Wuj Richin ri Rutikeribel 19:29 - Kaqchiquel Bible

²⁹ Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.

Wuj Richin ri Rutikeribel 19:29 ပူးပေါင်းရင်းမြစ်များ

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Wuj Richin ri Rutikeribel 8:1

Jak'a ri Dios kan xuya-wi ri rutzil pa ruwi' ri Noé y ronojel kiwech chikopi' ri ek'o chupan ri nima-barco ri'; y roma ri' ri Dios xuben k'a chi xq'ax jun kaq'iq' pa ruwi' ri ruwach'ulew y ri ya' xuchop-qa ruqajinen.

Wuj Richin Bix Chire ri Dios 25:7

Man taya' ruk'exel chuwe roma ri numak ri xenbanala' toq k'a in ak'ual na. Tabana' utzil man toqaqa chi'ak'u'x ri nuyakatajinenri'il. Xa kan taya' k'a pa nuwi' ri awutzil y ri awajowabal rat nimalej Jehová, roma rat janila at utz.

2 Pedro 2:7

Chuqa' xukol-pe ri Lot, ri kan choj ruk'aslen. Rija' kan xq'axon ránima roma xerutz'et ri ch'aqa' chik winaqi' chi xkik'uaj jun itzel k'aslen.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Wuj Richin Bix Chire ri Dios 145:20

Rat Jehová kan ye'achajij konojel ri ye'ajowan awichin. Jak'a ri e banoy taq etzelal kan ye'ak'is-el chuwech re ruwach'ulew.

Wuj Richin Bix Chire ri Dios 136:23

Tiqamatioxij chire rija' ri kan xojoqaqa chuk'u'x toq niqak'owisaj tijoj-poqonal: Roma ri rujoyowanik rija' kan richin jantape'.

Wuj Richin Bix Chire ri Dios 106:4

Kinoqaqa k'a chi'ak'u'x, nimalej nu-Dios toq xke'akol ri ch'aqa' chik chike ri nuwinaq. Katanpe wik'in richin yinakol toq xke'ato' rije',

Wuj Richin Bix Chire ri Dios 105:42

Keri' xuben ri Jehová roma ri ya'on tzij ri rubanon; ri ruch'abel ri rubin kan chire ri Abraham, ri rusamajel.

Wuj Richin ri Nehemías 13:22

Y xinbij chike ri levita chi tikich'ajch'ojirisaj-ki' y kepe richin nikichajij ri ruchi' ri tz'aq richin nichajix ri q'ij richin uxlanen. Xich'on rik'in ri Dios y xinbij: Nu-Dios toqaqa k'a chi'ak'u'x ronojel re xinben, y tajoyowaj nuwech rik'in ri nimalej awutzil, xicha'.

Wuj Richin ri Nehemías 13:14

Y xich'on rik'in ri Dios y xinbij chire: Nu-Dios yin, toqaqa k'a chi'ak'u'x ronojel re xinben y kan tajoyowaj nuwech roma ri xinben pan awachoch y xatinsamajij, xicha'.

Wuj Richin ri Rutikeribel 30:22

K'ari' ri Dios xuya' ri rutzil pa ruwi' ri Raquel, y roma ri' xuya' q'ij richin xk'oje' ral.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin Bix Chire ri Dios 105:8

Rija' kan jantape' noqaqa chuk'u'x ri jikibel-tzij ri rubanon. Noqaqa chuk'u'x ri ruch'abel ri rubin pa kiwi' ri chi sol chi sol winaqi'.

Wuj Richin ri Rutikeribel 11:27

Wawe' e tz'ibatel-wi kan ri kibi' ri e rijatzul ri Taré: Ri Abram, ri Nacor y ri Harán; y ri Harán xralk'ualaj ri Lot.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

Deut 9:27

Ke'oqaqa k'a chi'ak'u'x ri e asamajela', ri Abraham, ri Isaac y ri Jacob. Takuyu' ri yakatajinenri'il richin re tinamit re', keri' chuqa' ri itzel taq banobel y ri mak ri yekibanala' chawech.

Ez 14:16

Y wi k'a ek'o ta ri e oxi' achi'a' ri', yin Jehová kan ninbij k'a chi rije' man xketikir ta xkekikol ri kimi'al, ni man xketikir ta xkekikol ri kik'ajol. Xa kan xaxe ri e oxi' ri' ri xkekolotej y ri ruwach'ulew xa kan xtik'oje' kan tz'iran.

Wuj Richin ri Achin Job 35:8

Jak'a toq rat yamakun, chike ri winaqi' ri e achi'el rat kan itzel nuben, y toq choj ri k'aslen ak'uan, chuqa' chike ri winaqi' ri' kan utz ri nuk'en-pe.