Wuj Richin ri Rutikeribel 2:17 - Kaqchiquel Bible

¹⁷ Xaxe ri che' ri niya'on etamabel richin ri utz y ri itzel man tatej, roma ri q'ij toq xtatej, kan xkaken, xcha'.

Wuj Richin ri Rutikeribel 2:17 ပူးပေါင်းရင်းမြစ်များ

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Santiago 1:15

Y wi nuya' q'ij chire ri itzel taq rayibel, chiri' nipe-wi ri mak. Y pa ruk'isibel nuk'en-pe kamik.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Colosenses 2:13

Ri rubanon kan, xa ix kaminaqi' chupan ri imak y xiben ri itzel taq irayibel. Jak'a re wakami kuyutajineq chik ri imak y rik'in ri' ri Dios xuben chiwe chi junan xixk'astej rik'in ri Cristo.

1 Timoteo 5:6

Ri malkani' ri xaxe ri kikoten richin re ruwach'ulew nikich'ob, xa e kaminaqi' chik, stape' k'a e k'es na.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

1 Corintios 15:22

Rik'in k'a ri Adán xqichinaj-wi ri kamik qonojel. Y roma ri Cristo xqojk'astej chik el qonojel.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

1 Corintios 15:56

Ja ri mak ri nibanon chi ri kamik nich'akon chiqij. Y ri ruchuq'a' ri mak, ja ri pixa'.

Romanos 1:32

Rije' stape' ketaman chi ri Dios rubin chi ri yebanon etzelal ke taq ri', k'o chi niqa' ri kamik pa kiwi'. Man rik'in ri' k'a nikiben na ronojel etzelal, y chuqa' yekikot toq k'o ch'aqa' chik ri keri' nikiben.

Ez 18:32

Roma yin man ninwajo' ta chi k'o ta jun niken chiwe rix. Xa kan tiya' k'a kan ri itzel taq banobel richin xkixk'ase' k'iy juna', yin Jehová ri yibin.

Wuj Richin ri Rutikeribel 3:17

Y ri Dios xubij chuqa' chire ri Adán: Roma kan xanimaj rutzij ri awixjayil y xatej ruwech ri che' ri xinbij chawe chi man tatej; awoma k'a rat xtiqaqa k'a itzel pa ruwi' re ruwach'ulew richin jantape'; y rik'in janila ruk'ayewal xtasamajij ri ulew richin xkawa' chijun ri ak'aslen.

Wuj Richin ri Rutikeribel 3:11

Y ri Dios xubij chire: ¿Achike xbin chawe chi at ch'anel? ¡Xa xatej ruwech ri che' ri xinbij chawe chi man tatej!, xcha'.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.

Romanos 6:16

Rix jebel iwetaman chi xabachike wineq ri nuya-ri' chi nok loq'on samajel, kan chuxe' k'a rutzij ri rajaw ri samaj k'o-wi. Roma ri' roj wi xtiqaya-qi' chuxe' rutzij ri mak, kan xqojok-wi rusamajela' ri mak y xqojruk'uaj pa kamik. Jak'a wi xtiqaya-qi' chuxe' rutzij ri Dios, xqojok rusamajela' rija', y xqojruk'uaj chupan ri k'aslen choj.

Ez 33:8

Rik'in juba' yin ninbij chawe chi ri wineq ri rujachon-ri' chubanik etzelal, kan xtiken. Wi rat man jun xabij chire ri wineq ri' richin nuchojmirisaj ta ri ruk'aslen, rija' xtiken k'a y chawe rat xtinch'ojij-wi ri rukik'el.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Apocalipsis 20:14

Chirij ri' ri kamik y ri akuchi yemuq-wi ri kaminaqi' xek'aq chupan ri achi'el choy ri k'o q'aq' xolon rik'in chuwilej-abej chupan. Y ri q'aq' ri' ja ri' ri ruka'n kamik.

Romanos 8:2

Xa kan ja toq xojok chuxe' ri rupixa' ri Loq'olej Espíritu ri niya'on k'aslen roma ri Cristo Jesús, jari' toq xojkolotej chuwech ri rupixa' ri mak y ri kamik.

