Wuj Richin ri Rutikeribel 2:18 - Kaqchiquel Bible

¹⁸ Y ri Dios xuch'ob-qa: Xtinben k'a jun to'onel richin ri achin ri kan ruk'amon chire, roma man utz ta chi ruyon nik'oje', xcha'.

Wuj Richin ri Rutikeribel 2:18 ပူးပေါင်းရင်းမြစ်များ

1 Pedro 3:7

Y keri' chuqa' rix achi'a', kan rik'in k'a na'oj kixk'ase' kik'in ri iwixjayilal, kan ke'ipoqonaj k'a roma rije' man junan ta kuchuq'a' iwik'in. Tik'oje' chi'ik'u'x chi junan kik'in rije' xtiwichinaj ri utzilej k'aslen ri nuya' ri Dios chiwe, richin keri' ri ich'owen choj napon rik'in ri Dios.

Wuj Richin Etamabel-Tzij 18:22

Ri achin ri kan nril rixjayil, janila jebel; roma kan nril-wi k'a ri rutzil ri Jehová.

Wuj Richin ri Rutikeribel 3:12

Y ri Adán xubij: Ri ixoq ri xaya' chuwe rat richin wachibil, xuya' chuwe ri ruwech ri che' y yin xintej, xcha'.

Wuj Richin ri Rut 3:1

Jun q'ij ri Noemí xubij chire ri Rut: Wal yin, kan ruk'amon k'a chi ninkanoj jun awachijil, richin kikoten xkak'ase' y kan k'o ok ri xtakusaj.

1 Corintios 7:36

Y wi k'o jun tata'aj ri man ruya'on ta ri rumi'al richin nik'ule', y ri xten xa k'o chik rujuna', y ri tata'aj nuch'ob chi man ruk'amon ta ri rubanon, chi man ruya'on ta q'ij chire ri rumi'al richin nik'ule', y nutz'et chi ri xten xa nrajo' nik'ule'; wi keri', tuya' k'a q'ij chire richin nik'ule', roma xa man nimakun ta, wi nuya-el richin nik'ule'.

Wuj Richin ri Rutikeribel 1:31

Y jare' k'a ri rusamaj ri xuben ri Dios y xutz'et chi ronojel ri xuben kan janila wi utz. Y rik'in ri' xtz'aqet ri chaq'a' y ri paq'ij richin ri ruwaq q'ij.

Wuj Richin ri Rutikeribel 2:20

Ri achin xuya' k'a kibi' ri chikopi' kan achi'el ri kibanik. Y xuya' k'a kibi' ri aj-xik' taq chikopi' y ri chikopi' richin k'echelaj, y xuya' chuqa' kibi' ri chikopi' ri ye'awajix. Jak'a ri Adán xa ruyon ok roma man jun ri achi'el ta rubanik rija'.