueb.

Wuj Richin ri Rutikeribel 13:1

Ri Abram xel-pe pan Egipto rachibilan-pe ri rixjayil y chuqa' ri Lot, y ronojel ri e ruk'uan. Y xetzolej ri pa xokon ri nibix chuqa' Négueb chire.

Wuj Richin ri Rutikeribel 10:19

Y ri kiruwach'ulew ri e rijatzul ri Canaán nitiker-el rik'in ri tinamit Sidón, choj napon rik'in ri tinamit Gaza napon k'a rik'in ri tinamit Guerar; y nuchojmij-ri' kik'in ri tinamit Sodoma, ri Gomorra, ri Admá, ri Seboím y nibek'is rik'in ri tinamit Lesa.

Wuj Richin ri Rutikeribel 16:14

Roma ri' ri pozo ri k'o chiri', rubini'an: Pozo richin ri jun ri kan k'es y yirutz'et. Y re pozo re' k'o chukojolil ri tinamit Cadés y ri tinamit Béred.

Wuj Richin ri Rutikeribel 16:7

Y toq animajineq-el ri Agar, xberuk'ulu-pe ri ángel richin ri Jehová, chunaqaj jun ralaxbel-ya' ri k'o pa tz'iran ruwach'ulew ri k'o junan rik'in ri bey ri nibe pa Sur.

Wuj Richin ri Rutikeribel 16:1

Y ri Sarai kan man jun k'a ral ri alaxineq ta, richin ruya'on ta chire ri Abram ri rachijil; jak'a rija' k'o jun rusamajel xten ri yuqul pa samaj rik'in, aj-Egipto ri rubini'an Agar.

Wuj Richin ri Rutikeribel 14:7

Y xetzolej k'a pe y xepe pa tinamit En-mispat ri chuqa' nibix Cadés-barnea chire. Y xkich'ek kan ri ruwach'ulew ri xtibe'ok kichin ri rijatzul ri Amalec y chuqa' ri ruwach'ulew ri rijatzul ri Hamor ri k'o pan Hasesón-tamar.

Wuj Richin ri Rutikeribel 12:9

Y ri Abram xel-el chiri' y eqal-eqal xapon-qa ri pa xokon.

Wuj Richin ri Rutikeribel 25:18

Ri e rijatzul xek'oje' chupan ri ruwach'ulew ri nitiker-el rik'in ri Havilá ri k'o pa Sur ri k'o chuwech ri Egipto y xe'apon k'a pa ruwach'ulew Asiria, y kan kich'aron k'a ki' kik'in ri ch'aqa' chik kach'alal.

Ex 15:22

Chirij re' ri Moisés xuben k'a chi xkichop chik el bey, y xe'el-el chuchi' ri Kaqa-Palou y xebe chupan ri bey ri nibe pa tz'iran ruwach'ulew rubini'an Sur. Xebiyin k'a oxi' q'ij chupan ri tz'iran ruwach'ulew ri' y chiri' kan man jun ya' nilitej.

Wuj Richin ri Rutikeribel 21:34

Y rija' xk'oje' chiri' pa ruwach'ulew Filistea k'iy juba' juna'.