Wuj Richin ri Rutikeribel 2:7 - Kaqchiquel Bible

⁷ Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Wuj Richin ri Rutikeribel 2:7 ပူးပေါင်းရင်းမြစ်များ

1 Corintios 15:45

Keri' niq'alajin chupan ri ruch'abel ri Dios,*f17* chi ri nabey Adán xban y xuk'ul ruk'aslen. Jak'a ri Cristo, ri jun chik Adán, kan aj-chikajil-wi, y kan nuya' k'aslen.

Wuj Richin ri Achin Job 33:4

Ri Espíritu richin ri Dios jari' ri xbanon wichin yin; ri Dios ri k'o ronojel uchuq'a' pa ruq'a', xuxupuj k'aslen wik'in yin.

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Isaías 64:8

Man rik'in ri', ajaw ja rat ri at qatata'. Roj ojk'o pan aq'a' achi'el ri xeq-ulew toq k'o pa ruq'a' ri banoy bojo'y. Qonojel k'a roj, ja rat ri xabanon qichin.

Hechos 17:25

Chuqa' ri winaqi' man yetikir ta nikito' ri Dios, roma xa kan ja ri Dios ri nito'on richin ri wineq, y rija' ri niya'on qak'aslen, ri kaq'iq' ri niqajiq'aj, y ronojel ri ch'aqa' chik.

1 Corintios 15:47

Ri nabey achin, kan richin wi re ruwach'ulew, roma rik'in ulew xban-wi. Jak'a ri jun chik, kan aj-chikajil.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin ri Achin Job 27:3

rokik k'a k'o juba' nuk'aslen y rokik chi ri Dios kan k'a nuya' na q'ij chuwe ninjiq'aj wuxla',

Wuj Richin ri Rutikeribel 7:22

Y keri', konojel ri nikijiq'aj kaq'iq' chuwech re ruwach'ulew xeken.

Wuj Richin ri Zacarías 12:1

Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq.

Wuj Richin Bix Chire ri Dios 103:14

Keri' nuben roma rija' retaman chik ri qabanikil roj. Rija' retaman chi roj xa maneq quchuq'a' y xa rik'in poqolaj oj banon-wi.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Romanos 9:20

Jak'a man yojtikir ta niqabij chire ri Dios*f22* chi man utz ta ri nuben chiqe. Jun bojo'y man nubij ta chire ri banoy richin: ¿Achike roma ja nubanikil re' ri naben chuwe? Man nicha' ta chire.

Wuj Richin ri Isaías 2:22

Roma ri', rix nuwinaq, man tikuquba' ik'u'x kik'in ch'aqa' chik winaqi', roma rije' kan juba' ok kejqalen y ri kik'aslen xa juba' ok k'o chuwech re ruwach'ulew.

Wuj Richin ri Rutikeribel 3:23

Roma ri' ri Dios xerelesaj k'a pe chiri' chupan ri qejoj, richin chi ri Adán tusamajij na ri ulew ri achoq ik'in chuqa' banon-wi rija'.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Wuj Richin Etamabel-Tzij 20:27

Ri q'aq' richin saqil ri ruya'on ri Jehová chire ri achin, ja ri k'aslen ri xuk'ul-pe pa nabey; y re saqil re' kan yeruq'alajirisaj-pe ri e yakel y e ewatel rik'in-qa rija'.

Wuj Richin ri Achin Job 33:6

Rat y yin kan oj junan k'a chuwech ri Dios, roma yin chuqa' kan chupan ri ulew in elesan-wi-pe.

2 Corintios 5:1

Qetaman k'a chi ri qach'akul xa achi'el ok jun jay banon rik'in tzieq, re chuwech re ruwach'ulew, ja k'a toq xtiken re ch'akulaj re' kan xtiqak'ul chik jun qachoch rik'in ri Dios, ri kan ja rija' ri banayon, kan richin jantape' y ja ri chila' chikaj k'o-wi.

2 Corintios 4:7

Ri ruwaq'ijaj ri ruya'on-pe ri Dios chiqe, kan jun beyomel-wi, jak'a roj ri oj rukusan xa maneq ok qejqalen. Xa oj junan ok rik'in jun ulew leq, y re' richin chi tiq'alajin chi ri nimalej uchuq'a' ri k'o qik'in, rik'in ri Dios peteneq-wi y xa man qik'in ta roj.

San Juan 20:22

Toq rubin chik k'a qa ri ch'abel ri', xeruxupuj y xubij chike: Kan tik'ulu' k'a ri Loq'olej Espíritu.

Wuj Richin ri Achin Job 4:19

¡K'atala' chik k'a chi xtuya' ránima rik'in jun wineq ri xa ulew, ri xa man kow ta; ri xa kan tikirel chi nupach'ij, achi'el nuben jun wineq rik'in jun ti palamax!

Wuj Richin ri Q'axanri'il 27:16

Rat Jehová Dios, ri at rajaw ronojel k'aslen kichin ri winaqi': Tacha' k'a jun achin richin naya' pa kiwi' re winaqi' re',

Wuj Richin ri Molojri'il 3:7

Napon k'a ruq'ijul richin naretz, y chuqa' napon ruq'ijul richin natz'is. Napon k'a ruq'ijul richin man jun ch'abel nabij, y chuqa' napon ruq'ijul richin k'o ch'abel nabij.

1 Timoteo 2:13

roma toq ri Dios xeruben ri winaqi', nabey xuben ri Adán, y k'ari' xuben ri Eva.

Wuj Richin ri Rutikeribel 2:6

Xaxe ri ruxla' ri ya' ri niyakatej-q'anej chuwech ri ruwach'ulew, jari' ri niya'an richin.

Wuj Richin ri K'uxla'anik 4:20

Ri ojer, xqakuquba' qak'u'x rik'in ri rey Sedequías, jak'a rija' xa xuya-ri' pa pikbel. Xqach'ob chi rik'in rija' niqato-wi-qi' chikiwech ri ch'aqa' chik winaqi'.

Ez 37:5

Xtinben k'a chiwe richin xtik'oje' chik ik'aslen richin chi xkixk'ase' chik q'anej.

Wuj Richin ri Rutikeribel 1:27

Toq ri Dios xuben ri wineq kan xuben achi'el rubanik rija', chi achij chi ixoq xeruben.

Ez 37:6

Kan xtinya' k'a paten-iboch' chiwe y xtinben k'a chi xtik'oje' chik ich'akul y ri itz'umal. K'ari' xtinya' chik jun bey ik'aslen richin xkixk'ase'. K'ari' k'a xtiwetamaj chi ja yin Jehová, xcha'.