Wuj Richin ri Rutikeribel 19:19 - Kaqchiquel Bible

¹⁹ Rix kan janila utzil ibanon wik'in, y kan xijoyowaj nuwech, roma ri' xikol re nuk'aslen. Jak'a yin man yitikir ta ninkol-el-wi' k'a la chuwa taq juyu' la'. Man xa achike tink'uluwachij y yiken pa bey.

Wuj Richin ri Rutikeribel 19:19 ပူးပေါင်းရင်းမြစ်များ

1 Rey 9:9

Y rije' xa xtikibij: Xa roma xkimalij kan ri Jehová ri ki-Dios, ri xelesan-pe kichin ri kite-kitata' pa ruwach'ulew Egipto, y xa xekik'amala-apo ch'aqa' chik dios richin xkiya' kiq'ij y richin xekisamajij. Xa roma ri' ri Jehová xuya-pe pa kiwi' re ruk'ayewal re', xkecha'.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Wuj Richin ri Rutikeribel 12:13

Y roma ri' tabij k'a chi at wana'; richin keri' utz k'a xtikiben wik'in yin, y xkik'ase' k'a awoma rat, xcha' ri Abram.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Marcos 9:19

Ri Jesús xubij chike ri winaqi': Kan man jun chiwe rix ri kuqul ta ruk'u'x rik'in ri Dios. ¿Rix nich'ob chi yin kan jantape' yik'oje' iwik'in? ¿Chi kan jantape' k'o chi yixinkoch'? Tik'ama-pe ri ala', xcha'.

San Lucas 1:58

Toq ri e rachk'uljay y ri e rach'alal xkak'axaj chi ri Dios xuya' ri rutzil pa ruwi' y xujoyowaj ruwech, kan janila xekikot rik'in.

Wuj Richin ri Rutikeribel 6:8

Jak'a ri Noé utz xtz'et roma ri Jehová.

Wuj Richin ri Rutikeribel 19:18

Jak'a ri Lot xubij chike: Ni, wajaw yin.

Wuj Richin ri Rutikeribel 19:20

Roma naqaj k'o la jun ko'ol tinamit la', akuchi utz xtinkol-el-wi'. Tiya' q'ij chuwe richin yibe chila' richin ninkol-el nuk'aslen, xcha' ri Lot chike.

Wuj Richin ri Rutikeribel 19:30

Y ri Lot xpe k'a xibinri'il chire chi nik'oje' kan chupan ri tinamit Sóar, roma ri' rija' y ri e ka'i' rumi'al xebe-q'anej ri chuwa taq juyu' y chiri' xebek'oje-wi pa jun jul.

Wuj Richin ri Rutikeribel 39:4

Re' xuben chi utz xtz'et roma ri Potifar. Y ri José xok iliy richin rija' y xuben chire chi ja rija' xok aj-raqen pa rachoch y pa ruq'a' rija' xuya-wi ri janipe' k'o rik'in.