Wuj Richin ri Rutikeribel 19:25 - Kaqchiquel Bible

²⁵ Y kan achi'el k'a xerupiskolij kan ri tinamit ri', kan man jun chik ketal xk'oje' ta kan, xeruk'is konojel ri winaqi', ronojel ri ruwa-taq'aj y ronojel ri k'o chuwech.

Wuj Richin ri Rutikeribel 19:25 ပူးပေါင်းရင်းမြစ်များ

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Wuj Richin ri Rutikeribel 14:3

Re wo'o' rey re' y ri aj-labal xa xkitun-ki', y xkimol-ki' chupan ri ruwa-taq'aj richin Sidim y chiri' k'o-wi ri Tzayi-Choy re wakami.

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

2 Pedro 2:6

Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.

Wuj Richin ri Rutikeribel 13:12

Y ri Abram xk'oje' kan chupan ri ruwach'ulew Canaán y ri Lot xbek'oje' chuwa-taq'aj y xerupabala-q'anej ri rachoch ri banon rik'in tzieq, chikinaqaj ri tinamit. Y keri' xubanala', xa eqal-eqal xapon k'a pa Sodoma.

Deut 29:23

Y xtikitz'et k'a chi ri chiri' kan xtok kan tz'iran ruwach'ulew, xa kan xaxe chik ri chuwilej-abej, atz'an y k'atineq ulew k'o y man niwachin ta chik y ni ta q'ayis man nik'ase' ta chik chuwech, roma kan xtibanatej rik'in achi'el ri xbanatej kik'in ri tinamit Sodoma, Gomorra, Admá y Zeboím, roma ri Jehová xyakatej janila royowal chikij y xeruk'is.

Wuj Richin ri Isaías 13:19

Ri tinamit Babilonia janila rejqalen chikiwech ri ch'aqa' chik ruwach'ulew, achi'el jun jebelej abej ri janila rejqalen. Y ri tinamit ri' kan janila ruwa-ruq'ij chikiwech ri aj chiri'. Jak'a xa xtiwulex roma ri Dios, achi'el xuben ojer kan kik'in ri tinamit Sodoma y Gomorra.

Wuj Richin ri Jeremías 20:16

Re ya'ol rutzijol re' kan ta xtiban rik'in achi'el xbanatej kik'in ri nima'q taq tinamit ri kan jumul xeruk'is ri Jehová ri ojer kan. Nimaq'a' yan nrak'axaj ta raqoj-chi'ij kichin ri e etzelanel richin y ri pa nik'aj-q'ij nrak'axaj ta ri raqoj-chi'ij richin ri labal ri nibanatej.

Wuj Richin ri Jeremías 49:18

Kan xtik'is achi'el ri tinamit Sodoma y Gomorra y ri tinamit ri ek'o chunaqaj. Kan man jun chik k'a xtik'ase' kan chiri'.

Wuj Richin ri Jeremías 50:40

Kan xenk'is k'a ri tinamit Sodoma y Gomorra y ri tinamit ri ek'o chikinaqaj. Y kan keri' chuqa' xtinben rik'in ri Babilonia. Y man jun chik k'a ri xtibek'oje' chik chiri'. Yin Jehová ri yibin.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Ez 16:50

Kan e nima'q k'a xkina-ki' y ri kibanobal kan man xqa' ta chinuwech. Y roma ri' xinya' k'a rutojbalil-mak pa kiwi'.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Jeremías 23:14

Chuqa' chikikojol ri nikibananej chi e q'alajirisey nuch'abel ri ek'o pa Jerusalem, nutz'eton ri itzel banobel ri nikiben chi xkijech-ki' kik'in ri kixjayilal y xekikanoj ch'aqa' chik ixoqi'. Xaxe tz'ukun taq tzij nikiben y kan yekito-apo ri e banoy taq etzelal richin man jun nuch'er kan ri' chubanik ri etzelal. Chinuwech yin konojel rije' e achi'el ri winaqi' richin ri tinamit Sodoma y Gomorra.

Wuj Richin ri Sofonías 2:9

Roma ri' yin Jehová, ri in k'iytisanel richin ronojel, ninya' nutzij chi ri ruwach'ulew Moab xtiberuk'uluwachij achi'el ri Sodoma, y ri Amón achi'el ri Gomorra. Xtibe'ok kan juyu' richin k'ix y ulew richin atz'an. Kan xtitole' k'a kan richin q'asen. Jak'a ri xkekolotej kan chike ri nutinamit yin, xtikichinaj kan ronojel ri k'o rejqalen, y xtok kan kichin rije' richin q'asen.