Wuj Richin ri Rutikeribel 2:25 - Kaqchiquel Bible

²⁵ Y ri Adán y ri rixjayil kan e ch'anel k'a chi e ka'i' y man jun k'a k'ix chikiwech.

Wuj Richin ri Rutikeribel 2:25 ပူးပေါင်းရင်းမြစ်များ

Wuj Richin ri Rutikeribel 3:7

K'ari' xjaqatej kiwech chi e ka'i' y xketamaj chi e ch'anel, k'ari' xkitz'is ruxaq ri wíkix richin xkikuch ri kik'ix.

Romanos 10:11

Y chupan ri ruch'abel ri Dios nubij chi xabachike k'a ri rukuquban ruk'u'x rik'in, kan man xtik'ixbitej ta.*f31*

Joel 2:26

Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Wuj Richin ri Isaías 47:3

Richin keri' xtiq'alajin ri ich'akul, y kan janila k'a xkixk'ixbitej, richin yin xtinwelesaj woyowal chiwij, y kan man jun xtikolotej kan.

San Lucas 9:26

Man jun k'a wineq tik'ix nuq'alajirisaj chi in runiman yin y ri nuch'abel chike ri winaqi' richin re wakami, ri xa man nikinimaj ta ri Dios y kan e aj-maki-wi. Roma yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri loq'olej taq ángel. Wi k'o jun ri nik'ix nubij keri' chike ri winaqi', yin chuqa' xkik'ix ninbij chi ri jun wineq ri' wichin yin.

Ez 16:61

Chupan ri q'ij ri', kan xkenyek chik q'anej ri Sodoma y ri Samaria ri e awach'alal. Jak'a rat man xkatok ta chik achi'el kach'alal. Rat xa kan xkatok achi'el jun te'ej achi'el nubij ri jikibel-tzij. Y roma ri' xtik'oje' ak'ix roma ri itzel ri xe'aben.

Wuj Richin ri Isaías 54:4

Man tixibij-iwi' roma kan man jun bey chik xtiqasex iq'ij, ni man xkixk'ixbitej ta chik. Kan xtimestaj ri k'ix ri xiq'axaj toq man jani k'o k'iy ijuna'. Chuqa' kan xtimestaj toq xqasex iq'ij toq xixmalix kan koma ri iwachijil,

Wuj Richin Bix Chire ri Dios 25:3

Konojel k'a ri nikikuquba' kik'u'x awik'in, kan man jun bey xkek'ixbitej. Jak'a ri yeyakatej chawij rat kan xke'ak'ixbisaj k'a.

Ex 32:25

Toq ri Moisés xutz'et chi ri winaqi' kan e jaqatajineq chubanik ri etzelal, roma ri Aarón man xtikir ta xeruq'et, ri winaqi' ri e etzelanel kichin, xa xetze'en chikij.

Marcos 8:38

Man jun k'a wineq tik'ix nuq'alajirisaj chi in runiman yin y ri nuch'abel chike ri winaqi', ri xa man nikinimaj ta ri Dios y kan e aj-maki-wi. Roma yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik nuq'ij-nuk'ojlen rik'in ri Tata'ixel y e wachibilan-pe ri loq'olej taq ángel. Y wi k'o jun ri nik'ix nubij keri' chike ri winaqi', yin chuqa' xkik'ix ninbij chi ri jun wineq ri' wichin yin, xcha'.

Wuj Richin ri Jeremías 6:15

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Isaías 44:9

Ri Isaías nubij: Konojel ri yebanon kichin ri wachibel, xa kan man jun kejqalen; roma stape' kan jebel ok rubanik ri yekiben chike, xa kan man jun yek'atzin-wi. Y ri winaqi' ri nikiya' kiq'ij ri wachibel xa e moyi'. Xa man jun ketaman, y roma ri' xa kan yek'ixbitej.

Wuj Richin Bix Chire ri Dios 31:17

Jehová, tabana' chi man ta jun bey xkik'ixbitej, roma kan nuk'utun wuchuq'a' chawe. Tabana' chi ri itzel taq winaqi' yek'ixbitej; Kan ta xkebe pa jul richin muqbel, y man jun ta chik xtikibij.