Apocalipsis 2:11

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, man k'a xtapon ta chupan ri tijoj-poqonal richin ri ruka'n kamik, kacha' chike, xcha' chuwe.

Ez 33:14

Rik'in juba' ninbij chire jun wineq ri rujachon-ri' chubanik ri etzelal chi rija' kan xtiken roma ri itzel rubanobal. Jak'a wi rija' xa nitzolej k'a pe ruk'u'x y nuya' kan ri itzel k'aslen y nuchop k'a rubanik ri utz,

Deut 30:19

Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Deut 30:15

Titz'eta', wakami kan ninya' chiwech ri k'aslen o kamik, ri utz o ri ruk'ayewal.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

1 Rey 2:42

K'ari' ri rey xuteq royoxik ri Simí y xubij chire: Rat xaya' atzij chuwech ri Jehová toq yin xinbij chawe chi ri q'ij toq xkatel-el pa jun chik ruwach'ulew, kan xkabeken, xicha' chawe. Y rat xabij chuwe chi kan xtaben ri xinbij.

1 Sam 14:39

Roma ri Jehová ri nikolon ri qatinamit kan k'es-wi. Y yin kan nuya'on k'a nutzij chuwech rija' chi stape' kan ja ri nuk'ajol Jonatán xmakun, k'o chi niken, xcha'. Y man jun k'a chike ri achi'a' ri' ri k'o ta ri xubij-apo.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Wuj Richin ri Rutikeribel 20:7

Wakami k'a tatzolij-el ri ixoq chire ri Abraham, ri rachijil y roma rija' jun q'alajirisey ri nuch'abel yin, kan xtuk'utuj chuwe yin pan awi' rat. Jak'a wi man xtatzolij ta xkaken rat y konojel ri winaqi' ri ek'o chupan ri aruwach'ulew, xcha'.

Wuj Richin ri Rutikeribel 2:9

Y xuben richin xewachin-pe chuwech re qejoj re' ronojel ruwech che' ri kan e rayixel y kan e tijel y pa runik'ajal k'a ri qejoj ri' ek'o ka'i' che', ri jun nuya' k'aslen y ri jun chik nuya' etamabel chirij ri rukojol ri utz rik'in ri itzel.

Apocalipsis 20:6

Kan jebel ruwa-kiq'ij y e loq'olej ri janipe' xkek'astej chupan ri nabey k'astajibel, y ri ruka'n kamik man xtitikir ta chikij. Pa ruwi' ri' kan xke'ok sacerdote richin ri Dios y ri Cristo. Y junan xkeq'aton-tzij rik'in ri Cristo chupan ri 1,000 juna'.

Wuj Richin ri Jeremías 26:8

Y toq xitane' yan qa chire ronojel rutzijoxik ri xubij ri Jehová chuwe, jari' toq rije' xinkichop y xkibij chuwe: Wakami rat Jeremías yatibeqakamisaj.

1 Sam 22:16

Jari' toq ri rey xubij: Wakami k'a, kan xkaken rat y konojel ri aj pa rachoch kan ri atata', xcha'.

1 Sam 20:31

Rokik ri ruk'ajol ri Isaí k'es, rat man q'alaj ta xtaq'et kan tzij. Wakami k'a kabiyin, y tabek'ama-pe ri David, roma rija' ruk'amon nikamisex, xcha'.

1 Sam 14:44

Y ri Saúl xubij: Kan ja ri Dios xtiya'on rutojbalil-mak pa nuwi' wi rat man xkaken ta, xcha'.

1 Rey 2:37

Y wi k'o jun q'ij xkatel-el wawe' y xtaq'axaj ri ch'uti'n raqen-ya' Cedrón, tawetamaj k'a chi xkabeken y kan ja rat ri k'o amak, xcha' ri Salomón chire.

Wuj Kichin ri To'onela' 3:2

Xeruya' kan, xaxe richin chi niketamaj achike ri' ri labal, richin nikik'ut chikiwech ri man ketaman ta.