Wuj Richin ri Rutikeribel 2:3 - Kaqchiquel Bible

³ Ri Dios kan xrurtisaj k'a ri ruwuq q'ij y xuben chi re q'ij re' man junan ta k'a rik'in ri ch'aqa' chik q'ij; y kan xuch'er k'a richin uxlanenri'il, roma chupan ri q'ij ri' xtane' chire ri samaj ri xuben.

Wuj Richin ri Rutikeribel 2:3 ပူးပေါင်းရင်းမြစ်များ

Wuj Richin ri Chojmirisabelri'il 23:3

Waqi' q'ij k'a xtiben isamaj rix, jak'a ri pa ruwuq q'ij kan man jun samaj ri niben, roma re' kan q'ij richin uxlanen y kan xtiben jun molojri'il richin niya' nuq'ij yin; y xabakuchi k'a ixk'o-wi kan xtichajij k'a.

Marcos 2:27

Ri uxlanibel-q'ij xban richin jun utzil chire ri wineq, y man ja ta ri wineq xban richin ri uxlanibel-q'ij.

Ez 20:12

Y chuqa' xinya' chike ri q'ij richin uxlanen richin jun retal chiqakojol, richin tiketamaj chi yin Jehová xench'er richin xe'ok wichin yin.

San Lucas 23:56

Toq xetzolej ri ixoqi' ri', xekibanala' kutzil jubulej taq aq'om richin jari' nibekiya' kan chirij ri Jesús. Y xe'uxlan k'a chupan ri jun uxlanibel-q'ij ri', kan achi'el nubij chupan ri pixa' ri richin ri Moisés.

Ex 34:21

Waqi' k'a q'ij xkixsamej y chupan ri ruwuq q'ij kan xkixuxlan k'a, roma ri' chupan ri ruq'ijul ri tikoj y ri ruq'ijul ri q'atoj kan k'o chuqa' chi yixuxlan chupan ri ruwuq q'ij.

Wuj Richin ri Nehemías 9:14

Keri' xak'ut chikiwech ri q'ij richin uxlanenri'il, y ronojel xajech pa ruq'a' ri Moisés ri asamajel.

Ex 23:12

Waqi' k'a q'ij yixsamej y chupan ri ruwuq q'ij kan xkixuxlan k'a, richin chi ye'uxlan chuqa' ri ibóyix y ri ibur. Y chuqa' richin ye'uxlan ri kalk'ual ri isamajela', ri e alaxineq pan iwachoch y ri man e iwinaq ta.

Wuj Richin Etamabel-Tzij 10:22

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.

Wuj Richin ri Rutikeribel 2:2

Toq xapon ri ruwuq q'ij, ri Dios k'achojineq chik k'a chubanik ronojel. Y rija' xuxlan k'a chire re samaj re'.

Wuj Richin ri Rutikeribel 2:4

Kere' k'a xbanatej toq xk'oje' ri kaj y ri ruwach'ulew. Ri q'ij toq ri Dios xuben ri kaj y ri ruwach'ulew,

Wuj Richin ri Rutikeribel 1:31

Y jare' k'a ri rusamaj ri xuben ri Dios y xutz'et chi ronojel ri xuben kan janila wi utz. Y rik'in ri' xtz'aqet ri chaq'a' y ri paq'ij richin ri ruwaq q'ij.